ಉಡುಪಿ ಜಿಲ್ಲೆಗೆ ವಿಶ್ವ ಬ್ಯಾಂಕ್​ ಅಧಿಕಾರಿಗಳ ತಂಡ

ಕರ್ನಾಟಕ ಕರಾವಳಿ ಸ್ಥಳೀಯ ಮತ್ತು ಆರ್ಥಿಕತೆ ಬಲಪಡಿಸುವ ಯೋಜನೆ (ಕೆ-ಶೋರ್) ಅಂಗವಾಗಿ ವಿಶ್ವ ಬ್ಯಾಂಕ್​ನ ವಿವಿಧ ದೇಶಗಳ ಅಧಿಕಾರಿಗಳು ಉಡುಪಿ ಜಿಲ್ಲೆಗೆ ಭೇಟಿ ನೀಡಿ ಕರಾವಳಿ ಪ್ರದೇಶಗಳ ಪರಿಸರ ಸಂರಕ್ಷಣೆ ಹಾಗೂ ತ್ಯಾಜ್ಯ ನಿರ್ವಹಣಾ ಕ್ರಮಗಳ ಕುರಿತು ಪರಿಶೀಲನೆ ನಡೆಸಿದರು.

ಅಧಿಕಾರಿಗಳ ತಂಡ ಪಡುಬಿದ್ರಿ ಬ್ಲೂ ಫ್ಲ್ಯಾಗ್​ ಬೀಚ್​ ಹಾಗೂ ಪಡುಬಿದ್ರಿ ಗ್ರಾಮ ಪಂಚಾಯಿತಿ ಕಸ ನಿರ್ವಹಣಾ ಘಟಕ, ಎಲ್ಲೂರು ಎಂಆರ್​ಎಫ್​ ಘಟಕಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿತು.

ತ್ಯಾಜ್ಯ ನಿರ್ವಹಣೆಯಲ್ಲಿ ತೊಡಗಿರುವ ಸಿಬ್ಬಂದಿಯೊಂದಿಗೆ ಸಂವಾದ ನಡೆಸಿ, ಕೈಗೊಳ್ಳಲಾಗುತ್ತಿರುವ ಕ್ರಮಗಳ ಕುರಿತು ಮಾಹಿತಿ ಪಡೆದುಕೊಂಡರು.

ಉಡುಪಿ ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಪ್ರತಿಕ್​ ಬಾಯಲ್​, ಅರಣ್ಯ ಇಲಾಖೆ ಎಸಿಎಫ್​ ಶ್ರೀಧರ್​, ತಾ.ಪಂ. ಕಾರ್ಯನಿರ್ವಹಣಾಧಿಕಾರಿ ವಿಜಯ ಕುಮಾರ್​, ಪಡುಬಿದ್ರಿ ಪಿಡಿಒ ಮಂಜುನಾಥ್​ ಶೆಟ್ಟಿ ಉಪಸ್ಥಿತರಿದ್ದರು.