ಕುಕ್ಕೆಯಲ್ಲಿ ಗಾಳಿ-ಮಳೆಗೆ ಹಲೆವೆಡೆ ಹಾನಿ

ಅಗ್ರಹಾರದಲ್ಲಿ ವಿದ್ಯುತ್ ತಂತಿ ಮೇಲೆ ಮರ ಬಿದ್ದು ವಿದ್ಯುತ್ ಕಂಬ ಮುರಿದಿದೆ. ಇದರಿಂದಾಗಿ ಸುಬ್ರಹ್ಮಣ್ಯ-ಅಗ್ರಹಾರ ರಸ್ತೆ ಸಂಚಾರ ಬಂದ್ ಆಗಿತ್ತು. ಕುಲ್ಕುಂದ ಕಾಲನಿ ಮತ್ತು ಪರ್ವತಮುಖಿಯಲ್ಲಿ ಮನೆ ಮೇಲೆ ಮರ ಬಿದ್ದು ಅಪಾರ ನಷ್ಟ ಉಂಟಾಗಿದೆ. ಪರ್ವತಮುಖಿ, ಕುಲ್ಕುಂದ, ಕುಲ್ಕುಂದ ಕಾಲನಿ ಬಳಿ ಮರ ವಿದ್ಯುತ್ ತಂತಿ ಮೇಲೆ ಉರುಳಿ ವಿದ್ಯುತ್ ಕಂಬ ಮುರಿದಿದೆ.

ಈ ಪ್ರದೇಶದಲ್ಲಿ 13ಕ್ಕೂ ಅಧಿಕ ಕಂಬ ಉರುಳಿ ಬಿದ್ದು ಮೆಸ್ಕಾಂ ಇಲಾಖೆಗೆ ಅಪಾರ ನಷ್ಟ ಸಂಭವಿಸಿದೆ. ಬುಧವಾರ ಮುಂಜಾನೆಯಿಂದ ಸುಬ್ರಹ್ಮಣ್ಯ ಪರಿಸರದಲ್ಲಿ ಮೆಸ್ಕಾಂ ಸಹಾಯಕ ಇಂಜಿನಿಯರ್ ಚಿದಾನಂದ ಕೆ. ನೇತೃತ್ವದಲ್ಲಿ ಮೆಸ್ಕಾಂ ಸಿಬ್ಬಂದಿ ವಿದ್ಯುತ್ ವ್ಯವಸ್ಥೆ ಸಮರ್ಪಕಗೊಳಿಸುವ ಕಾರ್ಯ ನಡೆಸಿದರು.