ಗಾಳಿ- ಮಳೆಗೆ ಕಾರ್ಕಳ ತಾಲೂಕಿನಾದ್ಯಂತ ಹಾನಿ

ಕುಕ್ಕುಂದೂರು ಗ್ರಾಮದ ಕೇರ್ದಡ್ಡು ಎಂಬಲ್ಲಿಯ ಸುಂದರಿ ಅವರ ಮನೆ ಮೇಲೆ ಶನಿವಾರ ಮರ ಬಿದ್ದು ಹಾನಿಯಾಗಿದೆ.

ಕುಕ್ಕುಂದೂರು ಗ್ರಾಮದ ನಡಿಬೆಟ್ಟು ಎಂಬಲ್ಲಿ ದಿನೇಶ್​ ಎಂಬುವರ ಮನೆಗೆ ಸಿಡಿಲು ಬಡಿದು ವಿದ್ಯುತ್​ ಸಂಪರ್ಕ ಮೀಟರ್​ ಬೋರ್ಡ್​ ವಯರ್​ ಮತ್ತು ಗೋಡೆಯಲ್ಲಿ ಬಿರುಕು ಸಂಭವಿಸಿದೆ. ಬಂಗ್ಲೆಗುಡ್ಡೆ ಸದ್ಭಾವನ ನಗರ ನಿವಾಸಿ ಮಾಧವ ಅವರ ಮನೆಗೆ ಮರ ಬಿದ್ದು ನಷ್ಟ ಉಂಟಾಗಿದೆ.

ನಂದಳಿಕೆ ಗ್ರಾಮದ ಬೈರಾಬೆಟ್ಟು ಎಂಬಲ್ಲಿ ಕುಶಲ ಪೂಜಾರ್ತಿ ಅವರ ಮನೆಯ ಮೇಲ್ಛಾವಣಿಗೆ ಹಾನಿಯಾಗಿದೆ. ನಂದಳಿಕೆ ಗ್ರಾಮದ ಕಕ್ಕೆಪದವು ನಿವಾಸಿ ಪುಷ್ಪಾ ಅವರ ಮನೆಯ ಹೆಂಚುಗಳು ಗಾಳಿಗೆ ಹಾರಿ ನಷ್ಟವಾಗಿದೆ. ಸರೋಜಿನಿ ಶೆಟ್ಟಿ ಎಂಬುವರ ಮನೆ ಛಾವಣಿಗೆ ಹಾನಿಯುಂಟಾಗಿದೆ. ರಾಘು ಶೆಟ್ಟಿ ಎಂಬುವರ ಮನೆ ಮೇಲೆ ಮರ ಬಿದ್ದು ಹಾನಿಯಾಗಿದೆ.