ಪುರಸಭೆಗೆ ಜಲಸಿರಿ ಲಗಾಮು!

ಪುರಸಭೆ ಆಡಳಿತ ಹಾಗೂ ಜಲಸಿರಿ ನಿರ್ವಹಣೆ

Published on:

20 Feb 2026, 12:02 pm

ವಿಜಯವಾಣಿ ಸುದ್ದಿಜಾಲ ಕುಂದಾಪುರ

ಗುರುವಾರದಿಂದ ಬುಧವಾರದವರೆಗೆ ಪೈಪ್ ಲೈನ್ ತುಂಡಾಗಿದೆ ಎಂದು ನೀರಿಲ್ಲ. ಮಂಗಳವಾರ ವಿದ್ಯುತ್ ಇಲ್ಲ ಎಂದು ನೀರಿಲ್ಲ. ಒಟ್ಟಿನಲ್ಲಿ ವಾರದ ಅಷ್ಟೂ ದಿನ, ದಿನದ 24 ಗಂಟೆ ನೀರು ಕೊಡುವ ಯೋಜನೆಗೆ 28 ಕೋಟಿ ರೂ. ಸುರಿದು, ವರ್ಷವೂ 2.2 ಕೋಟಿ ರೂ. ನೀಡುವ ಪುರಸಭೆ ವ್ಯಾಪ್ತಿಯಲ್ಲಿ ನೀರಿನ ಅಭಾವ ತಲೆದೋರಿದೆ.

ಪುರಸಭೆ ಆಡಳಿತ ಹಾಗೂ ಜಲಸಿರಿ ನಿರ್ವಹಣೆ ಸಂಸ್ಥೆಯ ಜತೆಗಿನ ತಿಕ್ಕಾಟದಿಂದ ನಗರಕ್ಕೆ ಕಳೆದ 8 ದಿನಗಳಿಂದ ನೀರು ಸರಬರಾಜಿನಲ್ಲಿ ವ್ಯತ್ಯಯವಾಗುತ್ತಿದೆ. ನಗರ ಹಾಗೂ 7 ಪಂಚಾಯಿತಿಗಳಿಗೆ, ಸಂಸ್ಥೆಗಳಿಗೆ ನಿರಂತರ ನೀರು ಕೊಡುವ ಜವಾಬ್ದಾರಿ ಹೊತ್ತು ವಾರ್ಷಿಕ 1.5 ಕೋಟಿ ರೂ.ಗೂ ಅಧಿಕ ನಿರ್ವಹಣೆ ಮೊತ್ತ ಪಡೆಯುವ ಖಾಸಗಿ ಸಂಸ್ಥೆ 6 ಲಕ್ಷ ರೂ.ಗಳ ಬಾಕಿಗಾಗಿ ನೀರು ಕೊಡದೇ ಉದಾಸೀನ ತೋರಿಸುತ್ತಿದೆ.

ಹೆಸರಿಗೆ ಮಾತ್ರ 2X7 ನೀರು

ಕುಂದಾಪುರ ಪುರಸಭೆ ವ್ಯಾಪ್ತಿಯಲ್ಲಿ ಒಂದು ವಾರ ಆಯಿತು ನೀರು ಇಲ್ಲದೆ ಎನ್ನುತ್ತಾರೆ ಪುರಸಭೆ ಮಾಜಿ ಸದಸ್ಯ ರಾವೇಂದ್ರ ಖಾರ್ವಿ ಮದ್ದುಗುಡ್ಡೆ. ನೀರು ಪೂರೈಕೆ ಹೊಣೆ ಹೊತ್ತಿರುವ ಖಾಸಗಿ ಸಂಸ್ಥೆ ತನ್ನ ಜವಾಬ್ದಾರಿಯನ್ನೇ ಮರೆತಿದೆ. 40 ಜನ ಕೆಲಸ ನಿರ್ವಹಿಸುತ್ತಿದ್ದಾರೆಂಬ ಲೆಕ್ಕ ಕೊಡುತ್ತಿರುವ ಖಾಸಗಿ ಸಂಸ್ಥೆ ನೀರು ಪೂರೈಕೆಯಲ್ಲಿ ವ್ಯತ್ಯಾಸ ವಾಡುತ್ತಿರುವುದರಿಂದ ಇವರ ಸೇವೆಯನ್ನು ಪುರಸಭೆ ಸ್ಥಗಿತಗೊಳಿಸಬೇಕು ಎಂದು ಪುರಸಭೆ ಮಾಜಿ ಸದಸ್ಯ ಚಂದ್ರಶೇಖರ ಖಾರ್ವಿ ಆಗ್ರಹಿಸಿದ್ದಾರೆ.

ನೀರು ಸರಬರಾಜಿನ 1.5 ಕೋಟಿ ರೂ. ನೀಡಿದ ಮೇಲೆ ನಿರ್ವಹಣೆಗೆ ಎಂದು ಮತ್ತೆ 70 ಲಕ್ಷ ರೂ. ನೀಡುವುದಾದರೆ ಆ 1.5 ಕೋಟಿ ರೂ. ಯಾಕೆ? ಈ ಹಗರಣದಲ್ಲಿ ಯಾರೆಲ್ಲ ಶಾಮೀಲಾಗಿದ್ದಾರೆ ಎಂದು ಪುರಸಭೆ ಮಾಜಿ ಉಪಾಧ್ಯಕ್ಷ ರಾಜೇಶ್ ಕಾವೇರಿ ಪ್ರಶ್ನಿಸಿದ್ದಾರೆ.

ಪುರಸಭೆಗೆ ಜ್ಞಾಪನ ಓಲೆ!

ಕಾರ್ಯಾಚರಣೆ ಮತ್ತು ನಿರ್ವಹಣೆ ಗುತ್ತಿಗೆದಾರ ಸಂಸ್ಥೆ ಪ್ರಕಾರ, ನೇರಂಬಳ್ಳಿ ಬಸ್ ನಿಲ್ದಾಣ ಹುಣಸೆಕಟ್ಟೆ ಬ್ರಿಡ್ಜ್‌ನ ಹತ್ತಿರ 457 ಎಂಎಂ ಡಯಾಮೀಟರ್‌ನ ಕುಡಿಯುವ ನೀರಿನ ಮುಖ್ಯ ಪೈಪ್‌ಗೆ ಹಾನಿಯಾಗಿದ್ದು, ಇದರಿಂದಾಗಿ ಎಂಎಸ್ ಪೈಪಿನಿಂದ ಭಾರಿ ಪ್ರವಾಣದಲ್ಲಿ ನೀರು ಸೋರಿಕೆಯಾಗುತ್ತಿದೆ. ಆದ್ದರಿಂದ ನೀರಿನ ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗಬಹುದು ಎಂದು ವಾಹಿತಿ ನೀಡಿತ್ತು. ನಿರ್ವಹಣೆ ವಾಡಿದ ಹಣ ಬಂದಿಲ್ಲ. ಆದ್ದರಿಂದ ನಿರ್ವಹಣೆ ಕಷ್ಟ ಎನ್ನುತ್ತದೆ ಸಂಸ್ಥೆ. ಅದರ ಪ್ರಕಾರ 2024 ಅಕ್ಟೋಬರ್‌ನಿಂದ ಪುರಸಭೆ ಹಣ ನೀಡಿಲ್ಲ. 2025ರ ಏಪ್ರಿಲ್, ನವೆಂಬರ್‌ನಲ್ಲಿ ನೀಡಿದ ಬಿಲ್‌ಗಳಿಗೂ ಪುರಸಭೆಯಿಂದ ಪಾವತಿ ಆಗಿಲ್ಲ. ಈ ಬಗ್ಗೆ ಫೆ.16ರಂದು ಮತ್ತೆ ಪುರಸಭೆಗೆ ಜ್ಞಾಪನ ಓಲೆ ಕಳಿಸಿದೆ.

4,500 ನಲ್ಲಿಗಳಿಗೆ 2.2 ಕೋಟಿ ರೂ.

ಕುಡಿಯುವ ನೀರು ಸರಬರಾಜು ಮಾಡಿದ ಬಾಬ್ತು 1.76 ಕೋಟಿ ರೂ. ಬಿಲ್ ವಸೂಲಿಗೆ ಬಾಕಿ ಇದೆ. ವಾರ್ಷಿಕ 2.2 ಕೋಟಿ ರೂ.ಗಳಷ್ಟು ಮೊತ್ತ ಸಂಸ್ಥೆಗೆ ನೀಡಬೇಕಾಗುತ್ತದೆ. 23 ವಾರ್ಡ್‌ಗಳಲ್ಲಿ ಇರುವ ನಲ್ಲಿಗಳು 4,500 ಮಾತ್ರ.

ಸಮಸ್ಯೆ ಬಗ್ಗೆ ಕಿವಿಗೊಡದ ಜಲಸಿರಿ ಅಧಿಕಾರಿಗಳಿಗೆ ತಡವಾಗಿ ಜ್ಞಾನೋದಯವಾಗುತ್ತದೆ. 24X7 ನೀರು ಕೊಡುವ ಬದಲು ಇಂತಿಷ್ಟು ಗಂಟೆಯೇ ನೀರು ಕೊಡುತ್ತೇವೆ ಎಂದು ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಲಿ. ಆಗ ಗ್ರಾಹಕರು ಅದಕ್ಕೆ ಹೊಂದಿಕೊಂಡು ಹೋಗುತ್ತಾರೆ. ಜಲಸಿರಿ ನಿರ್ವಹಣೆಯಲ್ಲಿ ಈಗಿನ ಅಧಿಕಾರಿಗಳು ಸಂಪೂರ್ಣ ವಿಫಲರಾಗಿದ್ದಾರೆ.

ಸಂಸ್ಥೆಗೆ ನೀಡಬೇಕಾದ ಹಣದ ವಿಚಾರ ಏನೇ ಇದ್ದರೂ ಸಾರ್ವಜನಿಕರಿಗೆ ತೊಂದರೆ ಮಾಡಬಾರದು. ಈ ನಿಟ್ಟಿನಲ್ಲಿ ಅಧಿಕಾರಿಗಳು ಗಮನಹರಿಸಬೇಕಿತ್ತು.

ನಿರ್ವಹಣೆ ವಾಡಿದ ಹಣವನ್ನು ಶೀಘ್ರವೇ ಪಾವತಿಸಲಾಗುವುದು. ನಿರ್ವಹಣೆ ಬಾಬ್ತು 6 ಲಕ್ಷ ರೂ. ಪಾವತಿಸಲು ಬಾಕಿ ಇದ್ದು ಕ್ರಮ ಕೈಗೊಳ್ಳಲಾಗುವುದು. ನೀರು ಸರಬರಾಜಿಗೆ ವ್ಯವಸ್ಥೆ ಮಾಡುವಂತೆ ಸೂಚಿಸಲಾಗಿದೆ.

Water