ಕಾಪು ತಾಲೂಕಿನ ಗ್ರಾಪಂಗಳಿಗೆ ಅನುಕೂಲಕರವಾಗಿ ಎಲ್ಲೂರು ಗ್ರಾಮದಲ್ಲಿ ನಿರ್ಮಾಣವಾಗಿರುವ ಎಂಆರ್ಎಫ್ ಘಟಕದಲ್ಲಿ ಪಡುಬಿದ್ರಿ ಗ್ರಾಪಂ ಘನತ್ಯಾಜ್ಯವನ್ನು ವಿಲೇ ಮಾಡಲಾಗುತ್ತಿದೆ. ಪಡುಬಿದ್ರಿ ಕಾರ್ಕಳ ರಾಜ್ಯ ಹೆದ್ದಾರಿ, ರಾಷ್ಟ್ರೀಯ ಹೆದ್ದಾರಿ, ಜಿಲ್ಲಾ ಪಂಚಾಯಿತಿ ಸಹಿತ ನಿತ್ಯ ನೂರಾರು ಜನ ಸಂಚರಿಸುವ ಪಡುಬಿದ್ರಿ, ಅಬ್ಬೇಡಿ, ಕಂಚಿನಡ್ಕ ರಾಘವೇಂದ್ರ ಮಠ, ಅಲಂಗಾರ್ ಸಂಪರ್ಕ ರಸ್ತೆಗಳ ಇಕ್ಕೆಲಗಳಲ್ಲಿ ಗಿಡಗಂಟಿಗಳು ಬೆಳೆದಿದ್ದು, ಅಲ್ಲಿಯೇ ಮೂಟೆಯಲ್ಲಿ ತಂದು ತ್ಯಾಜ್ಯ ಸುರಿಯಲಾಗುತ್ತಿದೆ. ಬೆಳೆಯುತ್ತಿರುವ ಪಟ್ಟಣವಾಗಿರುವ ಪಡುಬಿದ್ರಿಯಲ್ಲಿ ಕೈಗಾರಿಕಾ ಘಟಕ, ವಸತಿ ಸಂಕೀರ್ಣಗಳ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಳವಾಗುತ್ತಿದ್ದು, ಅದಕ್ಕೆ ಹೊಂದಿಕೊಂಡಂತೆ ವಲಸೆ ಕಾರ್ಮಿಕರ ಸಂಖ್ಯೆಯೂ ಅಧಿಕವಾಗುತ್ತಿದೆ.
