ಕೇಂದ್ರ ಸರ್ಕಾರ 'ವಿಬಿ-ಜಿ ರಾಮ್-ಜಿ' ಯೋಜನೆಗೆ ವಿವಿಧ ಮಾನದಂಡ ಅಳವಡಿಸಿದೆ. ಕಾಂಗ್ರೆಸ್ನ ಪುಢಾರಿಗಳಿಗೆ ಈ ಯೋಜನೆಯಿಂದ ಇನ್ನು ದುಡ್ಡು ಕೊಳ್ಳೆ ಹೊಡೆಯಲು ಆಗದು. ಹೀಗಾಗಿಯೇ ಅವರು ದೇಶಾದ್ಯಂತ ಪ್ರತಿಭಟಿಸುತ್ತಿದ್ದಾರೆ. ಮನರೇಗಾ ಯೋಜನೆಯಲ್ಲಿ 11 ಲಕ್ಷ ಪ್ರಕರಣಗಳಲ್ಲಿ 300 ಕೋಟಿ ರೂ. ಭ್ರಷ್ಟಾಚಾರ ನಡೆದಿದೆ. ಹೀಗಾಗಿ ಯೋಜನೆಯನ್ನು ಸುವ್ಯವಸ್ಥಿತವಾಗಿ ಅನುಷ್ಠಾನಗೊಳಿಸಲು ಅನೇಕ ಮಾನದಂಡ ಅಳವಡಿಸಲಾಗಿದೆ. ಜಲ ಭದ್ರತೆ, ಗ್ರಾಮೀಣ ಮೂಲಸೌಕರ್ಯ, ಜೀವನೋಪಾಯ, ಹವಾಮಾನ ವೈಪರೀತ್ಯ ಎಂದು ನಾಲ್ಕು ವಿಭಾಗ ಮಾಡಲಾಗಿದೆ. 16 ಯೋಜನೆಗಳನ್ನು ಇದಕ್ಕೆ ಜೋಡಿಸಲಾಗಿದೆ. 100 ದಿನದ ಕೆಲಸದ ಅವಧಿಯನ್ನು 120ಕ್ಕೆ ಏರಿಸಿ ಕಾರ್ಮಿಕರ ಹಕ್ಕು ರಸಲಾಗಿದೆ. ಬಯೋಮೆಟ್ರಿಕ್ ಹಾಜರಾತಿ, ಜಿಯೋ ಟ್ಯಾಗ್ ಮೂಲಕ ತಂತ್ರಜ್ಞಾನ ಅಳವಡಿಸಿ ಪಾರದರ್ಶಕತೆ ಅಳವಡಿಸಲಾಗಿದೆ. ಯಾವುದೇ ರಾಜ್ಯ ಈ ಯೋಜನೆಯಡಿ ಯಾವ ಅಭಿವೃದ್ಧಿ ಕಾರ್ಯ ಕೈಗೊಳ್ಳುತ್ತಿದೆ? ಎಷ್ಟು ಅನುದಾನ? ಕೆಲಸದ ಅವಧಿ. ಕಾರ್ಮಿಕರ ಸಂಖ್ಯೆ, ರ್ಖಚಾಗಲಿರುವ ಅನುದಾನ ಸೇರಿದಂತೆ ಸಮಗ್ರ ಅಂಕಿ-ಅಂಶವಿರುವ ಪ್ರಸ್ತಾವನೆ ನೀಡಬೇಕಿದೆ. ಬಳಿಕವೇ ಕೇಂದ್ರ ಸರ್ಕಾರ ಶೇ.40 ಅನುದಾನ ನೀಡಲಿದೆ. ಇದು ಗ್ರಾಮೀಣ ಭಾಗಗಳ ಅಭಿವೃದ್ಧಿಯಲ್ಲಿ ಆಯಾ ರಾಜ್ಯ ಸರ್ಕಾರದ ಜವಾಬ್ದಾರಿ ನಿಭಾಯಿಸಲು, ಸ್ಥಳೀಯ ಭ್ರಷ್ಟಾಚಾರಕ್ಕೆ ಕಡಿವಾಣ ಹಾಕಲು ಪರಿವರ್ತಿಸಿದ ಯೋಜನೆಯಾಗಿದೆ ಎಂದು ಡಾ. ನವೀನ್ ಮಾಹಿತಿ ನೀಡಿದರು.
