ಎಐ ಯುಗದಲ್ಲಿ ಹೊಸತನದ ಕಲಿಕೆ ಅನಿವಾರ್ಯ

ಕಾರ್ಕಳ ಭುವನೇಂದ್ರಕಾಲೇಜಿನ ಐಕ್ಯುಎಸಿ ಮತ್ತು ಗಣಕ ವಿಜ್ಞಾನ ವಿಭಾಗದ ಸಹಭಾಗಿತ್ವದಲ್ಲಿ ಮಣಿಪಾಲ ಅಕಾಡೆಮಿಯ ಮರೀನ್ ಎಐ ವಿಭಾಗವು ಭುವನೇಂದ್ರ ಕಾಲೇಜಿನ ಬಿ.ಸಿ.ಎ. ಮತ್ತು ಬಿಎಸ್‌ಸಿ ಕಂಪ್ಯೂಟರ್ ತರಗತಿ ವಿದ್ಯಾರ್ಥಿಗಳಿಗೆ ಇತ್ತೀಚೆಗೆ ನಡೆದ ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ಕುರಿತ ಒಂದು ದಿನದ ಕಾರ್ಯಾಗಾರದಲ್ಲಿ ಮಾತನಾಡಿದರು.

ಮರೀನ್ ಎಐ ಇದರ ಸಿಯುಒ ಡಾ.ಸಂತೋಷ್ ರಾವ್ ಮಾತನಾಡಿ, ಈ ಕಾರ್ಯಾಗಾರದಿಂದ ವಿದ್ಯಾರ್ಥಿಗಳಿಗೆ ಭವಿಷ್ಯದಲ್ಲಿ ತುಂಬಾ ಪ್ರಯೋಜನವಾಗಲಿದೆ. ಆರ್ಟಿಫಿಷಿಯಲ್ ಇಂಟೆಲಿಜೆನ್ಸಿ ಬಿಸಿಎ ವಿದ್ಯಾರ್ಥಿಗಳಿಗೆ ಅಗತ್ಯವಾಗಿ ಬೇಕಿರುವುದರಿಂದ ಇಲ್ಲಿ ಪಡೆದ ತಿಳುವಳಿಕೆ ಮತ್ತಷ್ಟು ಬೆಳೆಯಲು ಕಾರಣವಾಗಬಲ್ಲುದು ಎಂದರು.

ಕಾಲೇಜು ಪ್ರಾಚಾರ್ಯ ಡಾ.ಮಂಜುನಾಥ ಎ.ಕೋಟ್ಯಾನ್ ಅಧ್ಯಕ್ಷತೆ ವಹಿಸಿ ವಾತನಾಡಿದರು.

ಡಾ.ನಿಶಾ ಶೆಟ್ಟಿ, ಡಾ. ಅಕ್ಷಯ್ ಕೆ.ಸಿ., ಶ್ರೀಕಾಂತ್ ಶೆಣೈ, ಪ್ರಣವ್ ಭಟ್ ವಿದ್ಯಾರ್ಥಿಗಳಿಗೆ ಕೃತಕ ತಂತ್ರಜ್ಞಾನದ ಕುರಿತ ಕಾರ್ಯಾಗಾರ ನಡೆಸಿಕೊಟ್ಟರು. ವಿದ್ಯಾರ್ಥಿ ಕ್ಷೇಮಪಾಲನಾ ಅಧಿಕಾರಿ ಡಾ.ಈಶ್ವರ ಭಟ್, ಕಾರ್ಯಕ್ರಮಸಂಯೋಜಕಿ ಹಾಗೂ ಉಪನ್ಯಾಸಕಿ ಸ್ವಾತಿ ಪೂಜಾರಿ ಉಪಸ್ಥಿತರಿದ್ದರು. ವಿದ್ಯಾರ್ಥಿನಿಯರಾದ ಜಾಯ್ಸಿಲ್ ಡಿಸೋಜ ಸ್ವಾಗತಿಸಿ, ಪ್ರಾರ್ಥನಾ ಹೆಗ್ಡೆ ವಂದಿಸಿದರು. ನಿರೀಕ್ಷಾ ಕಾರ್ಯಕ್ರಮ ನಿರೂಪಿಸಿದರು.