ಕಾಡಿನಲ್ಲಿ ನಿರ್ಮಿಸಿರುವ ನೀರಿನ ಟ್ಯಾಂಕ್ಗಳ ಸುತ್ತ ಟ್ರ್ಯಾಪ್ ಕ್ಯಾಮರಾ ಅಳವಡಿಸಲಾಗಿದ್ದು, ನೀರು ಕುಡಿಯುತ್ತಿರುವ ಕಾಡುಪ್ರಾಣಿಗಳ ಸುಂದರ ದೃಶ್ಯಗಳು ಸೆರೆಯಾಗಿವೆ. ಜಿಂಕೆ, ಕಾಡುಹಂದಿ, ನವಿಲು, ಕಾಡುಕೋಣ, ಚಿರತೆ, ಮೊಲ, ಮಂಗಗಳ ಹಿಂಡು, ಹದ್ದು ಸೇರಿದಂತೆ ವಿವಿಧ ಪಗಳು ನೀರಿನ ತೊಟ್ಟಿಯತ್ತ ಬಂದು ನೀರು ಕುಡಿಯುತ್ತಿದೆ. ರಾತ್ರಿಯ ವೇಳೆಯಲ್ಲೂ ನೀರು ಕುಡಿಯಲು ಅವು ಆಗಮಿಸಿರುವ ದೃಶ್ಯ ಕ್ಯಾಮರಾದಲ್ಲಿ ದಾಖಲಾಗುತ್ತಿವೆ. ಕಳೆದ ವರ್ಷವೂ ಸಹ ಕಾಡುಪ್ರಾಣಿಗಳಿಗೆ ಕುಡಿಯುವ ನೀರಿನ ವ್ಯವಸ್ಥೆ ಮಾಡಲಾಗಿತ್ತು. ಮನುಷ್ಯರಾದರೆ ಎಲ್ಲಿಯಾದರೂ ಕೇಳಿ ಅಥವಾ ನೀರಿನ ಬಾಟಲಿ ಖರೀದಿಸಿ ಕುಡಿಯುತ್ತಾರೆ. ಆದರೆ, ಅಡವಿಯೊಳಗೆ ಇರುವ ಮೂಕಪ್ರಾಣಿಗಳು ಏನು ಮಾಡಲು ಸಾಧ್ಯ? ಅವುಗಳ ಜಲದಾಹ ನೀಗಿಸಲು ನೀರಿನ ತೊಟ್ಟಿ ನಿರ್ಮಿಸಿದ್ದೇವೆ ಎನ್ನುತ್ತಾರೆ ಸಿದ್ಧಾಪುರ ಉಪವಲಯ ಅರಣ್ಯಾಧಿಕಾರಿ ರವಿ.
