ಉಡುಪಿ

ಸೌಹಾರ್ದ, ಸಂಸ್ಕೃತಿಯ ಪ್ರತಿಬಿಂಬ ಬಾರ್ಕೂರು

ಬ್ರಹ್ಮಾವರ ತಾಲೂಕಿನ ಬಾರ್ಕೂರಿನ ಸಂತೆಗುಡ್ಡೆ ಮಾಲೀಕ್​ ದಿನಾರ್​ ಜುಮ್ಮಾ ಮಸೀದಿಯಲ್ಲಿ ನಡೆದ ಸಭೆಯಲ್ಲಿ ಯು.ಟಿ. ಖಾದರ್​ ಮಾತನಾಡಿದರು. ಎಂ.ಎ. ಗಫೂರ್​, ಅಶೋಕ್​ ಕೊಡವೂರು, ಮೊಳಹಳ್ಳಿ ದಿನೇಶ್​, ಸುಗ್ಗಿ ಸುಧಾಕರ್​ ಶೆಟ್ಟಿ, ಶಾಂತಾರಾಮ್​ ಶೆಟ್ಟಿ ಇತರರಿದ್ದರು.
ಬ್ರಹ್ಮಾವರ ತಾಲೂಕಿನ ಬಾರ್ಕೂರಿನ ಸಂತೆಗುಡ್ಡೆ ಮಾಲೀಕ್​ ದಿನಾರ್​ ಜುಮ್ಮಾ ಮಸೀದಿಯಲ್ಲಿ ನಡೆದ ಸಭೆಯಲ್ಲಿ ಯು.ಟಿ. ಖಾದರ್​ ಮಾತನಾಡಿದರು. ಎಂ.ಎ. ಗಫೂರ್​, ಅಶೋಕ್​ ಕೊಡವೂರು, ಮೊಳಹಳ್ಳಿ ದಿನೇಶ್​, ಸುಗ್ಗಿ ಸುಧಾಕರ್​ ಶೆಟ್ಟಿ, ಶಾಂತಾರಾಮ್​ ಶೆಟ್ಟಿ ಇತರರಿದ್ದರು.
Published on: 

* ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವ ಯು.ಟಿ. ಖಾದರ್​ ಶ್ಲಾಘನೆ

* ಬಾರ್ಕೂರಿನ ಮಲ್ಲಿಕ್​ ದಿನಾರ್​ ಜುಮ್ಮಾ ಮಸೀದಿಯಲ್ಲಿ ಸಭೆ

ಉಡುಪಿ: ಇತಿಹಾಸ ಪ್ರಸಿದ್ಧವಾದ ಪವಿತ್ರ ಕ್ಷೇತ್ರ ಬಾರ್ಕೂರು. ವಿಜಯನಗರದ ರಾಜರು ಸೇರಿದಂತೆ ಹಲವು ರಾಜರು ಇಲ್ಲಿ ಆಳಿದ್ದಾರೆ. ಅನೇಕ ರಾಜರು ಬದಲಾದರೂ, ಅಧಿಕಾರ ಬದಲಾದರೂ ಸಹ ಬಾರಕೂರಿನ ಸಂಸತಿ ಮತ್ತು ಮೌಲ್ಯ ಶಾಶ್ವತವಾಗಿ ನೆಲೆನಿಲ್ಲುವಂತೆ ಮಾಡಿರುವುದು ದೊಡ್ಡ ಕೊಡುಗೆ. ಇಂದಿಗೂ ಸಹ ಇಲ್ಲಿನ ಪರಂಪರೆ ಉಳಿಸಿಕೊಂಡು ಬಂದಿರುವುದು ಶ್ಲಾಸ್ಕೃನೀಯ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ಯು.ಟಿ. ಖಾದರ್​ ಮೆಚ್ಚುಗೆ ವ್ಯಕ್ತಪಡಿಸಿದರು.
ಬ್ರಹ್ಮಾವರ ತಾಲೂಕಿನ ಬಾರ್ಕೂರು ಸಂತೆಗುಡ್ಡೆಯಲ್ಲಿರುವ ಮಲ್ಲಿಕ್​ ದಿನಾರ್​ ಜುಮ್ಮಾ ಮಸೀದಿಯಲ್ಲಿ ಮಂಗಳವಾರ (ಜು.21) ಆಯೋಜಿಸಿದ್ದ ಸಭೆಯಲ್ಲಿ ಮಾತನಾಡಿ, ಬಾರ್ಕೂರಿನಲ್ಲಿ ಪವಿತ್ರವಾದ ಹಲವು ದೇವಸ್ಥಾನ, ಮಸೀದಿ, ಚರ್ಚ್​ ಇದ್ದು ಎಲ್ಲ ಸಮುದಾಯದವರೂ ಸೌಹಾರ್ದದ ಜೀವನ ನಡೆಸುತ್ತಿದ್ದಾರೆ. ಇಲ್ಲಿಗೆ ಕಾಲಿಟ್ಟಾಗ ದೇಶದ ಸಂಸ್ಕೃತಿಯ ಪ್ರತಿಬಿಂಬ ಕಾಣಬಹುದಾಗಿದೆ ಎಂದರು.
ಕ್ಷೇತ್ರದ ಅಭಿವೃದ್ಧಿಗೆ ಸಹಕಾರ
ನಾವೆಲ್ಲರೂ ಪ್ರೀತಿ, ವಿಶ್ವಾಸ, ಸಂಸ್ಕೃತಿ, ಭ್ರಾತೃತ್ವ, ಪರಂಪರೆ, ಆಚಾರ-ವಿಚಾರವನ್ನು ಗುರು-ಹಿರಿಯರ ಮಾರ್ಗದರ್ಶನದಲ್ಲಿ ಶಾಶ್ವತವಾಗಿ ಮುಂದುವರಿಸುವ ಕೆಲಸ ಮಾಡಬೇಕು. ವಿಶ್ವಾಸಬದ್ಧ ಸಮಾಜ, ಅಭಿವೃದ್ಧಿಯ ಕರ್ನಾಟಕ ಹಾಗೂ ಬಲಿಷ್ಠ ಭಾರತ ನಿರ್ಮಾಣಕ್ಕೆ ಯುವಜನಾಂಗದೊಂದಿಗೆ ಕೈಜೋಡಿಸೋಣ. ಬಾರ್ಕೂರಿನ ಐತಿಹಾಸಿಕ ಶ್ರೀಮಂತಿಕೆ ಮರುಸೃಷ್ಟಿಸುವ ನಿಟ್ಟಿನಲ್ಲಿ ಕ್ಷೇತ್ರದ ಅಭಿವೃದ್ಧಿಗೆ ಎಲ್ಲ ರೀತಿಯ ಸಹಕಾರ ನೀಡಲಾಗುವುದು ಎಂದು ಸಚಿವ ಖಾದರ್​ ತಿಳಿಸಿದರು.

ಯೋಜನೆ ಅಗತ್ಯ

ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವ ಯು.ಟಿ. ಖಾದರ್​ ಅವರು ಬ್ರಹ್ಮಾವರ ತಾಲೂಕಿನ ಬಾರ್ಕೂರಿನ ಪಂಚಲಿಂಗೇಶ್ವರ ದೇವಸ್ಥಾನಕ್ಕೆ ಮಂಗಳವಾರ ಭೇಟಿ ನೀಡಿ ಪ್ರಸಾದ ಸ್ವೀಕರಿಸಿದರು. ಕರಾವಳಿ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷ ಎಂ.ಎ. ಗಫೂರ್​, ಗ್ಯಾರಂಟಿ ಯೋಜನೆಯ ಅನುಷ್ಠಾನ ಸಮಿತಿಯ ಜಿಲ್ಲಾಧ್ಯಕ್ಷ ಅಶೋಕ್​ ಕೊಡವೂರು, ಮೊಳಹಳ್ಳಿ ದಿನೇಶ್​, ಪಂಚಲಿಂಗೇಶ್ವರ ದೇವಸ್ಥಾನದ ಜೀಣೋರ್ದ್ಧಾರ ಸಮಿತಿಯ ಅಧ್ಯಕ್ಷ ಸುಗ್ಗಿ ಸುಧಾಕರ್​ ಶೆಟ್ಟಿ, ಶಾಂತಾರಾಮ್​ ಶೆಟ್ಟಿ ಇತರರಿದ್ದರು.
ಕರಾವಳಿ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷ ಎಂ.ಎ. ಗಫೂರ್​ ಮಾತನಾಡಿ, ಬಾರ್ಕೂರಿನ ಐತಿಹಾಸಿಕ ಶ್ರೀಮಂತಿಕೆ, ಇಲ್ಲಿನ ಇತಿಹಾಸ ಪುನರುಜ್ಜೀವನಗೊಳಿಸಲು ಅಗತ್ಯವಿರುವ ಯೋಜನೆ ರೂಪಿಸಬೇಕಿದೆ. ಗತವೈಭವ ಮತ್ತೆ ವಿಜೃಂಭಿಸಬೇಕಿದೆ ಎಂದರು.
ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿಯ ಜಿಲ್ಲಾಧ್ಯಕ್ಷ ಅಶೋಕ್​ ಕೊಡವೂರು, ಮೊಳಹಳ್ಳಿ ದಿನೇಶ್​, ಪಂಚಲಿಂಗೇಶ್ವರ ದೇವಸ್ಥಾನದ ಜೀರ್ಣೋದ್ಧಾರ ಸಮಿತಿಯ ಅಧ್ಯಕ್ಷ ಸುಗ್ಗಿ ಸುಧಾಕರ್​ ಶೆಟ್ಟಿ, ಶಾಂತಾರಾಮ್​ ಶೆಟ್ಟಿ ಇತರರು ಉಪಸ್ಥಿತರಿದ್ದರು.

ಮಂದಿರ, ಮಸೀದಿ ಚರ್ಚ್​ಗೆ ಭೇಟಿ

ಬಾರ್ಕೂರಿನ ಮಲ್ಲಿಕ್​ ದಿನಾರ್​ ಮಸೀದಿಗೆ ಭೇಟಿ ನೀಡಿದ ಬಳಿಕ ಸಚಿವ ಖಾದರ್​ ಅವರು ಬಬ್ಬುಸ್ವಾಮಿ ಮೂಲ ಕ್ಷೇತ್ರ ಕಚ್ಚೂರು ಮಾಲ್ತಿದೇವಿ ದೇವಸ್ಥಾನ, ಬಾರಕೂರಿನ ಸೈಂಟ್​ ಪೀರ್ಟಸ್​ ಚರ್ಚ್​, ಬಾರಕೂರಿನ ಪಂಚಲಿಂಗೇಶ್ವರ ದೇವಸ್ಥಾನಕ್ಕೆ ಭೇಟಿ ನೀಡಿ ಇತಿಹಾಸ ತಿಳಿದುಕೊಂಡರು.
"

ಬಾರ್ಕೂರು ಸಾವಿರಾರು ವರ್ಷಗಳ ಇತಿಹಾಸ ಹೊಂದಿರುವ ಪ್ರದೇಶ. ಭಾರತದ ನಾಗರಿಕತೆಯ ವೈಭವ ಇರುವ ಪ್ರದೇಶ. ಸೌಹಾರ್ದತೆಯ, ಸಂಸ್ಕೃತಿಯ ಪ್ರತಿಬಿಂಬವಾಗಿ, ಮಾನವೀಯ ಗುಣಗಳಿಗೆ ಗುರುತಿಸಿಕೊಳ್ಳುವ ಈ ಪ್ರದೇಶಕ್ಕೆ ನನ್ನ ನಮನ ಸಲ್ಲಿಸುತ್ತೇನೆ. ಸಹೋದರ ಭಾವ, ಪ್ರೀತಿ ವಿಶ್ವಾಸವನ್ನು ಆಕಸ್ಮಿಕ ಭೇಟಿಯ ವೇಳೆ ನಾನು ಕಂಡುಕೊಡ್ಡಿದ್ದೇನೆ.

— ಯು.ಟಿ. ಖಾದರ್​. ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವ.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net