ಉಡುಪಿ: ಜಿಲ್ಲೆಗೆ ಕೇಂದ್ರ ಸರ್ಕಾರದ ಬುಡಕಟ್ಟು ಇಲಾಖೆಯಿಂದ 18 ವಿವಿಧೋದ್ದೇಶ ಸಭಾಭವನಕ್ಕೆ 10.50 ಕೋಟಿ ರೂ. ಬಿಡುಗಡೆ ಮಾಡಲಾಗಿದೆ ಎಂದು ಉಡುಪಿ-ಚಿಕ್ಕಮಗಳೂರು ಸಂಸದ ಕೋಟ ಶ್ರೀನಿವಾಸ ಪೂಜಾರಿ ತಿಳಿಸಿದರು.

ಕುಂದಾಪುರ ತಾಲೂಕಿನ ಬೆಳ್ವೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿರುವ ಕೊರಗರ ಕಾಲನಿಗೆ ಶಾಸಕ ಕಿರಕುಮಾರ್​ ಕೊಡ್ಗಿ ಅವರೊಂದಿಗೆ ಮಂಗಳವಾರ (ಜೂ.9) ಭೇಟಿ ನೀಡಿ ನೂತನ ಸಭಾಭವನ ಪರಿಶೀಲಿಸಿ ಮಾತನಾಡಿದರು.

ಕೊರಗರ ವಿವಿಧೋದ್ದೇಶ ಕಟ್ಟಡವು ತಲಾ 60 ಲಕ್ಷ ರೂ. ಅನುದಾನದಲ್ಲಿ ನಿರ್ಮಾಣವಾಗುತ್ತಿದೆ. 17 ಕಟ್ಟಡಗಳು ಪ್ರಗತಿಯಲ್ಲಿದ್ದು ಕಾರ್ಕಳದಲ್ಲಿ ಒಂದು ಕಟ್ಟಡಕ್ಕೆ ನಿವೇಶನ ಒದಗಿಸಬೇಕಾಗಿದೆ. ಕೇಂದ್ರ ಸರ್ಕಾರ ಬಡವರಿಗಾಗಿ ನೀಡಿರುವ ಯೋಜನೆಗಳನ್ನು ಫಲಾನುಭವಿಗಳಿಗೆ ತಲುಪಿಸುವುದು ನಮ್ಮ ಜವಾಬ್ದಾರಿಯಾಗಿದೆ ಎಂದರು.

ಬೆಳ್ವೆ ಗ್ರಾಪಂ ಮಾಜಿ ಅಧ್ಯಕ್ಷ ಚಂದ್ರಶೇಖರ್​ ಶೆಟ್ಟಿ, ಮಾಜಿ ಉಪಾಧ್ಯಕ್ಷೆ ಕಲಾವತಿ ಆಚಾರ್ಯ, ಮಾಜಿ ಸದಸ್ಯ ಬಾಲಕೃಷ್ಣ ಶೆಟ್ಟಿ, ತಾಪಂ ಮಾಜಿ ಸದಸ್ಯರಾದ ಸದಾನಂದ್​ ಪೂಜಾರಿ, ದೀಪಿಕಾ ಶೆಟ್ಟಿ, ಸತೀಶ್​ ಶೆಟ್ಟಿ, ಪ್ರಮುಖರಾದ ವಿಜಯಕುಮಾರ್​ ಶೆಟ್ಟಿ ಗೊಳಿಯಂಗಡಿ, ಸಂತೋಷ್​ ಪೂಜಾರಿ, ಕೃಷ್ಣ ನಾಯ್ಕ್​, ರಾಜೇಶ್​, ಮದನಮೋಹನ್​, ಜಿಲ್ಲಾ ಮಹಿಳಾ ಮೋರ್ಚಾದ ಪ್ರಧಾನ ಕಾರ್ಯದರ್ಶಿ ಉಷಾ ಪ್ರಕಾಶ್​ ಶೆಟ್ಟಿ ಇನ್ನಿತರರು ಉಪಸ್ಥಿತರಿದ್ದರು.