ಸಾಂತ್ಯ ರಸ್ತೆಯಲ್ಲಿ ತೆರವಾಗದ ಮರದ ಗೆಲ್ಲುಗಳು

ಪುತ್ತೂರು ಗ್ರಾಮಾಂತರ: ಕರ್ನಾಟಕದಿಂದ ಕೇರಳ ಸಂಪರ್ಕದ ಅಂತಾರಾಜ್ಯ ಸಂಪರ್ಕ ರಸ್ತೆಯಲ್ಲಿ ಕಾವು-ಈಶ್ವರಮಂಗಲ ನಡುವಿನ ಸಾಂತ್ಯ ಎಂಬಲ್ಲಿ ರಸ್ತೆಯ ಅರ್ಧಭಾಗವನ್ನು ಆವರಿಸಿಕೊಂಡಿರುವ ಮರದ ಗೆಲ್ಲುಗಳನ್ನು ಸುಮಾರು ಒಂದು ತಿಂಗಳಿನಿಂದ ತೆರವುಗೊಳಿಸದೆ ನಿರ್ಲಕ್ಷಿಸಲಾಗಿದೆ. ರಸ್ತೆಯ ತಿರುವಿನಲ್ಲೇ ಈ ಮರದ ಗೆಲ್ಲುಗಳು ಇರುವುದು ತೀರಾ ಅಪಾಯಕಾರಿಯಾಗಿದ್ದು ವಾಹನ ಸವಾರರಿಗೆ ಸಮಸ್ಯೆಯಾಗುತ್ತಿದೆ ಎಂದು ಸಾರ್ವಜನಿಕರು ಆರೋಪಿಸಿದ್ದಾರೆ.