ನಶಿಸುತ್ತಿದೆ ಸಾಂಪ್ರದಾಯಿಕ ನಾಟಿ

ಬಿತ್ತಗೆ ಹೆಚ್ಚಿನ ಒಲವು: ಕೂಲಿಯಾಳುಗಳ ಸಮಸ್ಯೆ ಮತ್ತು ಅದರ ನಿರ್ವಹಣಾ ವೆಚ್ಚ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಹೀಗಿರುವಾಗ ರೈತರು ಬಿತ್ತನೆಯತ್ತ ಮುಖ ವಾಡಿದ್ದಾರೆ. ಕೋಟ ಹೋಬಳಿ ವ್ಯಾಪ್ತಿಯ ಹಲವು ಭಾಗಗಳು ಈಗಾಲೇ ಬಿತ್ತನೆ ಕಾರ್ಯ ಮುಗಿದಿದೆ. ಇತ್ತ ಕೆಲವು ಕೃಷಿ ಭೂಮಿಗಳಲ್ಲಿ ಆಧುನಿಕ ಚಾಪೆ ನಾಟಿ ಕಾರ್ಯಕ್ಕೆ ರೈತರು ಅಣಿಯಾಗಿದ್ದಾರೆ.

ಸಾಂಪ್ರದಾಯಿಕ ನಾಟಿ ಕಾರ್ಯಕ್ಕೆ ರೈತರು ಗಂಗಾವತಿ ಸೇರಿದಂತೆ ಅಸ್ಸಾಂ ಭಾಗದ ಕೂಲಿಯಾಳುಗಳ ಮೊರೆ ಹೋಗುತ್ತಿದ್ದಾರೆ. ಇತ್ತ ಉಳುಮೆ ಕೂಡ ಸಾಂಪ್ರದಾಯಿಕ ಕೋಣಗಳಿಂದ ಮುಕ್ತಿ ಪಡೆದು ಯಂತ್ರಗಳ ಮೊರೆ ಹೋದ ರೈತರು ಕೃಷಿ ಕಾರ್ಯಕ್ಕೆ ಸುಲಭ ವಾರ್ಗೋಪಾಯ ಕಂಡುಕೊಳ್ಳುತ್ತಿದ್ದಾರೆ.

ಪ್ರತಿ ವರ್ಷ ಮೇ ಕೊನೆಯ ವಾರದಿಂದ ಆರಂಭಗೊಳ್ಳುವ ಮುಂಗಾರು ಈ ವರ್ಷ ಮಳೆಯ ಪ್ರವಾಣ ದಯನೀಯವಾಗಿ ಕ್ಷೀಣಿಸಿದೆ. ಆದರೂ ಧೃತಿಗೆಡದ ರೈತರು ತಮ್ಮ ಕಾರ್ಯದಲ್ಲಿ ಮಗ್ನರಾಗಿದ್ದಾರೆ.

ಇತ್ತೀಚಿಗಿನ ವರ್ಷಗಳಲ್ಲಿ ಭತ್ತದ ಕೃಷಿ ಕಾರ್ಯದಲ್ಲಿ ರೈತರು ಸುಲಭ ವಾರ್ಗೋಪಾಯ ಕಂಡುಕೊಳ್ಳುತ್ತಿದ್ದು, ತೆಕ್ಕಟ್ಟೆ, ಕೊರವಡಿ, ಕೋಟ, ಸಾಲಿಗ್ರಾಮ, ಸಾಸ್ತಾನ, ವಡ್ಡರ್ಸೆ ಹೀಗೆ ಹಲವು ಭಾಗಗಳಲ್ಲಿ ಬಿತ್ತನೆ ಹಾಗೂ ಹಿಂಡ್ ಬಿತ್ತನೆ, ಟ್ಯಾಕ್ಟರ್ ಕೂರಿಗೆ ಬಿತ್ತನೆಗೆ ಆದ್ಯತೆ ನೀಡಲಾಗಿದೆ. ಈ ವ್ಯಾಪ್ತಿಯ ಕೆಲ ಭಾಗಗಳು ಚಾಪೆ, ಸಾಂಪ್ರದಾಯಿಕ ನಾಟಿ ಕಾರ್ಯ ಕೈಗೊಂಡಿದ್ದಾರೆ.

ಮಳೆಯನ್ನೇ ಅವಲಂಬಿತವಾದ ಭತ್ತದ ಬೇಸಾಯಕ್ಕೆ ಈ ಬಾರಿ ಗ್ರಹಣ ಹಿಡಿದಿದೆ. ಸಾಂಪ್ರದಾಯಿಕ ನಾಟಿ ಕಾರ್ಯ ಮರೀಚಿಕೆಯಾಗಿ ನಾವು ಯಂತ್ರಗಳ ಮೊರೆ ಹೋಗಿದ್ದೇವೆ. ನಾಲ್ಕು ಎಕರೆಗೂ ಅಧಿಕ ಭೂಭಾಗ ಚಾಪೆ ಹಾಗೂ ಹಿಂಡ್ ಬಿತ್ತನೆಗೆ ಆದ್ಯತೆ ನೀಡಲಾಗಿದೆ. ಮಳೆ ವ್ಯಾಪಿಸಿಕೊಂಡರೆ ಒಳಿತಾಗಲಿದೆ. ಇದೇ ರೀತಿ ಬಿಸಿಲು ಬಂದರೆ ರೈತನ ಪಾಡು ಅಯೋಮಯವಾಗಲಿದೆ.

— ಭೋಜ ಪೂಜಾರಿ, ಯುವ ಕೃಷಿಕ ಗಿಳಿಯಾರು