ವೈಭವವಿಲ್ಲದ ‘ವೇಣೂರು ಅಂಗಾರ ಸಂತೆ’

ಮನೋಹರ್ ಬಳಂಜ ಬೆಳ್ತಂಗಡಿ

ವ್ಯಾಪಾರ ಕುಸಿತ

ಸಂತೆ ದಿನಂದು ಹೆಚ್ಚಿನ ವ್ಯಾಪಾರಿಗಳು ಮಾರುಕಟ್ಟೆ ಕಟ್ಟಡದೊಳಗೆ ಅಂಗಡಿ ತೆರೆಯುವ ಬದಲು ಹೆದ್ದಾರಿ ಬದಿಯಲ್ಲೇ ಟರ್ಪಾಲ್ ಹಾಕಿ ವ್ಯಾಪಾರ ನಡೆಸುತ್ತಿದ್ದಾರೆ. ವೇಣೂರು-ಮೂಡುಬಿದಿರೆ ಹೆದ್ದಾರಿಯಿಂದ 50 ಮೀಟರ್ ಒಳಭಾಗದಲ್ಲಿ ಮಾರುಕಟ್ಟೆ ಇದೆ. ಆದರೆ ಕಟ್ಟಡ ರಸ್ತೆಗೆ ಅಭಿಮುಖವಾಗಿಲ್ಲದ ಕಾರಣ ಹೊರಗಿನಿಂದ ಬರುವವರಿಗೆ ಇಲ್ಲಿ ಮಾರುಕಟ್ಟೆ ಇದೆ ಎಂಬುದೇ ಗೊತ್ತಾಗುವುದಿಲ್ಲ. ಇದು ವ್ಯಾಪಾರದ ಮೇಲೆ ಪರಿಣಾಮ ಬೀರುತ್ತಿದ್ದು ಸಂತೆ ವ್ಯಾಪಾರಿಗಳ ಆದಾಯಕ್ಕೆ ಹೊಡೆತ ನೀಡುತ್ತದೆ. ಹಾಗಾಗಿ ಗ್ರಾಹಕರಿಗೆ ಸುಲಭವಾಗಿ ಕಾಣುವಂತೆ ರಸ್ತೆ ಬದಿಯಲ್ಲೇ ವ್ಯಾಪಾರ ಮಾಡುವುದು ಉತ್ತಮ ಎಂಬುದು ವ್ಯಾಪಾರಿಗಳ ಅಭಿಪ್ರಾಯ.

ಹೊಸ ಮಾರುಕಟ್ಟೆ ವಿನ್ಯಾಸ ಸಮಸ್ಯೆ

ಮಾರುಕಟ್ಟೆ ಪ್ರವೇಶಿಸುವ ರಸ್ತೆ ಬದಿಯಲ್ಲೇ ಕೆಲವು ವ್ಯಾಪಾರಿಗಳು ತಮ್ಮ ಜಾಗ ಭದ್ರಪಡಿಸಿಕೊಂಡಿದ್ದಾರೆ. ಅನಿವಾರ್ಯವಾಗಿ ನಾವು ಮಾರುಕಟ್ಟೆ ಒಳಗೆ ವ್ಯಾಪಾರ ನಡೆಸುವಂತಾಗಿದೆ. ಇಲ್ಲಿಗೆ ಕಾಯಂ ಗ್ರಾಹಕರು ಮಾತ್ರ ಬರುತ್ತಾರೆ. ಮಾರುಕಟ್ಟೆ ಒಳಗೆ ವ್ಯಾಪಾರವೂ ಕಡಿಮೆ. ಮಾರುಕಟ್ಟೆಯನ್ನು ವ್ಯಾಪಾರಕ್ಕೆ ಅನುಕೂಲವಾಗುವಂತೆ ಬದಲಾವಣೆ ಮಾಡಿದರೆ ಉತ್ತಮ.

— ಉಮ್ಮರಬ್ಬ, ವ್ಯಾಪಾರಿ

ವೇಣೂರು ಸಂತೆಗೆ ಹಿಂದಿನಂತೆ ಅಬ್ಬರ ಇಲ್ಲ, ಗ್ರಾಹಕರ ಸಂಖ್ಯೆಯೂ ಬಹಳ ಕಡಿಮೆ. ತರಕಾರಿ ಕಡಿಮೆ ಬೆಲೆಯಲ್ಲಿ ಸಿಗುವ ಕಾರಣ ಬರುತ್ತೇವೆ. ಗ್ರಾಹಕರು ಹಾಗೂ ವ್ಯಾಪಾರಿಗಳಿಗೆ ಪೂರಕವಾಗಿ ಮಾರುಕಟ್ಟೆ ಮತ್ತಷ್ಟು ಸುಸಜ್ಜಿತಗೊಳಿಸಬೇಕು.

— ಚಂದ್ರಶೇಖರ, ಗ್ರಾಹಕ