ಭಾಷೆ ಪೀಳಿಗೆಗೆ ದಾಟಿಸುವ ಜವಾಬ್ದಾರಿ

ಕಾರ್ಕಳ: ಉತ್ತಮ ಸೊಗಡುಳ್ಳ ಕುಂದಾಪುರ ಭಾಷೆ ನಶಿಸಿ ಹೋಗದಂತೆ ಮುಂದಿನ ಪೀಳಿಗೆಗೆ ದಾಟಿಸುವ ಜವಾಬ್ದಾರಿ ಮಹತ್ವದಾಗಿದೆ. ಸ್ವಾರ್ಥ ರಹಿತವಾಗಿ ಸಮಾಜಮುಖಿಯಾಗಿ ಕೆಲಸ ಮಾಡುವವರು ಅಗತ್ಯವಾಗಿದ್ದಾರೆ ಎಂದು ರಾಜ್ಯ ಕ್ವಾರಿ ಮತ್ತು ಕ್ರಶರ್ ಅಸೋಸಿಯೇಷನ್ ಅಧ್ಯಕ್ಷ ಬಜಗೋಳಿ ರವೀಂದ್ರ ಶೆಟ್ಟಿ ಹೇಳಿದರು.

ಗ್ರಂಥಸ್ಥ ಕನ್ನಡಕ್ಕಿಂತ ಕುಂದಾಪ್ರ ಕನ್ನಡ ತೀರ ಭಿನ್ನವಾಗಿದ್ದು ಹಳೇ ಕನ್ನಡಕ್ಕೆ ತೀರಾ ಹತ್ತಿರವಾದುದು. ಕಡಿಮೆ ಪದಗಳಲ್ಲಿ ಬಹು ಅರ್ಥದ ವಿವರ ತುಂಬಿರುವ ಈ ಭಾಷೆ ನಮ್ಮ ಕುಂದಾಪ್ರ ಕನ್ನಡ ಎನ್ನಲು ನಮಗೆಲ್ಲ ಹೆಮ್ಮೆಯ ಸಂಗತಿ. ಕುಂದಾಪುರ ಪ್ರದೇಶದ ಮಂದಿ ಬದುಕು ಕಟ್ಟಿಕೊಳ್ಳಲು ದೂರದ ಊರುಗಳಿಗೆ ತೆರಳಿದರೂ ಭಾಷೆಗಾಗಿ ಒಂದಾಗುವ ಕೆಲಸ ಉತ್ತಮವಾದುದು.

— ನೀಲಾವರ ಸುರೇಂದ್ರ ಅಡಿಗ, ಅಧ್ಯಕ್ಷ, ಕಸಾಪ ಉಡುಪಿ