ಉಡುಪಿ

ಗೀತಾರಾಧನೆಯ ಸೇವೆಯಿಂದ ಭಗವಂತ ಸಂತುಷ್ಟ

ಉಡುಪಿಯ ರಾಜಾಂಗಣದಲ್ಲಿ ಸಂತ ಸಂದೇಶ ನೀಡಿದ ಅತುಲ್​ ಕೃಷ್ಣ ಭಾರದ್ವಾಜ್​ಜೀ ಮಹಾರಾಜ್​ಗೆ ಸುಗುಣೇಂದ್ರ ಶ್ರೀಗಳು 'ಶ್ರೀಕೃಷ್ಣ ಗೀತಾನುಗ್ರಹ' ಪ್ರಶಸ್ತಿ ನೀಡಿದರು. ಸುಶ್ರೀಂದ್ರ ಶ್ರೀ, ತನ್ಮಯ್​ ಗೋಸ್ವಾಮಿ, ಪ್ರಸನ್ನ ಆಚಾರ್ಯ ಇತರರಿದ್ದರು.
ಉಡುಪಿಯ ರಾಜಾಂಗಣದಲ್ಲಿ ಸಂತ ಸಂದೇಶ ನೀಡಿದ ಅತುಲ್​ ಕೃಷ್ಣ ಭಾರದ್ವಾಜ್​ಜೀ ಮಹಾರಾಜ್​ಗೆ ಸುಗುಣೇಂದ್ರ ಶ್ರೀಗಳು 'ಶ್ರೀಕೃಷ್ಣ ಗೀತಾನುಗ್ರಹ' ಪ್ರಶಸ್ತಿ ನೀಡಿದರು. ಸುಶ್ರೀಂದ್ರ ಶ್ರೀ, ತನ್ಮಯ್​ ಗೋಸ್ವಾಮಿ, ಪ್ರಸನ್ನ ಆಚಾರ್ಯ ಇತರರಿದ್ದರು.
Published on: 

ಗೀತೋತ್ಸವದಲ್ಲಿ ಸಂತ ಸಂದೇಶ-ಸನ್ಮಾನ

ಉಡುಪಿ: ತಂದೆ-ತಾಯಿಗಳಿಗೆ ಯಾವುದು ಇಷ್ಟವೋ ಅದನ್ನು ಕೊಡುಗೆಯಾಗಿ ನೀಡಿದರೆ ಅತೀವ ಸಂತಸ ಆಗುತ್ತದೆ. ಹಾಗೆಯೇ ಭಗವಂತನಿಗೂ ಸಹ ಇಷ್ಟವಾದುದನ್ನೇ ಸಮರ್ಪಿಸಿ ಆರಾಧಿಸಿದರೆ ತುಂಬ ಸಂತಸವಾಗುತ್ತದೆ. ಶ್ರೀಕೃಷ್ಣನಿಗೆ ಭಗವದ್ಗೀತೆಯೆಂದರೆ ಇಷ್ಟ. ಹೀಗಾಗಿ ಗೀತೆಯ ಸಂದೇಶ ಅನುಸರಿಸುವವರು, ಗೀತೆಯನ್ನು ಓದುವವರೂ ಆತನಿಗೆ ಇಷ್ಟ. ಗೀತಾರಾಧನೆಯ ಸೇವೆಯಿಂದ ಭಗವಂತನೂ ಸಂತುಷ್ಟನಾಗುತ್ತಾನೆ ಎಂದು ಪರ್ಯಾಯ ಸುಗುಣೇಂದ್ರ ತೀರ್ಥ ಶ್ರೀಪಾದರು ನುಡಿದರು. 
ಉಡುಪಿಯ ರಾಜಾಂಗಣದಲ್ಲಿ ಪರ್ಯಾಯ ಪುತ್ತಿಗೆ ಮಠದಿಂದ ಮುಂದುವರಿದ ಮಾಸಿಕ 'ಬೃಹತ್​ ಗೀತೋತ್ಸವ'ದಲ್ಲಿ ಶುಕ್ರವಾರ ಆಯೋಜಿಸಿದ್ದ ಸಂತ ಸಂದೇಶ- ಸಂತ ಸನ್ಮಾನ ಕಾರ್ಯಕ್ರಮದಲ್ಲಿ ಆಶೀರ್ವಚನ ನೀಡಿದರು.

ಭಕ್ತಿ ಜ್ಞಾನದ ಅರಿವು ಅಗತ್ಯ

 ಸಂತ ಸಂದೇಶ ನೀಡಿದ ಮಥುರಾ ವೃಂದಾವನ ಧಾಮದ ಕಥಾ ವ್ಯಾಸ್​ ಅತುಲ್​ ಕೃಷ್ಣ ಭಾರದ್ವಾಜ್​ಜೀ ಮಹಾರಾಜ್​, ಉತ್ತರ ಭಾರತದ ವೃಂದಾವನದಿಂದ ದಕ್ಷಿಣ ಭಾರತದ ವೃಂದಾವನಕ್ಕೆ ಬಂದಿರುವುದು ಸಂತಸ ತಂದಿದೆ. 5,165 ವರ್ಷದ ಹಿಂದೆ ಮಹಾಭಾರತ ಯುದ್ಧ ನಡೆದಿತ್ತು. ಆ ಸಮಯದಲ್ಲಿ ಶ್ರೀಕೃಷ್ಣನು ಅರ್ಜುನನಿಗೆ ಭಗವದ್ಗೀತೆಯ ಮೂಲಕ ಉಪದೇಶ ಮಾಡಿದ್ದಾನೆ. ಅಂತಹ ಭಗವದ್ಗೀತೆಯ ಉಪಾಸನೆ ಉಡುಪಿಯೆಂಬ ಜ್ಞಾನ ಭೂಮಿಯಲ್ಲಿ ಪುತ್ತಿಗೆ ಶ್ರೀಗಳಿಂದ ನಡೆಯುತ್ತಿದೆ. ಮಧ್ವಾಚಾರ್ಯರು ಇಲ್ಲಿ ಶ್ರೀಕೃಷ್ಣನನ್ನು ಪ್ರತಿಷ್ಠಾಪಿಸಿದ್ದಾರೆ. ಭಾರತದಲ್ಲಿ ಪ್ರಥ್ವಿರಾಜ ಚವ್ಹಾಣ ಯುದ್ಧದಲ್ಲಿ ಸೋತ ಬಳಿಕ ಇಸ್ಲಾಂ ಶಕ್ತಿಗಳು ಭಾರತದ ಮೇಲೆ ಆಕ್ರಮಣ ಮಾಡಿದವು. ಮಹಮ್ಮದ್​ ತುಘಲಕ್​ನು ಮಹಾರಾಷ್ಟ್ರವನ್ನು ರಾಜಧಾನಿಯನ್ನಾಗಿ ಮಾಡಿಕೊಂಡು ಪೂರ್ಣ ದಕ್ಷಿಣ ಭಾರತದಲ್ಲಿ ಆಳ್ವಿಕೆ ಆರಂಭಿಸಿದನು. ಅಂತಹ ಸಂದರ್ಭದಲ್ಲಿ ಮಧ್ವಾಚಾರ್ಯರ ಅವತಾರವಾಯಿತು. ಧರ್ಮ ರಕ್ಷಣೆಗೆ ಅವರು ಉಡುಪಿಯಲ್ಲಿ ಶ್ರೀಕೃಷ್ಣನ ಮಹಾನ್​ ಭಕ್ತಿಯನ್ನು ಬಿತ್ತರಿಸಿದರು. ನಂತರ ಗೋಸ್ವಾಮಿ ತುಳಸೀದಾಸ್​ ಅವರು ಮಧ್ವರ ಪ್ರೇರಣೆಯಿಂದ ದೇಶಾದ್ಯಂತ ಹನುಮ-ಶ್ರೀರಾಮನ ಭಕ್ತಿಯನ್ನು ಪಸರಿಸಿದರು. ಅಂತಹ ಮಹಾನ್​ ಭಕ್ತಿ ಜ್ಞಾನವನ್ನು ಇಂದಿನ ಯುವಪೀಳಿಗೆ ಅರಿತು, ಮುನ್ನಡೆಯಬೇಕಿದೆ ಎಂದರು.

ಶ್ರೀಕೃಷ್ಣ ಗೀತಾನುಗ್ರಹ' ಪ್ರಶಸ್ತಿ ಪ್ರದಾನ

ಪರ್ಯಾಯ ಪುತ್ತಿಗೆ ಮಠದಿಂದ ಸುಗುಣೇಂದ್ರ ಶ್ರೀಗಳು ಅತುಲ್​ ಕೃಷ್ಣ ಭಾರದ್ವಾಜ್​ಜೀ ಮಹಾರಾಜ್​ ಅವರಿಗೆ ಹಾಗೂ ಸುಳ್ಯದ ಪುರೋಹಿತ, ವೇದಮೂರ್ತಿ ನಾಗರಾಜ್​ ಭಟ್​ ಅವರಿಗೆ "ಶ್ರೀಕೃಷ್ಣ ಗೀತಾನುಗ್ರಹ' ಪ್ರಶಸ್ತಿ ನೀಡಿ ಗೌರವಿಸಿದರು. ಪುತ್ತಿಗೆ ಮಠದ ಕಿರಿಯ ಯತಿ ಸುಶ್ರೀಂದ್ರ ತೀರ್ಥ ಶ್ರೀಪಾದರು ಸಾನ್ನಿಧ್ಯ ವಹಿಸಿದ್ದರು. ತನ್ಮಯ್​ ಗೋಸ್ವಾಮಿ ಉಪಸ್ಥಿತರಿದ್ದರು.
ಕೋಟಿ ಗೀತಾ ಲೇಖನ ಯಜ್ಞದ ಪೂರ್ಣಾವಧಿ ಪ್ರಚಾರಕ ರಮಣ ಆಚಾರ್ಯ ಕಾರ್ಯಕ್ರಮ ನಿರ್ವಹಿಸಿದರು. ಮಠದ ದಿವಾನ ನಾಗರಾಜ ಆಚಾರ್ಯ, ಅಂತಾರಾಷ್ಟ್ರೀಯ ಕಾರ್ಯದರ್ಶಿ ಪ್ರಸನ್ನ ಆಚಾರ್ಯ, ಶ್ರೀಗಳ ಆಪ್ತ ಕಾರ್ಯದರ್ಶಿ ರತೀಶ್​ ತಂತ್ರಿ, ಸಾಂಸತಿಕ ಕಾರ್ಯಕ್ರಮಗಳ ಸಂಚಾಲಕ ರಮೇಶ್​ ಭಟ್​, ಸುಗುಣಮಾಲಾ ಪತ್ರಿಕೆಯ ಸಂಪಾದಕ ಮಹಿತೋಷ ಆಚಾರ್ಯ, ರವೀಂದ್ರ ಆಚಾರ್ಯ ಸಹಕರಿಸಿದರು.
"

ನಾವು ಹೇಳಿದಂತೆಯೇ ನಮ್ಮ ಮಕ್ಕಳು ಕೇಳಬೇಕೆಂದು ತಂದೆ-ತಾಯಿ ಅಪೇಕ್ಷಿಸುತ್ತಾರೆ. ಅದೇ ರೀತಿ ಶ್ರೀಕೃಷ್ಣನೂ ಸಹ ತನ್ನ ಗೀತೆಯನ್ನು ಜನರು ಓದಬೇಕು, ಸಂದೇಶ ಅನುಸರಿಸಬೇಕು ಎಂದು ಅಪೇಕ್ಷಿಸುತ್ತಾನೆ. ದೇಗುಲಗಳಲ್ಲಿ ದರ ನಿಗದಿಯೊಂದಿಗೆ ಮಾಡಿಕೊಡುವ ದೇವರ ಸೇವೆಯೆಲ್ಲವೂ ಭಕ್ತರೇ ಮಾಡಿಕೊಂಡಿದ್ದು. ಆದರೆ, ಅನ್ನಬ್ರಹ್ಮನಾದ ಶ್ರೀಕೃಷ್ಣನಿಗೆ ಯಾವ ಬಗೆಯ ವೈಭವದ ಸೇವೆಯೂ ಬೇಕಿಲ್ಲ. ವಿಶ್ವಕ್ಕೆ ಶಾಂತಿ, ನೆಮ್ಮದಿ ನೀಡಬಲ್ಲ ಭಗವದ್ಗೀತೆಯ ಸೇವೆಯಷ್ಟೇ ಆತನಿಗೆ ಸಾಕು.

Worship
Service
the Lord
Gita
pleased
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net