ಪ್ರತಿ ನಿತ್ಯ ಯೋಗಾಭ್ಯಾಸ ಅಗತ್ಯ : ರಾಘವೇಂದ್ರ ರಾವ್

ಉಡುಪಿ: ಯೋಗ ಶಿಕ್ಷಕನಿಗೆ ತನ್ನ ಜೀವನದಲ್ಲಿ ನಿತ್ಯ ಯೋಗಾಭ್ಯಾಸ ಮತ್ತು ಧ್ಯಾನ ಅತೀ ಅಗತ್ಯವಾಗಿದೆ ಎಂದು ಪತಂಜಲಿ ಯೋಗ ವಿಸ್ತಾರಕ ರಾಘವೇಂದ್ರ ರಾವ್​ ತಿಳಿಸಿದರು.

ಭಾನುವಾರ ಕಡಿಯಾಳಿಯ ಶ್ರೀ ಶರ್ವಾಣಿ ಮಂಟಪದಲ್ಲಿ ಪತಂಜಲಿ ಯೋಗ ಸಮಿತಿ ನೇತೃತ್ವದಲ್ಲಿ ಶಿಕ್ಷಕರ ದಿನಾಚರಣೆ ಉದ್ಘಾಟಿಸಿ ಮಾತನಾಡಿದರು.

ಕಡಿಯಾಳಿ ಮಹಿಷಮರ್ದಿನಿ ದೇವಸ್ಥಾನ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ವಿಜಯರಾಘವ ರಾವ್​ ಮುಖ್ಯ ಅತಿಥಿಗಳಾಗಿದ್ದರು. ಮುಖ್ಯ ಅತಿಥಿಗಳಾದ ದಾಸವಾಣಿ ಗಾಯನದಲ್ಲಿ ಗೋಲ್ಡನ್​ ಬುಕ್​ ಅವಾರ್ಡ್​ ವಿಜೇತೆ ವಿದುಷಿ ಸಂಗೀತಾ ಬಾಲಚಂದ್ರ ಅವರನ್ನು ಗೌರವಿಸಲಾಯಿತು.

ಹರಿದ್ವಾರ ಪತಂಜಲಿ ಯೋಗ ಪೀಠ ದಲ್ಲಿ ಪರಿಣತಿ ಪಡೆದು ಮುಖ್ಯ ಯೋಗ ಶಿಕ್ಷಕರಾಗಿರುವ 10 ಯೋಗ ಸಾಧಕರಿಗೆ ಜಿಲ್ಲಾ ಸಮಿತಿಯಿಂದ ಗೌರವಾರ್ಪಣೆ ಮಾಡಲಾಯಿತು. ವೇದಿಕೆಯಲ್ಲಿ ಜಗದೀಶ್​ ಕುಮಾರ್​, ಹರಿಪ್ರಸಾದ್​ ಕೆ, ಶ್ಯಾಮಲಾ ಕೆ, ರೋಹಿತ್​ ಬಲ್ಲಾಳ್​, ನಾಗರಾಜ್​ ಶೇಟ್​, ಶ್ರೀಪತಿ ಭಟ್​ ಉಪಸ್ಥಿತರಿದ್ದರು.

ಇದೇ ಸಂದರ್ಭದಲ್ಲಿ ಪ್ರಭಾರಿ ವೆಂಕಟೇಶ್​ ಮೆಹಂದಳೆ ಹಾಗೂ ಸುಮಂಗಲಾ ಆರ್​. ಭಟ್​ ಸನಾತನ ರಸಪ್ರಶ್ನೆ ಕಾರ್ಯಕ್ರಮ ನಡೆಸಿಕೊಟ್ಟರು. ವಿವಿಧ ಕಕ್ಷೆಯ ಯೋಗಾರ್ಥಿಗಳಿಂದ ಸಾಂಸ್ಕತಿಕ ಕಾರ್ಯಕ್ರಮಗಳು ಜರುಗಿದವು. ಪತಂಜಲಿ ರಾಜ್ಯ ಸಮಿತಿ ಸದಸ್ಯ ಹಾಗೂ ಜಿಲ್ಲಾ ಪ್ರಭಾರಿ ಕೆ. ರಾಘವೇಂದ್ರ ಭಟ್​ ಸ್ವಾಗತಿಸಿದರು. ಯೋಗ ಶಿಕ್ಷಕ
ಲಕ್ಷಣ ಕಾಮತ್​ ಕಾರ್ಯಕ್ರಮ ನಿರ್ವಹಿಸಿ, ವಂದನಾರ್ಪಣೆಗೈದರು.