ಯಕ್ಷಗಾನ ಕಲಿಕೆಯಿಂದ ಭಾಷಾ ಜ್ಞಾನ ವೃದ್ಧಿ

ಉಡುಪಿ: ಶೈಕ್ಷಣಿಕ ಕಲಿಕೆಯೊಂದಿಗೇ ಯಕ್ಷಗಾನ ಕಲೆಯನ್ನೂ ಕಲಿತರೆ ಅಂತಹ ಮಕ್ಕಳಲ್ಲಿ ಭಾಷಾ ಜ್ಞಾನದೊಂದಿಗೆ ಭಾರತೀಯ ಪುರಾಣಗಳ ಅರಿವೂ ಉಂಟಾಗುತ್ತದೆ. ಅಲ್ಲದೆ, ಕಥಾನಕಗಳಿಂದ ಅವರಿಗೆ ಯಾವುದು ಸರಿ, ಯಾವುದು ತಪ್ಪು ಎಂಬ ತಿಳಿವಳಿಕೆ ಲಭಿಸುತ್ತದೆ. ಅದರಿಂದ ಭವಿಷ್ಯದಲ್ಲಿ ಉತ್ತಮ ವ್ಯಕ್ತಿತ್ವದ ಜೀವನ ನಡೆಸಲು ಸಾಧ್ಯವಾಗುತ್ತದೆ ಎಂದು ಇಂದ್ರಾಳಿ ಯಕ್ಷಗಾನ ಕೇಂದ್ರದ ಆಡಳಿತಾಧಿಕಾರಿ ಡಾ. ಬಿ.ಜಗದೀಶ್​ ಶೆಟ್ಟಿ ಹೇಳಿದರು.

ಉಡುಪಿ ಇಂದ್ರಾಳಿಯಲ್ಲಿರುವ ಮಣಿಪಾಲ ಮಾಹೆ ಅಧೀನದ ಯಕ್ಷಗಾನ ಕೇಂದ್ರ ಶಿವಪ್ರಭಾದಲ್ಲಿ ಕನ್ನಡ ಮತ್ತು ಸಂಸತಿ ಇಲಾಖೆ ಬೆಂಗಳೂರು ಮತ್ತು ಜಿಲ್ಲಾ ಇಲಾಖೆ ಸಹಕಾರದಲ್ಲಿ ಕೇಂದ್ರದ ವಿದ್ಯಾರ್ಥಿಗಳು ಪ್ರದರ್ಶಿಸಿದ 'ಸುಧನ್ವ ಕಾಳಗ' ಯಕ್ಷಗಾನ ಪ್ರಸಂಗ ಕಾರ್ಯಕ್ರಮದಲ್ಲಿ ಮಾತನಾಡಿದರು.