ಕೊಳೆರೋಗ ನಿಯಂತ್ರಣಕ್ಕೆ ಹರಸಾಹಸ

ಸ್ವಾತಿ ಬಾಳ್ತಿಲ್ಲಾಯ ಕೊಕ್ಕಡ

ಪರ್ಯಾಯ ಬೆಳೆ ಅವಶ್ಯಕ

ಎಲ್ ನಿನೋ ಕಾರಣದಿಂದ ಮಳೆ ಕಡಿಮೆ ಎಂಬ ಬಗ್ಗೆ ಹವಾಮಾನ ಇಲಾಖೆ ಹೇಳಿತ್ತು. ಆದರೆ ಇದೀಗ ಮಲೆನಾಡು ಭಾಗದಲ್ಲಿ ಉತ್ತಮ ಮಳೆಯಾಗುತ್ತಿದೆ. ಕೆಲವು ಕಡೆ ಅಡಕೆಗೆ ಕೊಳೆರೋಗ ಕಾಣಿಸಿಕೊಂಡಿದೆ. ಕಳೆದ ಸಲವೂ ಕೊಳೆರೋಗವೂ ಹೆಚ್ಚಾಗಿ ಕಂಡಿತ್ತು. ಹೀಗಾಗಿ ಅಡಕೆ ಬೆಳೆಗಾರರ ವಲಯದಲ್ಲಿ ಈಗ ಆತಂಕಕ್ಕೆ ಕಾರಣವಾಗುತ್ತಿದೆ.

— ಮಹೇಶ್ ಪುಚ್ಚಪ್ಪಾಡಿ ಅಧ್ಯಕ್ಷರು, ಅಖಿಲ ಭಾರತ ಅಡಕೆ ಬೆಳೆಗಾರರ ಸಂಘ

ಮೋಡ ಬಿಸಿಲು ಮತ್ತು ಮಳೆ ಜತೆಯಾದ ಕಾರಣ ಕೊಳೆರೋಗ ಉಂಟಾಗಿದ್ದು, ಹವಾಮಾನ ಪರಿಸ್ಥಿತಿ ಇದೇ ರೀತಿ ಮುಂದುವರಿದರೆ ಕೊಳೆರೋಗ ಹೆಚ್ಚಾಗುವ ಸಾಧ್ಯತೆ ಇದೆ. ಜೋರಾಗಿ ಮಳೆ ಸುರಿದ ನಂತರ 10ರಿಂದ 15 ನಿಮಿಷ ಅಡಕೆ ಗೊನೆ ಒಣಗಿ ಮದ್ದು ಸಿಂಪಡಣೆಗೆ ಅವಕಾಶ ಇದ್ದರೂ ಈ ಸಮಯದಲ್ಲಿ ಕೊಳೆರೋಗಕ್ಕೆ ಕಾರಣವಾದ ಫಂಗಸ್ ತ್ವರಿತವಾಗಿ ಹರಡುತ್ತಿದೆ. ಫಂಗಸ್ ನಿಯಂತ್ರಣವೇ ಕೃಷಿಕರಿಗೆ ಸವಾಲಾಗಿದೆ. ಹಲವು ಸವಾಲುಗಳ ನಡುವೆ ಬೆಳೆ ಉಳಿಸಿಕೊಳ್ಳುವುದು ಹೇಗೆಂಬುದೇ ಕೃಷಿಕನ ಪ್ರಶ್ನೆಯಾಗಿದೆ.

— ಪ್ರಶಾಂತ್ ಶಬರಾಯ ಗುಂಡಿಮಾರು ಪ್ರಗತಿಪರ ಕೃಷಿಕರು