ಕಾರ್ಕಳ& ಪಡುಬಿದ್ರಿ ರಾಜ್ಯ ಹೆದ್ದಾರಿ ನಿಟ್ಟೆ ಪರಪ್ಪಾಡಿಯಿಂದ ಬಪ್ಪಗೋಳಿ ಕ್ರಾಸ್ವರೆಗಿನ ರಸ್ತೆ ಸಾಲು ಸಾಲು ಅಪಘಾತಗಳಿಗೆ ಸಾಯಾಗುತ್ತಿದ್ದು, ನಿರಂತರವಾಗಿ ನಂದಳಿಕೆ, ಬೆಳ್ಮಣ್ ಪೇಟೆ ಪರಿಸರ, ನೀಚಾಲು, ಸಾಂತೂರು, ಮುದರಂಗಡಿ ಕ್ರಾಸ್, ಕಾಂಜರಕಟ್ಟೆ, ನಿಟ್ಟೆ ಪರಿಸರದಲ್ಲಿ ಒಂದಲ್ಲ ಒಂದು ಸಣ್ಣ ಪುಟ್ಟ ಅಪಘಾತಗಳು ನಿತ್ಯ ನಿರಂತರ ನಡೆಯುತ್ತಲೆ ಇದೆ. ಕಳೆದ ಎರಡು ತಿಂಗಳ ಅವಧಿಯಲ್ಲಿ ಈ ಭಾಗದಲ್ಲಿ 10ಕ್ಕೂ ಅಧಿಕ ಸಣ್ಣ ಹಾಗೂ ಗಂಭೀರ ಸ್ವರೂಪದ ಅಪಘಾತಗಳು ಸಂಭವಿಸಿವೆ. ಈ ಹಿಂದೆಯೂ ಇಲ್ಲಿ ಅಪಘಾತ ಆಗಾಗ ನಡೆಯುತ್ತಿತ್ತು. ರಸ್ತೆ ಉತ್ತಮವಾಗಿದ್ದರೂ ಅತಿ ವೇಗದ ಚಾಲನೆ ಹಾಗೂ ಅವೈಜ್ಞಾನಿಕ ಕ್ರಾಸ್ಗಳು ಅಪಘಾತದ ಪ್ರಮಾಣ ಹೆಚ್ಚಾಗಲು ಮುಖ್ಯ ಕಾರಣ ಎಂದು ಸಾರ್ವಜನಿಕರು ತಿಳಿಸಿದ್ದಾರೆ.
