ಪೌರಾಣಿಕ ಕಥೆಯಿಂದ ದೇವರ ಜ್ಞಾನ-ಭಕ್ತಿ ಹೆಚ್ಚಳ

ಉಡುಪಿ: ಕೊಂಕಣಿ ಭಾಷೆ, ಕಲೆ, ಸಂಸ್ಕೃತಿ ಉಳಿಸಿ ಬೆಳೆಸಲು ಜಿಎಸ್​ಬಿ ಸಮಾಜದಿಂದ ಸಾಂಸ್ಕೃತಿಕ ಕಾರ್ಯಕ್ರಮ ಆಯೋಜಿಸಲಾಗುತ್ತಿದೆ. ನಮ್ಮೆಲ್ಲರ ಇಷ್ಟದ ದೇವರಾದ ಶ್ರೀನಿವಾಸನ ಕಲ್ಯಾಣ ಮಹೋತ್ಸವವನ್ನು ನೃತ್ಯ ರೂಪಕದಲ್ಲಿ ನೋಡುವ ಸೌಭಾಗ್ಯ ಲಭಿಸಿದೆ. ಉಡುಪಿ ಜಿಲ್ಲೆಯಲ್ಲಿಯೇ ಇದು ಪ್ರಥಮ ಪ್ರಯೋಗ. ಪೌರಾಣಿಕ ಕಥೆಯ ಈ ನೃತ್ಯರೂಪಕ ಸಮಾಜದ ಎಲ್ಲ ದೇಗುಲಗಳಲ್ಲೂ ನಡೆಯಬೇಕು. ಇಂತಹ ಕಾರ್ಯಕ್ರಮದಿಂದ ಯುವಪೀಳಿಗೆಯಲ್ಲಿ ದೇವರ ಬಗ್ಗೆ ಜ್ಞಾನ, ಭಕ್ತಿ ಮೂಡಿಸಲು ಸಹಕಾರಿಯಾಗುತ್ತದೆ ಎಂದು ಮೊಕ್ತೇಸರ ಗುಜ್ಜಾಡಿ ಪ್ರಭಾಕರ್​ ನಾಯಕ್​ ಅಭಿಪ್ರಾಯಪಟ್ಟರು.

ಉಡುಪಿಯ ತೆಂಕಪೇಟೆಯಲ್ಲಿರುವ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನದ ಕಮಲಾನಾಥ ಮಂಟಪದಲ್ಲಿ ಉಡುಪಿಯ ಆಭರಣ ಜುವೆಲರ್ಸ್​ ಪ್ರಾಯೋಜಕತ್ವದಲ್ಲಿ ಶ್ರೀ  ಲಕ್ಷ್ಮೀ ವೆಂಕಟೇಶ ಕಲಾ ಸೇವಾ ಟ್ರಸ್ಟ್​ ಉಡುಪಿ ವತಿಯಿಂದ ಶನಿವಾರ (ಜೂ.6) ಆಯೋಜಿಸಿದ್ದ ಕೊಂಕಣಿ ಭರತನಾಟ್ಯ ನೃತ್ಯ ರೂಪಕ 'ಶ್ರೀನಿವಾಸ ಕಲ್ಯಾಣ' ಸಾಂಸ್ಕೃಸತಿಕ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಭಜನಾ ಮಂಡಳಿಯ ಅಧ್ಯಕ್ಷ ಸತೀಶ್​ ಕಿಣಿ, ವಿದ್ವಾನ್​ ಹರಿಪ್ರಸಾದ್​ ಶರ್ಮ, ಮಹಿಳಾ ಮಂಡಳಿಯ ಪೂರ್ಣಿಮಾ ರಾವ್​, ರಾಧಿಕಾ ಭಟ್​ ಉಪಸ್ಥಿತರಿದ್ದರು. ಚೇಂಪಿ ರಾಮಚಂದ್ರ ಭಟ್​ ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿದರು.