ಜಗತ್ತಿನೆಲ್ಲೆಡೆ ಮಾನ್ಯವಾಗಿರುವ ವೇದಾಂತ ಸಿದ್ಧಾಂತ ನೀಡಿದ ಹಾಗೂ ಕರ್ನಾಟಕದವರೇ ಆದ ಶ್ರೀಮಧ್ವರ ಗುರುತಿಸುವಿಕೆ ಬಹಳ ಕಾಲದ ಹಿಂದೆಯೇ ಆಗಬೇಕಿತ್ತು. ಡಿಕೆಶಿಯವರು ಆ ನ್ಯೂನತೆ ಪರಿಹಾರ ಮಾಡಿದ್ದು ಸ್ತುತ್ಯರ್ಹ ಕಾರ್ಯವಾಗಿದೆ. ಅವರ ನೇತೃತ್ವದ ಸರ್ಕಾರದಿಂದ ಧಾರ್ಮಿಕ ಕ್ಷೇತ್ರದಲ್ಲಿ ಇನ್ನಷ್ಟು ಅಭಿವೃದ್ಧಿ ಕಾರ್ಯ ನೆರವೇರಲಿ. ಶ್ರೀಮಧ್ವರು ತಮ್ಮ ಪವಾಡದ ಮೂಲಕ ಬಂಡೆಯನ್ನು ಎತ್ತಿ ಕಲಶದಲ್ಲಿಟ್ಟಿದ್ದರು. ಅದೇರೀತಿ 'ಕನಕಪುರದ ಬಂಡೆ' ಖ್ಯಾತಿಯ ಶಿವಕುಮಾರ್ ಸರ್ಕಾರಕ್ಕೆ ಮಧ್ವರ ಅನುಗ್ರಹ ಲಭಿಸಲಿ ಎಂದು ತಿಳಿಸಿದ್ದಾರೆ.
ವಾಯುದೇವರ ಅವತಾರವಾಗಿರುವ ಶ್ರೀಗಳು ಹಂಪೆಯಲ್ಲಿ ಹನುಮಂತನಾಗಿ, ಉಡುಪಿಯ ಪಾಜಕದಲ್ಲಿ ಮಧ್ವರಾಗಿ ಹೀಗೆ ಎರಡು ರೂಪದಿಂದ ಕಾಣಿಸಿಕೊಂಡು ಕರ್ನಾಟಕದ ಜನತೆಗೆ ವಿಶೇಷ ಅನುಗ್ರಹ ನೀಡಿದ್ದಾರೆ. ಅಂತಹ ಶ್ರೇಷ್ಠ ಗುರುವಿನ ಜಯಂತಿಯನ್ನು ಸರ್ಕಾರವೇ ಆಚರಿಸುವುದಾಗಿ ಹೇಳಿದ್ದನ್ನು ಸಮಸ್ತ ಭಕ್ತರ ಪರವಾಗಿ ಸ್ವಾಗತಿಸುತ್ತೇವೆ. ಸರ್ಕಾರದ ಈ ಕ್ರಮದಿಂದ ಮಧ್ವಾಚಾರ್ಯರ ಮಹಾನ್ ಸಾಧನೆ, ತತ್ತ್ವಸಿದ್ಧಾಂತ ಹಾಗೂ ಅವರು ವಿಶ್ವಕ್ಕೆ ನೀಡಿದ ಅಮೂಲ್ಯ ಸಂದೇಶವನ್ನು ಜನಸಾಮಾನ್ಯರಿಗೆ ತಲುಪಿಸಲು ಸಾಧ್ಯವಾಗಲಿದೆ ಎಂದು ಸುಗುಣೇಂದ್ರ ಶ್ರೀ ಅಭಿಪ್ರಾಯಪಟ್ಟಿದ್ದಾರೆ.
