ಶ್ರೀಲಕ್ಷ್ಮೀ-ವೆಂಕಟೇಶ ದೇವರಿಗೆ ವಸಂತ ಪೂಜೆ

ಉಡುಪಿ: ತೆಂಕಪೇಟೆಯಲ್ಲಿರುವ ಶ್ರೀಲಕ್ಷ್ಮೀ-ವೆಂಕಟೇಶ ದೇವಸ್ಥಾನದಲ್ಲಿ ಜಿಎಸ್​ಬಿ ಯುವಕ ಮಂಡಳಿಯ ಆಶ್ರಯದಲ್ಲಿ ವಸಂತ ಮಾಸದ ಕೊನೆಯ ದಿನದ ನಿಮಿತ್ತ ವಿಶೇಷ ವಸಂತ ಪೂಜೆ ವೈಭವದಿಂದ ನಡೆಯಿತು.

ದೇವರಿಗೆ ವಿವಿಧ ಹೂಗಳಿಂದ ಅಲಂಕಾರಗೊಳಿಸಲಾಗಿತ್ತು. ದೇವರ ಉತ್ಸವ ಮೂರ್ತಿಯನ್ನು ಸಿಂಗರಿಸಿದ ಪಲ್ಲಕ್ಕಿಯಲ್ಲಿಟ್ಟು ವಿವಿಧ ಪಂಚ ಮಂಗಳ ವಾದ್ಯದೊಂದಿಗೆ ಉತ್ಸವ ನೆರವೇರಿತು. ವಸಂತ ಮಂಟಪದ ರಜತ ಪೀಠದಲ್ಲಿ ದೇವರಿಗೆ ಮಹಾಪೂಜೆ, ಭಜನೆ, ವೇದಮಂತ್ರ ಪಠಣ, ಭರತನಾಟ್ಯ ಸಹಿತ ಅಷ್ಟಾವಧಾನ ಸೇವೆ ಜರುಗಿತು. ಮಹಾಪೂಜೆಯ ಬಳಿಕ ಭಕ್ತರಿಗೆ ವಿವಿಧ ಪ್ರಸಾದ ವಿತರಿಸಲಾಯಿತು.