ಕೌಶಲಗಳ ಕಲಿಕೆಯಿಂದ ವೃತ್ತಿಪರ ಬದುಕಿಗೆ ಸಹಕಾರಿ

ಉಡುಪಿ: ಪಠ್ಯದ ಜ್ಞಾನದೊಂದಿಗೆ ಇಂದಿನ ಕಾಲಘಟ್ಟಕ್ಕೆ ಅಗತ್ಯವಾದ ಕೌಶಲ ಬೆಳೆಸಿಕೊಳ್ಳುವುದು ಅತ್ಯಂತ ಅವಶ್ಯಕ. ಪಠ್ಯಕ್ರಮಕ್ಕೆ ಪೂರಕವಾಗಿ ಕೌಶಲಗಳ ತರಬೇತಿ ಅಥವಾ ಮಾಹಿತಿಯಿಂದಾಗಿ ವಿದ್ಯಾರ್ಥಿಗಳ ವೃತ್ತಿಪರ ಬದುಕಿಗೆ ಹೆಚ್ಚಿನ ಸಹಕಾರಿಯಾಗುತ್ತದೆ ಎಂದು ಪ್ರಾಂಶುಪಾಲೆ ಡಾ. ನಿಕೇತನಾ ಅಭಿಪ್ರಾಯಪಟ್ಟರು.

ಉಡುಪಿಯ ಅಜ್ಜರಕಾಡಿನಲ್ಲಿರುವ ಡಾ. ಜಿ.ಶಂಕರ್​ ಸರ್ಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜಿನ ವಾಣಿಜ್ಯ ವಿಭಾಗದ ವತಿಯಿಂದ ಅಂತಿಮ ವರ್ಷದ ಬಿಕಾಂ ವಿದ್ಯಾರ್ಥಿಗಳಿಗಾಗಿ ಸೋಮವಾರ (ಆ.31) ಆಯೋಜಿಸಿದ್ದ ಒಂದು ದಿನದ 'ಸಾಫ್ಟ್​ ಸ್ಕಿಲ್ಸ್​' ತರಬೇತಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ವಿವಿಧ ಕ್ಷೇತ್ರಗಳ ತಜ್ಞರು ಸಂಪನ್ಮೂಲ ವ್ಯಕ್ತಿಗಳಾಗಿ ಪಾಲ್ಗೊಂಡು ವಿದ್ಯಾರ್ಥಿಗಳಿಗೆ ಸೂಕ್ತ ಮಾರ್ಗದರ್ಶನ ನೀಡಿದರು. ಕೆಆರ್​ಸಿಎಲ್​ನ ಟಿ ಆ್ಯಂಡ್​ ಡಿ ವಿಭಾಗದ ವ್ಯವಸ್ಥಾಪಕ ಶ್ರೀಧರ್​ ಅವಭೃತ ಹಾಗೂ ಆರ್​ಎಚ್​ಎಸ್​ಡಿಸಿ ಕೇಂದ್ರದ ಸಂಯೋಜಕಿ ಪ್ರಿಯಾ ನಾಯ್ಕ್​ ಅವರು ರೈಲ್ವೆ ಕ್ಷೇತ್ರದಲ್ಲಿರುವ ಉದ್ಯೋಗಾವಕಾಶಗಳ ಕುರಿತು ಮಾಹಿತಿ ನೀಡಿದರು. 

ನಾಯಕತ್ವ ಗುಣಗಳ ಕುರಿತು ಡಾ. ರೆನ್​ ಟ್ರೆವರ್​ ಡೈಸ್​ ತರಬೇತಿ ನೀಡಿದರು. ಸಂಶೋಧನಾ ವಿದ್ಯಾರ್ಥಿನಿ ಅಕ್ಷತಾ ಶೆಟ್ಟಿ ಸಂವಹನ ಕಲೆಯ ಕುರಿತು ಮಾತನಾಡಿದರು. ಪರಿಣಾಮಕಾರಿಯಾಗಿ ಸಿದ್ಧಪಡಿಸುವುದು ಹಾಗೂ ಸಂದರ್ಶನ ಎದುರಿಸುವ ತಂತ್ರಗಳ ಕುರಿತು ಡಾ. ಮಿಥುನ್​ ಎಸ್​. ಉಳ್ಳಾಲ್​ ಮತ್ತು ಲಿಖಿತ್​ ಕುಮಾರ್​ ಮಾರ್ಗದರ್ಶನ ನೀಡಿದರು.