ನಿವೇಶನ ಹಂಚಿಕೆ ತಲೆನೋವು!

ಕಾಪು ತಾಲೂಕಿನ ಸಹಸ್ರಾರು ಬಡವರು ಮನೆ ನಿವೇಶನಕ್ಕಾಗಿ ಹಲವು ವರ್ಷಗಳಿಂದ ಅರ್ಜಿ ಸಲ್ಲಿಸಿದರೂ ಇನ್ನೂ ಕೈಗೆಟುಕದೆ ಅಧಿಕಾರಿಗಳನ್ನು ಹಾಗೂ ಜನಪ್ರತಿನಿಧಿಗಳ ಬಳಿ ಅಲೆಯುವಂತಾಗಿದೆ.

16 ಗ್ರಾಮ ಪಂಚಾಯಿತಿಗಳನ್ನು ಒಳಗೊಂಡಿರುವ ಕಾಪು ತಾಲೂಕಿನಲ್ಲಿ 5 ವರ್ಷಗಳಿಂದ ಒಟ್ಟು 3,718 ಮಂದಿ ನಿವೇಶನಕ್ಕಾಗಿ ಅರ್ಜಿ ಸಲ್ಲಿಸಿದ್ದು, ಸರ್ಕಾರಿ ಜಾಗದ ಕೊರತೆ ಹಾಗೂ ಕೆಲವೊಂದು ತಾಂತ್ರಿಕ ಅಡಚಣೆಗಳಿಂದ ಈವರೆಗೆ ನಿವೇಶನ ಹಂಚಿಕೆ ಪ್ರಕ್ರಿಯೆ ಮುಂದುವರಿಯಲು ಸಾಧ್ಯವಾಗಿಲ್ಲ.

ತಾಲೂಕಿನಲ್ಲಿ ಕೈಗಾರಿಕಾ ಬೆಳವಣಿಗೆಗಾಗಿ ಸಹಸ್ರಾರು ಎಕರೆ ಭೂಮಿಯನ್ನು ಕೈಗಾರಿಕಾ ಪ್ರದೇಶಾಭಿವೃದ್ಧಿ ಮಂಡಳಿ ಸ್ವಾಧೀನ ಪಡಿಸಿಕೊಂಡಿದ್ದು, ಕೆಲ ಗ್ರಾ.ಪಂ.ಗಳಿಗೆ ಅಭಿವೃದ್ಧಿ ಯೋಜನೆ ಸಹಿತ ಬಡವರಿಗೆ ಸೂರು ಕಲ್ಪಿಸಲು ನಿವೇಶನಗಳೇ ಇಲ್ಲದ ಸ್ಥಿತಿ ನಿರ್ವಾಣವಾಗಿದೆ. ಎಲ್ಲೂರು ಗ್ರಾ.ಪಂ. ವ್ಯಾಪ್ತಿಯಲ್ಲಿ ಅದಾನಿ ಪವರ್ ಲಿಮಿಟೆಡ್‌ನ ಎರಡನೇ ಹಂತದ ಉಷ್ಣ ವಿದ್ಯುತ್ ಸ್ಥಾವರ ಯೋಜನೆ ಕೈಬಿಡಲಾಗಿದ್ದರೂ, ಇದಕ್ಕಾಗಿ ಮೀಸಲಾದ 546 ಎಕರೆ ಜಮೀನು ಇನ್ನೂ ಕೆಐಎಡಿಬಿ ವಶದಲ್ಲಿಯೇ ಇದೆ.

ನಿವೇಶನ ರಹಿತರಿಗೆ ಜಾಗ ಕಲ್ಪಿಸಲು ಬೆಳ್ಳೆಯ ಕಟ್ಟಿಂಗೇರಿ, ಪಲಿವಾರು, ಮುದರಂಗಡಿಯಲ್ಲಿಯೂ ಜಾಗ ಗುರುತಿಸಲ್ಪಟ್ಟಿದ್ದು, ಶಿರ್ವದಲ್ಲಿ ತಾಂತ್ರಿಕ ಕಾರಣಗಳಿಂದ ನಿವೇಶನ ಹಂಚಿಕೆ ಪ್ರಕ್ರಿಯೆ ವಿಳಂಬವಾಗಿದೆ.

ಅರ್ಜಿದಾರರ ಸಂಖ್ಯೆ ಹೆಚ್ಚಾಗಿದ್ದು, ಇಲ್ಲಿ ಫಲಾನುಭವಿಗಳ ಆಯ್ಕೆಯೇ ಸವಾಲಿನದ್ದಾಗಿದೆ. ಅರ್ಜಿದಾರ ಕುಟುಂಬವೊಂದಕ್ಕೆ 2.75 ಜಮೀನು ನೀಡಲಾಗುತ್ತಿದ್ದು, ಕಂದಾಯ ಇಲಾಖೆಯಿಂದ ಗುರುತಿಸಿದ ಜಮೀನು ಅಂತಿಮಗೊಳಿಸಿ ಪಂಚಾಯಿತಿಗಳಿಗೆ ಹಸ್ತಾಂತರಿಸಲಾಗುತ್ತದೆ. ಸೂಕ್ತ ವಾನದಂಡಗಳನ್ನು ಪಾಲಿಸಿಕೊಂಡು ಅರ್ಹ ಫಲಾನುಭವಿಗಳನ್ನು ಲಾಟರಿ ಎತ್ತುವ ಮೂಲಕ ಆಯ್ಕೆ ವಾಡುವ ಮಹತ್ತರ ಜವಾಬ್ದಾರಿ ತಹಸೀಲ್ದಾರರದಾಗಿದೆ.

ತಾಲೂಕಿನ ಉಚ್ಚಿಲ ಬಡಾ- 227, ಬೆಳಪು- 171, ಬೆಳ್ಳೆ- 363, ಹೆಜವಾಡಿ- 225, ಇನ್ನಂಜೆ- 62, ಕಟಪಾಡಿ- 113, ಕೋಟೆ- 148, ಕರ್ಕಾಲು- 170, ಕುತ್ಯಾರು- 97, ಮಜೂರು- 240, ಮುದರಂಗಡಿ- 173, ಪಡುಬಿದ್ರಿ- 663, ಪಲಿವಾರು- 337, ಶಿರ್ವ- 264, ಎರ್ವಾಳು ತೆಂಕ- 218, ಎಲ್ಲೂರು- 247 ಸೇರಿ 3718 ಕುಟುಂಬಗಳಿಂದ ನಿವೇಶನಕ್ಕಾಗಿ ಅರ್ಜಿ ಸಲ್ಲಿಕೆಯಾಗಿದೆ. ಅದರಲ್ಲೂ ಸರ್ಕಾರಿ ಜಮೀನೇ ಇಲ್ಲದ ಪಡುಬಿದ್ರಿಯಲ್ಲಿ ಅತೀ ಹೆಚ್ಚು ಅಂದರೆ 663 ಅರ್ಜಿಗಳ ಸಲ್ಲಿಕೆಯಾಗಿರುವುದು ಗಮನಾರ್ಹವಾಗಿದೆ.

ಕಾಪು ಕ್ಷೇತ್ರದಲ್ಲಿ ನಿವೇಶನಕ್ಕಾಗಿ 9,800 ಅರ್ಜಿ ಬಾಕಿಯಿದೆ. ಅರ್ಹ ಅರ್ಜಿದಾರರಿಗೆ ನಿವೇಶನ ಕೊಡುವ ವಿಚಾರಕ್ಕೆ ತಾರ್ಕಿಕ ಅಂತ್ಯ ಹಾಡಬೇಕಿದೆ. ಈಗಾಗಲೇ ಹಸ್ತಾಂತರಗೊಂಡಿರುವ ನಿವೇಶನಗಳಲ್ಲಿರುವ ಭೌತಿಕ ಹಾಗೂ ತಾಂತ್ರಿಕ ದೋಷಗಳನ್ನು ಸರಿಪಡಿಸಿ ಫಲಾನುಭವಿಗಳಿಗೆ ನಿವೇಶನಗಳನ್ನು ವಿತರಿಸಬೇಕಿದೆ.

— ಗುರ್ಮೆ ಸುರೇಶ್ ಶೆಟ್ಟಿ ಕಾಪು ಶಾಸಕ

ಕೆಲವೊಂದು ಗ್ರಾ.ಪಂ. ವ್ಯಾಪ್ತಿಗಳಲ್ಲಿ ಸರ್ಕಾರಿ ಜಮೀನುಗಳನ್ನು ಗುರುತಿಸಿ ಸರ್ವೇ ಕಾರ್ಯ ನಡೆಸಿ ಗ್ರಾ.ಪಂ.ಗೆ ಹಸ್ತಾಂತರಿಸುವ ಪ್ರಕ್ರಿಯೆ ಪ್ರಗತಿಯಲ್ಲಿದೆ. ಅರ್ಹ ಫಲಾನುಭವಿಗಳನ್ನು ಆಯ್ಕೆ ವಾಡಿ ಹಕ್ಕುಪತ್ರ ನೀಡಲು ಶ್ರೀ ಕ್ರಮವಹಿಸಲಾಗುವುದು.

— ಅನಂತ ಶಂಕರ ಬಿ. ಕಾಪು ತಹಸೀಲ್ದಾರ್