ಬೀಳುವ ಸ್ಥಿತಿಯಲ್ಲಿ ಶಾಲಾ ಕಟ್ಟಡ!

ಬಾಗಿಲು ಮುಚ್ಚಿದ ಮರವಂತೆ ಕರಾವಳಿ ಕಿರಿಯ ಪ್ರಾಥಮಿಕ ಶಾಲೆ.

Published on:

01 Apr 2026, 4:25 pm

ವಿಜಯವಾಣಿ ಸುದ್ದಿಜಾಲ ಕುಂದಾಪುರ

ಮಕ್ಕಳ ಕೊರತೆಯಿಂದ ಸರ್ಕಾರಿ ಕನ್ನಡ ವಾಧ್ಯಮ ಶಾಲೆಗಳು ಒಂದೊಂದಾಗಿ ಬಾಗಿಲು ಹಾಕುತ್ತಿದ್ದು, ತಾತ್ಕಾಲಿಕವಾಗಿ ಮುಚ್ಚಿದ ಶಾಲಾ ಕಟ್ಟಡಗಳು ನಿರ್ವಹಣೆಯಿಲ್ಲದೆ ಬೀಳುವ ಹಂತಕ್ಕೆ ತಲುಪಿವೆ. ದಶಕದ ಹಿಂದೆ ಮುಚ್ಚಲ್ಪಟ್ಟ ಮರವಂತೆ ಕರಾವಳಿ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆ ಕಟ್ಟಡದ ಅರ್ಧಾಂಶ ಧರಾಶಾಯಿಯಾಗಿದೆ. ಕಟ್ಟಡದ ಸನಿಹದಲ್ಲೇ ಅಂಗನವಾಡಿ ಕೇಂದ್ರವಿದ್ದು, ಸಂಭವನೀಯ ದುರಂತ ತಡೆಯುವ ನಿಟ್ಟಿನಲ್ಲಿ ಸಂಬಂಧಪಟ್ಟವರು ಕ್ರಮಕೈಗೊಳ್ಳಬೇಕೆಂಬ ಕೂಗು ಕೇಳಿಬಂದಿದೆ.

ಚತುಷ್ಪಥ ಹೆದ್ದಾರಿ ರಚನೆ ಬಳಿಕ ಈ ಶಾಲೆಯಲ್ಲಿ ಮಕ್ಕಳ ಸಂಖ್ಯೆ ಕ್ಷೀಣಿಸಿತು. ಹೀಗಾಗಿ ಈ ಶಾಲೆಗೆ ಬೀಗ ಹಾಕಲಾಯಿತು. ಶಾಲೆ ಆವರಣದಲ್ಲಿ ಅಂಗನವಾಡಿ ಕೇಂದ್ರ ಯಶಸ್ವಿಯಾಗಿ ಮುನ್ನಡೆಯುತ್ತಿದೆ. ಈ ನಡುವೆ ಶಾಲಾ ಕಟ್ಟಡದ ಅರ್ಧ ಭಾಗ ವಾಡು ಸಹಿತ ಕಳಚಿ ಬಿದ್ದಿದೆ. ಉಳಿದರ್ಧ ಭಾಗದ ಕಿಟಕಿ, ಬಾಗಿಲು, ಮೇಲ್ಮಾಡು, ಗೋಡೆ ಈಗಲೊ ನಾಳೆಯೊ ಬೀಳುವ ಸ್ಥಿತಿಯಲ್ಲಿದೆ. ಶಾಲೆ ಪಕ್ಕದಲ್ಲೇ ಅಂಗನವಾಡಿ ಕೇಂದ್ರವಿದ್ದು, 18 ಮಕ್ಕಳಿದ್ದಾರೆ. ಶಾಲಾ ಕಟ್ಟಡದ ಅಪಾಯಕಾರಿ ಸ್ಥಿತಿ ಮಕ್ಕಳ ಪಾಲಕರ ನಿದ್ದೆಗೆಡಿಸಿದೆ.

ಹಲವು ಶಾಲೆಗಳಿಗೆ ಬೀಗ

25 ಮಕ್ಕಳಿಗಿಂತ ಕಡಿಮೆ ಸಂಖ್ಯೆ ಹೊಂದಿರುವ ಶಾಲೆಗೆ ಶಿಕ್ಷಕರ ನಿಯೋಜನೆ ಮರೀಚಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ 2026-27ನೇ ಸಾಲಿನಲ್ಲಿ ಹಲವು ಸರ್ಕಾರಿ ಶಾಲೆಗಳು ಮುಚ್ಚುವ ಭೀತಿ ಎದುರಿಸಲಿವೆ. ಸರ್ಕಾರಿ ಶಾಲೆಗಳ ಮುಚ್ಚುವಿಕೆಯಿಂದ ಗ್ರಾಮೀಣ, ಬುಡಕಟ್ಟು ಸಮುದಾಯಗಳ ಮೇಲೆ ಪ್ರತಿಕೂಲ ಪರಿಣಾಮ ಬೀರಲಿದೆ.

ಮಕ್ಕಳ ಕೊರತೆಯಿಂದ 10 ವರ್ಷಗಳ ಹಿಂದೆ ಶಾಲೆ ಮುಚ್ಚಿದೆ. ಶಾಲಾ ಆಸ್ತಿ ನಿರ್ವಹಣೆ ಗ್ರಾಮ ಪಂಚಾಯಿತಿ ನೋಡಿಕೊಳ್ಳಬೇಕು. ಹಾಲಿ ಪರಿಸ್ಥಿತಿ ಸ್ಥಳೀಯಾಡಳಿತದ ಗಮನಕ್ಕೆ ತಂದಿದ್ದೇವೆ. ಶಾಲಾ ಕಟ್ಟಡದ ತೆರವಿಗೆ ಆದೇಶವೂ ಆಗಿದೆ.

ಬೈಂದೂರು ವಿಧಾನಸಭೆ ಕ್ಷೇತ್ರದ ಪ್ರಮುಖ ಮತಗಟ್ಟೆಯಾಗಿದ್ದ ಶಾಲೆಯ ಇಂದಿನ ಸ್ಥಿತಿ ಬೇಸರ ಮೂಡಿಸುತ್ತದೆ. ಶಾಲೆ ಉಳಿಸಲು ಆಗಲಿಲ್ಲ. ಕೊನೆ ಪಕ್ಷ ಆಸ್ತಿ ಪಾಸ್ತಿ ರಕ್ಷಣೆ ವಾಡಬೇಕಿತ್ತು. ಅದನ್ನು ಸಹ ನಿರ್ಲಕ್ಷಿಸಲಾಗಿದೆ. ಸಂಭವನೀಯ ದುರಂತ ತಡೆಯುವ ನಿಟ್ಟಿನಲ್ಲಿ ಸಂಬಂಧಿತ ಇಲಾಖೆ ಎಚ್ಚೆತ್ತುಕೊಳ್ಳಬೇಕು.

ಕುಂದಾಪುರ