ಕ್ಷೇತ್ರದ 18 ರಸ್ತೆಗಳಿಗೆ 119 ಕೋಟಿ ರೂ. ಬಿಡುಗಡೆ

ಉಡುಪಿ: ಉಡುಪಿ-ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದ ಪಿಡಬ್ಲ್ಯೂಡಿ ಇದರ 18 ರಸ್ತೆಗಳಿಗೆ ಒಟ್ಟು 119 ಕೋಟಿ ರೂ. ದುರಸ್ತಿ ಮತ್ತು ಅಭಿವೃದ್ಧಿಗಾಗಿ ಮಂಜೂರಾಗಿದೆ ಎಂದು ಸಂಸದ ಕೋಟ ಶ್ರೀನಿವಾಸ ಪೂಜಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಕ್ಷೇತ್ರದ ಒಳಗಿನ ಬಾಳೆಹೊನ್ನೂರು-ಶೃಂಗೇರಿ ರಸ್ತೆಗೆ 50 ಕೋಟಿ ರೂ., ಕೊಪ್ಪ-ಜಯಪುರ- ಶೃಂಗೇರಿ ರಸ್ತೆಗೆ 6 ಕೋಟಿ ರೂ., ಕುಂದಾಪುರ- ಬೈಂದೂರು-ವಿರಾಜಪೇಟೆ ರಸ್ತೆಗೆ 6 ಕೋಟಿ ರೂ., ಉಡುಪಿ-ಹಿರಿಯಡ್ಕ -ಕಾರ್ಕಳ-ಸುಬ್ರಹ್ಮಣ್ಯ ರಸ್ತೆಗೆ 6 ಕೋಟಿ ರೂ. ಮಂಜೂರಾಗಿದೆ.

ಕಡೂರು ತಾಲೂಕಿನ ಬೇಗೂರು ಗೇಟ್​ನಿಂದ-ಅರೇಹಳ್ಳಿ-ಮಚ್ಚೆರಿ ರಸ್ತೆಗೆ 6 ಕೋಟಿ ರೂ., ಚಿಕ್ಕಮಗಳೂರು ತಾಲೂಕಿನ ಸೀತಾಲಯ್ಯನ ಗಿರಿ-ಮುಳ್ಳಯ್ಯನಗಿರಿ ರಸ್ತೆಗೆ 6 ಕೋಟಿ ರೂ., ಮೂಡಿಗೆರೆ ತಾಲೂಕಿನ ರಾಜ್ಯ ಹೆದ್ದಾರಿ-106ರ ಬಾಳೂರು ಹ್ಯಾಂಡ್​ ಪೋಸ್ಟ್​ನಿಂದ ಕಳಸ ರಸ್ತೆಗೆ 6 ಕೋಟಿ ರೂ., ತರೀಕೆರೆ ತಾಲೂಕಿನಲ್ಲಿ ರಾಜ್ಯ ಹೆದ್ದಾರಿ-57ರ ಬಾಗಲಕೋಟೆ-ಬಿಳಿಗಿರಂಗನ ಬೆಟ್ಟ ರಸ್ತೆ ಅಭಿವೃದ್ಧಿಗೆ 6 ಕೋಟಿ ರೂ. ಮಂಜೂರಾಗಿದೆ.