ತ್ರಾಸಿ ಬೀಚ್ ಅಭಿವೃದ್ಧಿಗೆ ಮರುಜೀವ

ತ್ರಾಸಿ ಬೀಚ್‌ನಲ್ಲಿ ಅಭಿವೃದ್ಧಿ ಕಾಮಗಾರಿ ನಡೆಯುತ್ತಿರುವುದು.

Published on:

20 Nov 2025, 12:48 pm

ಕುಂದಾಪುರ: ಪ್ರವಾಸೋದ್ಯಮ ಉತ್ತೇಜಿಸುವ ನಿಟ್ಟಿನಲ್ಲಿ ತ್ರಾಸಿಯ ಕಡಲ ತೀರದಲ್ಲಿ ಕೈಗೊಂಡಿರುವ 9.95 ಕೋಟಿ ರೂ. ವೆಚ್ಚದ ಬಹುನಿರೀಕ್ಷಿತ ಅಭಿವೃದ್ಧಿ ಕಾಮಗಾರಿ ಮತ್ತೆ ಆರಂಭವಾಗಿದ್ದು, ವರ್ಷಾಂತ್ಯದೊಳಗೆ ಕಾಮಗಾರಿಗಳು ಪೂರ್ಣಗೊಳ್ಳುವ ನಿರೀಕ್ಷೆಯಿದೆ. ಮಳೆಗಾಲ, ಮತ್ತಿತರ ಕಾರಣಗಳಿಂದ ಸ್ಥಗಿತಗೊಂಡಿದ್ದ ಕಾಮಗಾರಿ ಭರದಿಂದ ಸಾಗುತ್ತಿದೆ.

ಏನೇನು ಅಭಿವೃದ್ಧಿ?

ಪ್ರವಾಸೋದ್ಯಮ ಇಲಾಖೆ ವತಿಯಿಂದ ಕರ್ನಾಟಕ ಟೂರಿಸಂ ಡೆವಲಪ್‌ಮೆಂಟ್ ಲಿಮಿಟೆಡ್ (ಕೆಟಿಎಲ್) ಕಾಮಗಾರಿ ನಿರ್ವಹಿಸುತ್ತಿದೆ. 9.95 ಕೋಟಿ ರೂ. ವೆಚ್ಚದಲ್ಲಿ ಸೀವಾಕ್, ವಿಶಾಲ ಪಾಕಿರ್ಂಗ್ ವ್ಯವಸ್ಥೆ, ಫುಡ್ ಕೋರ್ಟ್, 650 ಮೀ. ಸೈಕಲ್ ಟ್ರ್ಯಾಕ್, ಮಕ್ಕಳ ಪಾರ್ಕ್ ಸಹಿತ ವಿವಿಧ ಅಭಿವೃದ್ಧಿ ಕಾಮಗಾರಿಗಳನ್ನು ಕಳೆದ ವರ್ಷ ಆರಂಭಿಸಲಾಗಿತ್ತು.

ಹೆದ್ದಾರಿಯಾಚೆಗಿನ ಪ್ರವಾಸಿ ಮಂದಿರ ತೆರವು ವಾಡಿ, ಅಲ್ಲಿ ರೆಸ್ಟೋರೆಂಟ್ ನಿರ್ವಾಣ ನಡೆಯುತ್ತಿದೆ. 150 ಜನ ಕುಳಿತುಕೊಳ್ಳುವ ಬಯಲು ರಂಗಮಂದಿರ, 2 ಕಡೆಗಳಲ್ಲಿ ತಲಾ 100 ವಾಹನಗಳ ನಿಲುಗಡೆಗೆ ವ್ಯವಸ್ಥೆ, ಪ್ರವಾಸಿಗರಿಗೆ ಹೆಚ್ಚುವರಿ ಶೌಚಗೃಹ, ತೀರದುದ್ದಕ್ಕೂ ಫುಟ್‌ಪಾತ್, ಕುಳಿತುಕೊಳ್ಳುವ ವ್ಯವಸ್ಥೆ, ಎರಡೂ ಕಡೆ ಪ್ರವೇಶ, ನಿರ್ಗಮನ ದ್ವಾರ, ಕಡಲಾಮೆ ಶಿಲ್ಪಾಕೃತಿ ನಿರ್ವಾಣ ಕಾಮಗಾರಿ ನಡೆಯುತ್ತಿದೆ.

ಕಾಮಗಾರಿಗೆ ಹಂತ ಹಂತವಾಗಿ ಅನುದಾನ ಬಿಡುಗಡೆಯಾಗುತ್ತಿದ್ದು, ಮುಂದಿನ ದಿನಗಳಲ್ಲಿ ಬಾಕಿ ಇರುವ ಅನುದಾನ ಬಿಡುಗಡೆ ವಾಡಲಾಗುವುದು. ಕಾಮಗಾರಿ ಆದಷ್ಟು ಬೇಗ ಮುಗಿಸಲು ಎಲ್ಲ ರೀತಿಯ ಪ್ರಯತ್ನ ವಾಡುತ್ತಿದ್ದೇವೆ. ಪ್ರವಾಸಿಗರಿಗೆ ತೊಂದರೆಯಾಗದಂತೆ ಕಾಮಗಾರಿ ನಡೆಸಬೇಕಾಗಿದೆ ಎಂದು ಕೆಟಿಎಲ್ ಅಧಿಕಾರಿಗಳು ತಿಳಿಸಿದ್ದಾರೆ.

ತ್ರಾಸಿ ಬೀಚ್ ಅಭಿವೃದ್ಧಿ ಕಾಮಗಾರಿ ಆದಷ್ಟು ಬೇಗ ಪೂರ್ಣಗೊಂಡು, ಪ್ರವಾಸಿಗರಿಗೆ ಅನುಕೂಲವಾಗುವಂತಾಗಲಿ. ತ್ರಾಸಿ- ಮರವಂತೆ ಬೀಚ್‌ನ ಎದುರು ಹೆದ್ದಾರಿಯ ಈಚೆಗೆ ಸಾಕಷ್ಟು ಜಾಗವಿದ್ದು, ಅದನ್ನು ಸಮತಟ್ಟು ವಾಡಿ, ಪಾಕಿರ್ಂಗ್‌ಗೆ ವ್ಯವಸ್ಥೆ ವಾಡಿದರೆ 200-300 ಕಾರುಗಳು ನಿಲ್ಲಬಹುದು. ಹೆದ್ದಾರಿ ಬದಿ ಬೆಳೆದ ಹುಲ್ಲು ಕಟಾವು ಮಾಡಬೇಕಿದೆ. ಬೀಚ್‌ನ ಹೆದ್ದಾರಿಯಲ್ಲಿ ಬೆಳಕಿನ ವ್ಯವಸ್ಥೆಗೆ ಮನವಿ ವಾಡಿದರೂ ಸ್ಪಂದಿಸಿಲ್ಲ.

ಅಭಿವೃದ್ಧಿ ಕಾಮಗಾರಿ