ಕುಂದಾಪುರದಲ್ಲಿ ಅಪಾಯಕಾರಿ ತಿರುವುಗಳಿಗೆ ಕಾಯಕಲ್ಪ

ಹಲವೆಡೆ ಅಪಘಾತಗಳು ಸಂಭವ

ಶೆಟ್ರಕಟ್ಟೆ ಅಪಘಾತ ನಡೆದ ದಿನವೇ ಅಲ್ಲಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದೇವೆ. ಈ ಬಗ್ಗೆ ಪೊಲೀಸರಿಂದ ಬ್ಲಾಕ್ ಸ್ಪಾಟ್(ಅಪಘಾತ ವಲಯ) ಅನ್ನುವ ವರದಿ ಬರಲಿದೆ. ಅದರಡಿ ಅನುದಾನಕ್ಕಾಗಿ ಪ್ರಯತ್ನಿಸಲಾಗುವುದು. ಅದರೊಂದಿಗೆ ಮಾವಿನಕಟ್ಟೆ ಜಂಕ್ಷನ್‌ನ ಅಭಿವೃದ್ಧಿ ಮಾಡಲಾಗುವುದು. ಈ ರಸ್ತೆ ಅಗಲೀಕರಣ ಬಗ್ಗೆ ನಾವು ನಿರಂತರ ಪ್ರಯತ್ನದಲ್ಲಿದ್ದೇವೆ. ಸರ್ಕಾರದಿಂದ ಅನುದಾನ ಬಂದರೆ ಕಾಮಗಾರಿ ಕೈಗೆತ್ತಿಕೊಳ್ಳಲಾಗುವುದು.

ಬಸ್, ಇತರ ವಾಹನಗಳೆಲ್ಲ ಬಂದರೆ ಎದುರಿನ ವಾಹನಗಳು ರಸ್ತೆಯಿಂದ ಇಳಿಯಬೇಕಾಗಿದೆ. ಕೆಲವೆಡೆ ರಸ್ತೆ ಎತ್ತರವಿರುವುದರಿಂದ ಕೆಳಗೆ ಇಳಿಯುವುದು ಸಹ ಅಪಾಯಕಾರಿಯಾಗಿದೆ. ತುಂಬಾ ಇಕ್ಕಟ್ಟಾದ ರಸ್ತೆಯಾಗಿದೆ. ಹೆಮ್ಮಾಡಿ- ಕೊಲ್ಲೂರು ರಸ್ತೆಯಂತೆಯೇ ಈ ರಸ್ತೆಯಲ್ಲಿಯೂ ನಿತ್ಯ ಸಾವಿರಾರು ವಾಹನಗಳು ಸಂಚರಿಸುತ್ತವೆ. ಅಪಾಯಕಾರಿ ತಿರುವು ಸರಿಪಡಿಸುವುದರ ಜತೆಗೆ ಈ ರಸ್ತೆಯ ಅಗಲೀಕರಣ ಬಗ್ಗೆ ಸಂಬಂಧಪಟ್ಟವರು ಗಮನಹರಿಸಲಿ.