ಛಾಯಾಗ್ರಾಹಕರಲ್ಲಿರಲಿ ತಾಳ್ಮೆ, ಏಕಾಗ್ರತೆ

ಬೆಳ್ತಂಗಡಿ: ಛಾಯಾಗ್ರಾಹಕರು ತಾಳ್ಮೆ, ಏಕಾಗ್ರತೆ ಹಾಗೂ ಸೃಜನಶೀಲತೆ ಬೆಳೆಸಿಕೊಳ್ಳಬೇಕು. ಉತ್ತಮ ಛಾಯಾಚಿತ್ರ ಕೇವಲ ಕ್ಯಾಮರಾದಿಂದ ಮೂಡುವುದಿಲ್ಲ. ನೋಡುವ ದೃಷ್ಟಿಕೋನ, ಸಮಯಪ್ರಜ್ಞೆ ಹಾಗೂ ವಿಷಯದ ಆಳವಾದ ಅರಿವಿನಿಂದ ಮೂಡುತ್ತದೆ. ವಿವಿಧ ಕೋನಗಳಿಂದ ವಿಷಯ ಅವಲೋಕಿಸಿ, ಸೂಕ್ತ ಕ್ಷಣ ಸೆರೆಹಿಡಿಯುವ ಸಾಮರ್ಥ್ಯ ಛಾಯಾಗ್ರಾಹಕರು ರೂಢಿಸಿಕೊಳ್ಳಬೇಕು ಎಂದು ಡಾ.ಡಿ.ವೀರೇಂದ್ರ ಹೆಗ್ಗಡೆ ಹೇಳಿದರು.