ಆತ್ಮಸ್ಥೈರ್ಯ ವೃದ್ಧಿಗೆ ಎನ್​ಎಸ್​ಎಸ್​ ಸಮರ್ಥ ವೇದಿಕೆ

ಉಡುಪಿ: ಆತ್ಮಸ್ಥೈರ್ಯದಿಂದ ಏನನ್ನಾದರೂ ಸಾಧಿಸಬಹುದು. ಅದು ನಮ್ಮೊಳಗೆ ಇನ್ನಷ್ಟು ಬೆಳೆಯಲು ಎನ್​ಎಸ್​ಎಸ್​ ಸಮರ್ಥ ವೇದಿಕೆಯಾಗಿದೆ. ಸಾಮಾಜಿಕವಾಗಿ ಗುರುತಿಸಲ್ಪಡುವ ಎಲ್ಲ ಕೆಲಸ, ನಿರ್ವಹಣೆಗಳಲ್ಲಿ ಜವಾಬ್ದಾರಿಯಿಂದ ತೊಡಗಿಸಿಕೊಂಡಾಗ ಮಾತ್ರ ಆತ್ಮಸ್ಥೈರ್ಯ ವೃದ್ಧಿಸಲು ಸಾಧ್ಯ. ಸಾಧಕರಾಗಿ ಸಮಾಜಕ್ಕೆ ಮಾದರಿಯಾಗಲು ಎನ್​ಎಸ್​ಎಸ್​ನ ಸ್ವಯಂಸ್ವೇವಕರಾಗಿ ಎಂದು ಎಂಜಿಎಂ ಕಾಲೇಜಿನ ರಾಷ್ಟ್ರೀಯ ಸೇವಾ ಯೋಜನಾಧಿಕಾರಿ ಡಾ. ರೇಖಾ ಎನ್​. ಚಂದ್ರ ಕಿವಿಮಾತು ಹೇಳಿದರು.

ಉಡುಪಿಯ ಶ್ರೀ ಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜ್​ನಲ್ಲಿ ರಾಷ್ಟ್ರೀಯ ಸೇವಾ ಯೋಜನಾ ಘಟಕ ಉದ್ಘಾಟಿಸಿ ಮಾತನಾಡಿದರು.

ಪ್ರಾಂಶುಪಾಲ ಡಾ. ಚಂದ್ರಕಾಂತ್​ ಭಟ್​ ಮಾತನಾಡಿ, ಎನ್​ಎಸ್​ಎಸ್​ಗೆ ಸೇರಿಕೊಂಡರೆ ಸಾಲದು. ವಿದ್ಯಾರ್ಥಿಗಳ ಸರ್ವತೋಮುಖ ಅಭಿವೃದ್ಧಿಗಾಗಿ ಹಮ್ಮಿಕೊಳ್ಳುವ ಎಲ್ಲ ಚಟುವಟಿಕೆಗಳಲ್ಲಿ ಸಕ್ರಿಯರಾದಾಗ ಮಾತ್ರ ಮೌಲ್ಯಯುತ ಹಾಗೂ ಆರೋಗ್ಯಪೂರ್ಣ ಸಮಾಜ ನಿರ್ಮಾಣ ನಿಮ್ಮಂದ ಸಾಧ್ಯ ಎಂದರು.

ಕಾಲೇಜ್​ನ ಎನ್​ಎಸ್​ಎಸ್​ ಯೋಜನಾಧಿಕಾರಿಗಳಾದ ಚಿರಂಜನ್​ ಕೆ. ಶೇರಿಗಾರ್​ ಹಾಗೂ ಡಾ. ಪ್ರಜ್ಞಾ ಮಾರ್ಪಳ್ಳಿ ಉಪಸ್ಥಿತರಿದ್ದರು.

ಸ್ವಯಂ ಸೇವಕರಾದ ಸಂಚಿತಾ ಸ್ವಾಗತಿಸಿದರು. ವಾಗೀಶ್​ ಭಟ್​ ವಂದಿಸಿದರು. ರಕ್ಷಿತಾ ಕಾರ್ಯಕ್ರಮ ನಿರೂಪಿಸಿದರು.