ಸರ್ಕಾರಿ ಬಸ್ಸು ದರ ಏರಿಕೆ ಪ್ರಸ್ತಾಪವಿಲ್ಲ: ಸಚಿವ ರಾಮಲಿಂಗ ರೆಡ್ಡಿ

ಉಡುಪಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಆಲ್​ ಇಂಡಿಯಾ ಪರ್ಮಿಟ್​ ಹೈ ಎಂಡ್​ ಬಸ್ಸುಗಳು ಏರಿಕೆ ಮಾಡುತ್ತಾರೆ. ಈ ಬಸ್ಸುಗಳು ನಮ್ಮನಿಯಂತ್ರಣದಲ್ಲಿಲ್ಲ ಎಂದು ಹೇಳಿದರು.

ಸಾರಿಗೆ ನೌಕರರ 26 ತಿಂಗಳ ಹಿಂದಿನ ಬಾಕಿ ಮೊತ್ತ ಪಾವತಿಸಲಾಗುವುದು. ಶೇ. 12.5 ವೇತನ ಪರಿಷ್ಕರಣೆ ಮಾಡಲಾಗುವುದು. ನಮ್ಮ ಸರ್ಕಾರದ ನಿಲುವು ಸ್ಪಷ್ಟಪಡಿಸಲಾಗಿದ್ದು, ಸಾರಿಗೆ ನೌಕರರ ಮುಷ್ಕರ ವಿಚಾರ ಗಮನಕ್ಕೆ ಬಂದಿದೆ. ಹಿಂದೆ ನಾಲ್ಕು ವರ್ಷಕ್ಕೊಮ್ಮೆ ವೇತನ ಪರಿಷ್ಕರಣೆ ಆಗುತ್ತಿತ್ತು. 2020ರಲ್ಲಿ ಕೋರೋನಾ ಕಾರಣಕ್ಕೆ ವೇತನ ಪರಿಷ್ಕರಿಸಿಲ್ಲ. 2023ರಲ್ಲಿ ಬೊಮ್ಮಾಯಿ ಸಿಎಂ ಆಗಿದ್ದಾಗ ಶೇ. 15 ವೇತನ ಪರಿಷ್ಕರಣೆ ಮಾಡಿದರು. ಏಪ್ರಿಲ್​ 1, 2023 ಜಾರಿಗೆ ಆದೇಶ ಮಾಡಿ ಹೋದರು. ಸಾರಿಗೆ ನೌಕರು 4 ವರ್ಷಕ್ಕೊಮ್ಮೆ ಆಗಲೇಬೇಕು ಎಂದು ಬೇಡಿಕೆ ಇಟ್ಟಿದ್ದಾರೆ. ಈ ಬಗ್ಗೆ ಅನೇಕ ಬಾರಿ ಚರ್ಚೆಯಾಗಿದೆ ಎಂದು ಹೇಳಿದರು.