* 412 ಕ್ಯಾನ್ಸರ್, 224 ಕಿಡ್ನಿ ರೋಗಿಗಳಿಗೆ ಸಹಾಯಧನ
* ಯಕ್ಷಗಾನ ಕಲಾವಿದರು, ರುದ್ರಭೂಮಿ ನೌಕರರಿಗೆ ಸಹಾಯಹಸ್ತ
ಉಡುಪಿ: ನಾಡೋಜ ಡಾ. ಜಿ.ಶಂಕರ್ ಅವರ 71ನೇ ಜನ್ಮದಿನದ ನಿಮಿತ್ತ ಉಡುಪಿ, ದಕ್ಷಿಣ ಕನ್ನಡ ಹಾಗೂ ಇನ್ನಿತರ ಜಿಲ್ಲೆಗಳಲ್ಲಿ ಆರ್ಥಿಕ ತೊಂದರೆಯಲ್ಲಿರುವವರಿಗೆ ಸಹಾಯಧನ ವಿತರಿಸಲಾಯಿತು.
ಆಯ್ದ ಆಸ್ಪತ್ರೆಗಳಲ್ಲಿ ಕ್ಯಾನ್ಸರ್, ಕಿಡ್ನಿ ಹಾಗೂ ಹೃದ್ರೋಗಿಗಳಿಗೆ ಚಿಕಿತ್ಸೆ ಪಡೆಯುತ್ತಿರುವವರಿಗೆ ವಿಶೇಷ ಶಾಲೆಗಳಿಗೆ, ಹಿರಿಯ ಯಕ್ಷಗಾನ ಕಲಾವಿದರಿಗೆ, ಸಾರ್ವಜನಿಕ ರುದ್ರಭೂಮಿಗಳಲ್ಲಿ ಶವ ಸಂಸ್ಕಾರ ಕೆಲಸ ಮಾಡುವ ಬಂಧುಗಳಿಗೆ ಸಹಾಯಧನ ವಿತರಿಸಲಾಯಿತು.
ಕೆಎಂಸಿ ಮಣಿಪಾಲದಲ್ಲರಿವ 145 ಕ್ಯಾನ್ಸರ್ ರೋಗಿಗಳು, 28 ಕಿಡ್ನಿ ರೋಗಿಗಳು ಮತ್ತು ಹೃದ್ರೋಗಿಗಳಿಗೆ, ಕೆಎಂಸಿ ಅತ್ತಾವರ ಮಂಗಳೂರಿನ 53 ಕ್ಯಾನ್ಸರ್ ಹಾಗೂ 46 ಕಿಡ್ನಿ ರೋಗಿಗಳು, ಕೆಎಂಸಿ ಮಂಗಳೂರು ಜ್ಯೋತಿಯ 17 ಕ್ಯಾನ್ಸರ್ ಹಾಗೂ 50 ಕಿಡ್ನಿ ರೋಗಿಗಳು, ಫಾದರ್ ಮುಲ್ಲರ್ ಮಂಗಳೂರಿನ 76 ಕ್ಯಾನ್ಸರ್ ಹಾಗೂ 19 ಕಿಡ್ನಿ ರೋಗಿಗಳು, ವೆನ್ಲಾಕ್ ಆಸ್ಪತ್ರೆ ಮಂಗಳೂರಿನ 45 ಕ್ಯಾನ್ಸರ್ ಹಾಗೂ 35 ಕಿಡ್ನಿ ರೋಗಿಗಳು, ಎಂಐಒ ಮಂಗಳೂರಿನ 24 ಕ್ಯಾನ್ಸರ್ ರೋಗಿಗಳು, ಸರ್ಕಾರಿ ಆಸ್ಪತ್ರೆ ಮಂಗಳೂರಿನ 11 ಕ್ಯಾನ್ಸರ್ ಹಾಗೂ 2 ಕಿಡ್ನಿ ರೋಗಿಗಳು.
ಆದರ್ಶ ಆಸ್ಪತ್ರೆ ಉಡುಪಿಯ 17 ಕ್ಯಾನ್ಸರ್ ಹಾಗೂ 29 ಕಿಡ್ನಿ ರೋಗಿಗಳು, ಗಾಂಧಿ ಆಸ್ಪತ್ರೆ ಉಡುಪಿಯ 6 ಕ್ಯಾನ್ಸರ್ ರೋಗಿಗಳು, ಸರ್ಕಾರಿ ಆಸ್ಪತ್ರೆ ಕುಂದಾಪುರದ 11 ಕ್ಯಾನ್ಸರ್ ಹಾಗೂ 5 ಕಿಡ್ನಿ ರೋಗಿಗಳು, ಸರ್ಕಾರಿ ಆಸ್ಪತ್ರೆ ಬ್ರಹ್ಮಾವರದ 10 ಕಿಡ್ನಿ ರೋಗಿಗಳು ಹಾಗೂ ಇನ್ನಿತರ 7 ಕ್ಯಾನ್ಸರ್ ರೋಗಿಗಳು ಸೇರಿದಂತೆ ಒಟ್ಟು 412 ಕ್ಯಾನ್ಸರ್ ರೋಗಿಗಳು ಹಾಗೂ 224 ಕಿಡ್ನಿ ಸಮಸ್ಯೆ ಬಾಧಿತರಿಗೆ ಸಹಾಯಹಸ್ತ ನೀಡಲಾಯಿತು.
ಉಭಯ ಜಿಲ್ಲೆಗಳ 89 ಹಿರಿಯ ಯಕ್ಷಗಾನ ಕಲಾವಿದರು, ಉಭಯ ಜಿಲ್ಲೆಗಳ 31 ವಿಶೇಷ ಶಾಲೆ ಹಾಗೂ ರುದ್ರಭೂಮಿಯಲ್ಲಿ ದಿನಂಪ್ರತಿ ಶವ ಸಂಸ್ಕಾರದಲ್ಲಿ ತೊಡಗುವವರಿಗೆ ಸಹಾಯಹಸ್ತ ನೀಡಲಾಯಿತು.
ಕ್ಯಾನ್ಸರ್, ಕಿಡ್ನಿ, ವಿಶೇಷ ಶಾಲೆ ಹಾಗೂ ರುದ್ರಭೂಮಿ ನೌಕರರಿಗೆ ತಲಾ 25 ಸಾವಿರ ರೂ., ಯಕ್ಷಗಾನ ಕಲಾವಿದರಿಗೆ ತಲಾ 10 ಸಾವಿರ ರೂ.ವನ್ನು ಅವರ ಬ್ಯಾಂಕ್ ಖಾತೆಗಳಿಗೆ ಈಗಾಗಲೇ ನೇರ ಜಮಾ ಮಾಡಲಾಗಿದೆ ಎಂದು ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ ಉಡುಪಿ ಪ್ರಕಟಣೆಯಲ್ಲಿ ತಿಳಿಸಿದೆ.
