ಕಲ್ಮಾಡಿ ವಾರ್ಡ್​ನ ಅಭಿವೃದ್ಧಿಗೆ ಆದ್ಯತೆ

ಉಡುಪಿ: ಕಳೆದ ಬಾರಿ ಬಬ್ಬುಸ್ವಾಮಿ ದೈವಸ್ಥಾನದ ಸಮಗ್ರ ಜೀರ್ಣೋದ್ಧಾರದ ಸಂದರ್ಭದಲ್ಲಿ ದೇವಸ್ಥಾನದ ಪ್ರಮುಖರ ಮನವಿಯಂತೆ 13 ಲಕ್ಷ ರೂ. ವೆಚ್ಚದಲ್ಲಿ ಸಂಪರ್ಕ ರಸ್ತೆ ಸೌಕರ್ಯ ಒದಗಿಸಲಾಗಿದೆ. ಮುಂದಿನ ದಿನಗಳಲ್ಲಿಯೂ ಕಲ್ಮಾಡಿ ವಾರ್ಡ್​ನ ಅಭಿವೃದ್ಧಿಗೆ ವಿಶೇಷ ಮುತುವರ್ಜಿ ವಹಿಸಲಾಗುವುದು ಎಂದು ಶಾಸಕ ಯಶ್​ಪಾಲ್​ ಸುವರ್ಣ ಭರವಸೆ ನೀಡಿದರು.

ಉಡುಪಿ ನಗರಸಭೆಯ ಕಲ್ಮಾಡಿ ವಾರ್ಡ್​ನಲ್ಲಿ ಸುಮಾರು 13 ಲಕ್ಷ ವೆಚ್ಚದಲ್ಲಿ ನಿರ್ಮಾಣಗೊಂಡ ಕಲ್ಮಾಡಿಪಾದೆ ಬಬ್ಬುಸ್ವಾಮಿ ದೈವಸ್ಥಾನ ಸಂಪರ್ಕ ರಸ್ತೆ ಉದ್ಘಾಟಿಸಿ ಮಾತನಾಡಿದರು.

ಉಡುಪಿ ನಗರಸಭೆಯ ನಿಕಟಪೂರ್ವ ಅಧ್ಯಕ್ಷ ಪ್ರಭಾಕರ್​ ಪೂಜಾರಿ, ಬಬ್ಬುಸ್ವಾಮಿ ದೈವಸ್ಥಾನದ ಆಡಳಿತ ಸಮಿತಿಯ ಅಧ್ಯಕ್ಷ ಸುಂದರ್​ ಜೆ. ಕಲ್ಮಾಡಿ, ಮಾಧವ್​ ಗುರಿಕಾರ, ಪ್ರಮುಖರಾದ ಜಯರಾಮ್​ ಕಲ್ಮಾಡಿ, ರಮೇಶ್​ ಮಾಸ್ಟರ್​ ಕಲ್ಮಾಡಿ, ಜಯಶ್ರೀ ಅಶೋಕ್​, ಸುರೇಶ್​ ಕಲ್ಮಾಡಿ,  ರೋಹಿತ್​ ಕಲ್ಮಾಡಿ, ಅಶೋಕ್​ ಸುವರ್ಣ, ವಿನೋದ್​, ಮನೋಜಕುಮಾರ್​ ಕಲ್ಮಾಡಿ, ಕಿಶೋರ್​ ಮಲ್ಪೆ, ಸ್ಥಳೀಯ ಮುಖಂಡರಾದ ಲಕ್ಷ್ಮೀಶ, ವಿವೇಕ್​ ಇನ್ನಿತರರು ಉಪಸ್ಥಿತರಿದ್ದರು.