ಕೆರೆ ಅಭಿವೃದ್ಧಿಯಿಂದ ಅಂತರ್ಜಲ ಪುನಶ್ಚೇತನ

ಉಡುಪಿ: ತೆಂಕನಿಡಿಯೂರು ಗ್ರಾಮದಲ್ಲಿ ಬಹು ವರ್ಷದಿಂದ ನನೆಗುದಿಗೆ ಬಿದ್ದಿದ್ದ ಕುಮ್ಮೆಕೆರೆಯನ್ನು ವಿಶೇಷ ಆದ್ಯತೆ ವಹಿಸಿ ಅಭಿವೃದ್ಧಿ ಮಾಡಲಾಗಿದೆ. ಉಡುಪಿ ವಿಧಾನಸಭಾ ಕ್ಷೇತ್ರದ ಎಲ್ಲ ಕೆರೆಗಳ ಅಭಿವೃದ್ಧಿಗೂ ಯೋಜನೆ ರೂಪಿಸಿದ್ದು, ಗ್ರಾಮದಲ್ಲಿ ಕೃಷಿ ಚಟುವಟಿಕೆಗಳಿಗೆ ಪೂರಕ ವಾತಾವರಣ ನಿರ್ಮಿಸಲಾಗುವುದು. ಕೆರೆ ಅಭಿವೃದ್ಧಿಯಿಂದ ಅಂತರ್ಜಲವೂ ಪುನಶ್ಚೇತನವಾಗಲಿದೆ ಎಂದು ಶಾಸಕ ಯಶ್​ಪಾಲ್​ ಸುವರ್ಣ ಅಭಿಪ್ರಾಯಪಟ್ಟರು.

ಉಡುಪಿ ತಾಲೂಕಿನ ತೆಂಕನಿಡಿಯೂರು ಗ್ರಾಮದಲ್ಲಿ ಸಣ್ಣ ನೀರಾವರಿ ಇಲಾಖೆಯ ಮೂಲಕ 4 ಕೋಟಿ ರೂ. ವೆಚ್ಚದಲ್ಲಿ ಅಬೀವೃದ್ಧಿಗೊಂಡಿರುವ ಕುಮ್ಮೆಕೆರೆಗೆ ಪೂಜಿಸಿ, ಕ್ಷೀರ ಸಮರ್ಪಿಸುವ ಮೂಲಕ ಉದ್ಘಾಟಿಸಿ ಮಾತನಾಡಿದರು.

ಉಡುಪಿ ನಗರ ಬಿಜೆಪಿ ಅಧ್ಯಕ್ಷ ದಿನೇಶ್​ ಅಮೀನ್​, ನಗರಸಭಾ ಮಾಜಿ ಅಧ್ಯಕ್ಷ ಪ್ರಭಾಕರ್​ ಪೂಜಾರಿ, ತಾಪಂ ಉಪಾಧ್ಯಕ್ಷ ಶರತ್​ ಕುಮಾರ್​ ಬೈಲಕೆರೆ, ತೆಂಕನಿಡಿಯೂರು ಗ್ರಾಪಂ ಮಾಜಿ ಅಧ್ಯಕ್ಷರಾದ ಗಾಯತ್ರಿ ಸುರೇಶ್​, ಕೃಷ್ಣ ಶೆಟ್ಟಿ, ಪ್ರಶಾಂತ ಸಾಲ್ಯಾನ್​ ಉಪಸ್ಥಿತರಿದ್ದರು.

ಪಕ್ಷದ ಪ್ರಮುಖರಾದ ಉಮೇಶ್​ ಪೂಜಾರಿ ಬಡಾನಿಡಿಯೂರು, ಪ್ರಭಾಕರ್​ ತಿಂಗಳಾಯ, ನಾಗರಾಜ್​ ಕುಂದರ್​, ಕೃಷ್ಣ ದೇವಾಡಿಗ, ಸತೀಶ್​ ನಾಯ್ಕ್​, ನವೀನ್​ ಕಾಂಚನ್​, ತೆಂಕನಿಡಿಯೂರು ಗ್ರಾಪಂ ಮಾಜಿ ಸದಸ್ಯರಾದ ಅರುಣ್​ ಜತ್ತನ್​, ವಿನೋದ್​ ಸುವರ್ಣ, ಸತೀಶ್​ ಪೂಜಾರಿ, ಮಾಲಿನಿ ಜತ್ತನ್​, ವಿಕಿತಾ ಸುರೇಶ್​, ಪ್ರಶಾಂತ್​ ಹೆಬ್ಬಾರ್​, ಗೀತಾ ಶೆಟ್ಟಿ, ಸ್ಥಳಿಯರಾದ ಶಂಕರ್​ ಬೈಲಕೆರೆ, ಸುರೇಶ್​ ಸಾಲ್ಯಾನ್​, ಅಪ್ಪಣ್ಣ ತೊಟ್ಟಂ, ಸುದೀಪ್​ ತೊಟ್ಟಂ, ಗುರು ತೊಟ್ಟಂ, ಶಂಕರ್​ ಬೈಲಕರೆ, ರವಿ ಬಂಗೇರ, ರಮೇಶ್​ ಇತರರು ಪಾಲ್ಗೊಂಡಿದ್ದರು.