ಕುಕ್ಕೆಯಲ್ಲಿ ಶೀಘ್ರವೇ ಮಾಸ್ಟರ್‌ಪ್ಲಾೃನ್ ಸಮಿತಿ ಸಭೆ

ಕುಕ್ಕೆ ಸುಬ್ರಹ್ಮಣ್ಯ ಕ್ಷೇತ್ರಕ್ಕೆ ಸೋಮವಾರ ಭೇಟಿ ನೀಡಿದ ಅವರು ದೇವಳದ ಆಡಳಿತ ಮಂಡಳಿಯ ಸಭೆ ನಡೆಸಿ ಮಾತನಾಡಿದರು. ಭಾನುವಾರ ರಾತ್ರಿ ಕ್ಷೇತ್ರಕ್ಕಾಗಮಿಸಿದ ಆಯುಕ್ತರು ಆದಿಶೇಷ ವಸತಿಗೃಹದಲ್ಲಿ ಆಡಳಿತ ಮಂಡಳಿಯೊಂದಿಗೆ ಚರ್ಚಿಸಿದರು. ಸೋಮವಾರ ಬೆಳಗ್ಗೆ ದೇವಳದ ಆಡಳಿತ ಕಚೇರಿ ಸಭಾಂಗಣದಲ್ಲಿ ಆಡಳಿತ ಮಂಡಳಿ ಮತ್ತು ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳೊಂದಿಗೆ ಮತ್ತೆ ಸಭೆ ನಡೆಸಿ ಚರ್ಚಿಸಿದರು.

ಭಕ್ತರ ಅನುಕೂಲತೆಗಾಗಿ ತುರ್ತಾಗಿ ಕ್ಷೇತ್ರದಲ್ಲಿ ಆಗಬೇಕಾದ ಅಭಿವೃದ್ಧಿ ಕಾಮಗಾರಿಗಳ ಬಗ್ಗೆ ಆಡಳಿತ ಮಂಡಳಿಯವರು ಆಯುಕ್ತರಿಗೆ ತಿಳಿಸಿದರು. ಆಶ್ಲೇಷಬಲಿ ಮಂಟಪ, ಸುತ್ತುಪೌಳಿ, ಡಾರ್ಮೆಟರಿ, ವಸತಿಗೃಹ, ನೌಕರರ ವಸತಿಗೃಹ ನಿರ್ಮಾಣ, ಸಿಬ್ಬಂದಿ ವೇತನ, ಹೊಸ ಸಿಬ್ಬಂದಿ ನೇಮಕ, ಸರ್ಪಸಂಸ್ಕಾರ ಪುರೋಹಿತರ ಸಂಭಾವನೆ, ದೇವಳದಲ್ಲಿ ನಡೆಯುವ ಸೇವೆಗಳು ಇತ್ಯಾದಿಗಳ ಬಗ್ಗೆ ಆಯುಕ್ತರಲ್ಲಿ ಆಡಳಿತ ಮಂಡಳಿ ಚರ್ಚಿಸಿತು. ಈ ಬಗ್ಗೆ ಶೀಘ್ರ ಕ್ರಮ ಕೈಗೊಳ್ಳಲಾಗುವುದು. ಅಲ್ಲದೆ ಶೀಘ್ರವೇ ಮಾಸ್ಟರ್ ಫ್ಲಾನ್ ಸಮಿತಿ ಸಭೆ ನಡೆಸಿ ಕಾಮಗಾರಿ ಆರಂಭಿಸುವ ಭರವಸೆ ನೀಡಿದರು.

ದೇವಳದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಹರೀಶ್ ಎಸ್.ಇಂಜಾಡಿ, ಕಾರ್ಯನಿರ್ವಹಣಾಧಿಕಾರಿ ಅರವಿಂದ ಅಯ್ಯಪ್ಪ ಸುತಗುಂಡಿ, ಎಇಒ ಎಸ್.ಜೆ.ಯೇಸುರಾಜು, ವ್ಯವಸ್ಥಾಪನಾ ಸಮಿತಿ ಸದಸ್ಯರಾದ ಅಶೋಕ್ ನೆಕ್ರಾಜೆ, ಸೌಮ್ಯಾ ಭರತ್, ಪ್ರವೀಣಾ ರೈ ಮರುವಂಜ, ಲೀಲಾ ಮನಮೋಹನ್, ಮಾಸ್ಟರ್ ಪ್ಲಾೃನ್ ಸಮಿತಿ ಸದಸ್ಯರಾದ ಸತೀಶ್ ಕೂಜುಗೋಡು, ಲೋಲಾಕ್ಷ ಕೈಕಂಬ, ಅಚ್ಯುತ ಗೌಡ ಬಳ್ಪ, ದೇವಳದ ಅಧೀಕ್ಷಕ ಕೆ.ಎಂ.ಗೋಪಿನಾಥ್ ನಂಬೀಶ, ಅಭಿಯಂತ ಉದಯ ಕುಮಾರ್, ಶಿಷ್ಟಾಚಾರ ವಿಭಾಗದ ಪ್ರಮೋದ್ ಕುಮಾರ್ ಎಸ್. ಮತ್ತಿತರರು ಉಪಸ್ಥಿತರಿದ್ದರು.

ದೇವಳದ ಹೊರಾಂಗಣದಲ್ಲಿ ಸುತ್ತುಪೌಳಿಯನ್ನು ವೀಕ್ಷಿಸಿದ ಆಯುಕ್ತ ಶರತ್ ಬಿ. ನೂತನ ಸುತ್ತುಪೌಳಿಯ ನೀಲನಕಾಶೆಯನ್ನು ಪರಿಶೀಲಿಸಿದರು. ಇಂಜಾಡಿಯಲ್ಲಿ 1000 ಕೊಠಡಿಗಳ ವಸತಿಗೃಹ ನಿರ್ಮಾಣವಾಗುವ ಸ್ಥಳ ಮತ್ತು ಸಿಬ್ಬಂದಿ ವಸತಿಗೃಹ ಸ್ಥಳಕ್ಕೆ ತೆರಳಿ ಸ್ಥಳ ಪರಿಶೀಲಿಸಿದರು.