ರೈತರಿಗೆ ಅನ್ಯಾಯವಾಗಲೂ ಎಂದಿಗೂ ಬಿಡಲ್ಲ

ಕಂಡ್ಲೂರಿನಲ್ಲಿ ನಡೆದ ಬೃಹತ್ ಜನಾಂದೋಲನ ಸಭೆಯಲ್ಲಿ ಮಾಜಿ ಶಾಸಕ ಕೆ.ಗೋಪಾಲ ಪೂಜಾರಿ ಮಾತನಾಡಿದರು. ಬಲಾಡಿ ಸಂತೋಷ್ ಶೆಟ್ಟಿ, ಾಜಗೋಪಾಲ ಹೆಗ್ಡೆ, ಮಹೇಶ್ ಮೆಂಡನ್ ಇತರರು ಇದ್ದರು.

Published on:

29 Jan 2026, 3:42 pm

ಕುಂದಾಪುರ: ಸಿದ್ದಾಪುರ ಏತ ನೀರಾವರಿ ಯೋಜನೆ ಕಾರ್ಯಗತಗೊಳಿಸುವ ಮೊದಲೇ 2023ರಲ್ಲಿ ಸಿಎಂಗೆ ಇದರ ಸಾಧಕ- ಬಾಧಕ ಪರಿಶೀಲಿಸುವಂತೆ, ರೈತರಿಗೆ ಅನ್ಯಾಯ ಆಗದಂತೆ ಪಂಪ್ ಹೌಸನ್ನು ಡ್ಯಾಂನ ಕೆಳ ಭಾಗದಲ್ಲಿ ಮಾಡುವಂತೆ ಪತ್ರ ಬರೆದಿದ್ದೆ. ಯೋಜನೆಗೆ ಯಾವತ್ತೂ ವಿರೋಧ ಮಾಡಿಲ್ಲ. ಆದರೆ ಕೆಳಭಾಗದ ರೈತರಿಗೆ ಅನ್ಯಾಯ ಆಗಲು ಎಂದಿಗೂ ಬಿಡಲ್ಲ ಎಂದು ಬೈಂದೂರಿನ ಮಾಜಿ ಶಾಸಕ ಕೆ.ಗೋಪಾಲ ಪೂಜಾರಿ ಹೇಳಿದರು.

ಕಂಡ್ಲೂರು ಪೇಟೆಯಲ್ಲಿ ಭಾನುವಾರ ವಾರಾಹಿ ಅಣೆಕಟ್ಟಿನ ಕೆಳಭಾಗದ ನದಿ ಪಾತ್ರದ ಗ್ರಾ.ಪಂ.ಗಳ ವ್ಯಾಪ್ತಿಯ ರೈತರ, ಗ್ರಾಮಗಳ ಹಾಗೂ ಪುರಸಭೆ ವ್ಯಾಪ್ತಿಯ ಕುಡಿಯುವ ನೀರಿನ ಫಲಾನುಭವಿಗಳ, ಸೌಕೂರು ಏತ ನೀರಾವರಿ ಯೋಜನೆಯ ಫಲಾನುಭವಿಗಳ ನೇತೃತ್ವದಲ್ಲಿ ನಡೆದ ನೀರಿಗಾಗಿ ಬೃಹತ್ ಜನಾಂದೋಲನ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ರೈತ ಮುಖಂಡ ಕೆ.ವಿಕಾಸ್ ಹೆಗ್ಡೆ ಮಾತನಾಡಿ, ಹೋರಿಯಬ್ಬೆ ಡ್ಯಾಂ ಮೇಲ್ಗಡೆ ಸಿದ್ದಾಪುರ ಯೋಜನೆಯ ಪಂಪ್‌ಹೌಸ್ ಮಾಡಿದರೆ, ಡ್ಯಾಂಗೆ ಹಾನಿಯಾಗಲಿದೆ. ಡ್ಯಾಂ ಒಡೆದರೆ ಸಾವಿರಾರು ಹೆಕ್ಟೇರ್ ಕೃಷಿ ಭೂಮಿ, 5-6 ಸಾವಿರ ಮೋಟಾರುಗಳಿಗೆ, ಕುಡಿಯುವ ನೀರಿಗೆ ಎಲ್ಲದಕ್ಕೂ ಸಮಸ್ಯೆಯಾಗಲಿದೆ ಎಂದರು.

ರೈತ ಮುಖಂಡ ಬಲಾಡಿ ಸಂತೋಷ್ ಶೆಟ್ಟಿ ಮಾತನಾಡಿದರು. ಪ್ರಮುಖರಾದ ಚಿಟ್ಟೆ ರಾಜಗೋಪಾಲ ಹೆಗ್ಡೆ, ಮಹೇಶ್ ಮೆಂಡನ್, ಅಶೋಕ ಪೂಜಾರಿ ಬೀಜಾಡಿ, ಸಂಪಿಗೇಡಿ ಸಂಜೀವ ಶೆಟ್ಟಿ, ಬಾಬು ಶೆಟ್ಟಿ, ವಾಸುದೇವ ಯಡಿಯಾಳ್, ಸಂತೋಷ್ ಕುಮಾರ್ ಶೆಟ್ಟಿ ಹಕ್ಲಾಡಿ, ರಘುರಾಮ ಶೆಟ್ಟಿ, ಅನಂತ ಮೊವಾಡಿ, ಜಯರಾಮ ನಾಯ್ಕ, ಗುಲ್ವಾಡಿ ಜಿ.ಮಹಮ್ಮದ್, ರತ್ನಾಕರ್ ಶೆಟ್ಟಿ, ಕಾಳಿಂಗ ಶೆಟ್ಟಿ, ಸುಧೀಶ್ ಶೆಟ್ಟಿ ಗುಲ್ವಾಡಿ, ಸುರೇಶ್ ಶೆಟ್ಟಿ, ಸದಾನಂದ ಬಳ್ಕೂರು, ಜ್ಯೋತಿ ನಾಯ್ಕ, ವಿಜಯ ಪುತ್ರನ್, ಪ್ರಭಾಕರ್ ಆನಗಳ್ಳಿ ಉಪಸ್ಥಿತರಿದ್ದರು.

ರಾಘವೇಂದ್ರ ನೆಂಪು ಸ್ವಾಗತಿಸಿ, ಗಣಪತಿ ಶ್ರೀಯಾನ್ ವಂದಿಸಿದರು.

ಈ ಯೋಜನೆ ಜಾರಿಯಾಗಿ ಸಿದ್ದಾಪುರ, ಉಳ್ಳೂರು, ಹೊಸಂಗಡಿ, ಕೆಳಭಾಗ, ಬಲಭಾಗದವರಿಗೂ ನೀರು ಸಿಗಬೇಕು. ಶೀಘ್ರ ಸುರತ್ಕಲ್ ಎನ್‌ಐಟಿಕೆ ತಜ್ಞರನ್ನು ಕರೆಸಿ ಪರಿಶೀಲಿಸಿ ಮತ್ತೆ ಕಾಮಗಾರಿ ಕೈಗೊಳ್ಳಲಿ. ನಾನು ಈ ಯೋಜನೆ ನಿಲ್ಲಿಸಲು ಪ್ರಯತ್ನಿಸುತ್ತಿದ್ದೇನೆ ಎಂದು ಶಾಸಕರು ಮನೆ-ಮನೆಗೆ ಪತ್ರ ಹಂಚುತ್ತಿದ್ದಾರೆ. ಅದನ್ನು ಶಾಸಕರು ನಿರೂಪಿಸಿದರೆ ರಾಜಕೀಯ ಸನ್ಯಾಸ ಸ್ವೀಕರಿಸುವೆ. ಇಲ್ಲದಿದ್ದರೆ ಅವರು ರಾಜಕೀಯ ಸನ್ಯಾಸ ಸ್ವೀಕರಿಸಲಿ. ಬಲದಂಡೆ ಯೋಜನೆಯ ಬಗ್ಗೆಯೂ ಸಿಎಂ ಗಮನಕ್ಕೆ ತಂದಿದ್ದು, ಮುಂಬರುವ ಬಜೆಟ್‌ನಲ್ಲಿ ಕೊಡುವುದಾಗಿ ತಿಳಿಸಿದ್ದಾರೆ.

Water