ಕ್ರೀಡಾಪಟುಗಳಿಗೆ ಸರ್ಕಾರಿ ನೇಮಕಾತಿಗಳಲ್ಲಿ ಶೇ.2 ಮೀಸಲಾತಿ: ಪ್ರಮೋದ್​

ಉಡುಪಿ: ವಿಶ್ವವಿದ್ಯಾಲಯ ಮಂಗಳೂರು ರಾಜ್ಯದಲ್ಲೇ ಪ್ರಥಮ ಬಾರಿಗೆ ಕ್ರೀಡಾನೀತಿ ಜಾರಿಗೊಳಿಸಿದ್ದು, ಇದರಿಂದ ಗ್ರಾಮೀಣ ಪ್ರತಿಭೆಗಳಿಗೆ ಬಹಳಷ್ಟು ಅನುಕೂಲವಾಗಿದೆ. ನನ್ನ ಅಧಿಕಾರಾವಧಿಯಲ್ಲಿ ಸರ್ಕಾರ ಎಲ್ಲಾ ಇಲಾಖೆಯಲ್ಲಿ ನೇಮಕಾತಿ ಸಂದರ್ಭದಲ್ಲಿ ಶೇ.2 ರಷ್ಟು ಹುದ್ದೆಗಳನ್ನು ಕ್ರೀಡಾಪಟುಗಳಿಗೆ ಮೀಸಲಿಡಬೇಕು ಎಂಬ ಪ್ರಸ್ತಾವನೆ ಸಲ್ಲಿಸಲಾಗಿದ್ದು, ಇದೀಗ ಕಾರ್ಯರೂಪಕ್ಕೆ ಬಂದಿದೆ ಎಂದು ಮಾಜಿ ಕ್ರೀಡಾ ಸಚಿವ ಪ್ರಮೋದ್​ ಮಧ್ವರಾಜ್​ ಹೇಳಿದರು. 

ಮಂಗಳೂರು ವಿವಿ ಆಶ್ರಯದಲ್ಲಿ ಪೂರ್ಣಪ್ರಜ್ಞ ಕಾಲೇಜು ಮೈದಾನದಲ್ಲಿ ನಡೆದ ಮಂಗಳೂರು ವಿಶ್ವವಿದ್ಯಾನಿಲಯ ಮಟ್ಟದ ಅಂತರ ಕಾಲೇಜು ಮಟ್ಟದ ಮಹಿಳಾ ಕಬಡ್ಡಿ ಪಂದ್ಯಾವಳಿ  ಸಮಾರೋಪ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಮಾತನಾಡಿದರು. 

ಅದಮಾರು ಮಠಾಧೀಶ ಶ್ರೀ ಈಶಪ್ರಿಯ ತೀರ್ಥ ಸ್ವಾಮೀಜಿ  ಅಧ್ಯಕ್ಷತೆ ವಹಿಸಿದ್ದರು.  ಕ್ರೀಡಾಕೂಟದ ಪರಿವೀಕ್ಷಕ ಡಾ. ರಮೇಶ್​  ಎಚ್​. ಎನ್​ ,  ಕ್ರೀಡಾ ಮತ್ತು ಯುವ ಸಬಲೀಕರಣ ಇಲಾಖೆಯ ನಿರ್ದೇಶಕ ಡಾ. ರೋಶನ್​ ಕುಮಾರ್​ ಶೆಟ್ಟಿ, ರಾಷ್ಟ್ರಮಟ್ಟದ ವಾಲಿಬಾಲ್​ ಆಟಗಾರ ಹಾಗೂ  ಕಾಲೇಜಿನ ಹಳೆ ವಿದ್ಯಾರ್ಥಿ ಅರುಣ್​ ಕುಮಾರ್​,  ಭಾರತೀಯ ಮಹಿಳಾ ಕಬಡ್ಡಿ  ತಂಡದ ಸದಸ್ಯೆ ಧನಲಕ್ಷಿ$್ಮ, ಕಬಡ್ಡಿ ಅಸೋಸಿಯೇಶನ್​ ಅಧ್ಯಕ್ಷ ದಿನೇಶ್​ ಪುತ್ರನ್​, ಕಾಲೇಜಿನ ಆಡಳಿತ ಮಂಡಳಿ  ಕಾರ್ಯದರ್ಶಿ ಡಾ. ಜಿ. ಎಸ್​. ಚಂದ್ರಶೇಖರ್​, ಕಾಲೇಜಿನ ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷ  ಡಾ. ಎಂ.ಆರ್​. ಹೆಗ್ಡೆ , ಕಾಲೇಜಿನ ಪ್ರಾಂಶುಪಾಲ ಡಾ. ರಾಮು ಎಲ್​., ಕಾಲೇಜಿನ ದೈಹಿಕ ಶಿಕ್ಷಣ ನಿರ್ದೇಶಕ ಸುಕುಮಾರ್​ ಉಪಸ್ಥಿತರಿದ್ದರು.

ಕಾಲೇಜಿನ ವಿದ್ಯಾರ್ಥಿನಿ ಸಿಂಧು ಹೆಗಡೆ ಪ್ರಾರ್ಥಿಸಿ, ಕನ್ನಡ ವಿಭಾಗದ ಮುಖ್ಯಸ್ಥ ಡಾ.ಮಂಜುನಾಥ ಕರಬ ಸ್ವಾಗತಿಸಿದರು. ಕನ್ನಡ ವಿಭಾಗದ ಪ್ರಾಧ್ಯಾಪಕ ಡಾ. ಶಿವಕುಮಾರ್​ ಅಳಗೋಡು  ಕಾರ್ಯಕ್ರಮ  ನಿರ್ವಹಿಸಿದರು.

ಕ್ರೀಡಾಕೂಡದಲ್ಲಿ ಮೂಡುಬಿದಿರೆ  ಆಳ್ವಾಸ್​ ಕಾಲೇಜು ಪ್ರಥಮ ಸ್ಥಾನ ಪಡೆಯಿತು. ಉಜಿರೆ ಎಸ್​.ಡಿ.ಎಮ್​. ಕಾಲೇಜು ದ್ವೀತಿಯ, ಪುತ್ತೂರು ಸರ್ಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜು  ತೃತೀಯ ಸ್ಥಾನ ಗಳಿಸಿತು. ಕ್ರೀಡಾಕೂಟದಲ್ಲಿ ಬೆಸ್ಟ್​ ರೈಡರ್​ ಆಗಿ ಮೂಡುಬಿದಿರೆ ಆಳ್ವಾಸ್​ ಕಾಲೇಜಿನ ಸುಶ್ಮಿತ, ಬೆಸ್ಟ್​ ಆಲ್​ ರೌಂಡರ್​ ಆಗಿ ಉಜಿರೆಯ ಎಸ್​.ಡಿ.ಎಂ ಕಾಲೇಜಿನ ಅನನ್ಯ ಆಚಾರ್ಯ ಹಾಗೂ ಬೆಸ್ಟ್​ ಡಿಫೆಂಡರ್​ ಆಗಿ ಮೂಡುಬಿದಿರೆ ಆಳ್ವಾಸ್​ ಕಾಲೇಜಿನ ವೀನಶ್ರೀ ಪ್ರಶಸ್ತಿ ಪಡೆದರು.