ಕೆಎಂಸಿಯಲ್ಲಿ ಮಾ.5ರಂದು ಲಿವರ್​ ಟ್ರಾನ್ಸ್​ಪ್ಲಾಂಟ್​ ಕ್ಲಿನಿಕ್​

ಉಡುಪಿ: ಲಿವರ್​ (ಯಕೃತ್ತು) ಆರೈಕೆಗಾಗಿ ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆಯಲ್ಲಿ ಮಾ.5ರಂದು ಬೆಳಗ್ಗೆ 10ರಿಂದ ಮಧ್ಯಾಹ್ನ 3ರ ವರೆಗೆ ಲಿವರ್​- ಟ್ರಾನ್ಸ್​ಪ್ಲಾಂಟ್​ ಕ್ಲಿನಿಕ್​ ತೆರೆದಿರಲಿದೆ. ಅಲ್ಲದೆ, ಈ  ಕ್ಲಿನಿಕ್​ ಪ್ರತಿ ತಿಂಗಳ ಮೊದಲ ಗುರುವಾರ ಸೇವೆಗೆ ಲಭ್ಯ ಇರಲಿದೆ. ಈ ಸೌಲಭ್ಯದಿಂದ ವಿಶೇಷವಾಗಿ  ಲಿವರ್​ ಮತ್ತು ಲಿವರ್​ ಕಸಿ ಸೇವೆ ಒದಗಿಸಲು, ಆರಂಭಿಕ ರೋಗರ್ನಿಣಯ, ತಜ್ಞರ ಮೌಲ್ಯಮಾಪನ ಮತ್ತು ಆರೈಕೆಯ ನಿರಂತರತೆಗೆ ಸಹಾಯವಾಗಲಿದೆ.

ಮಣಿಪಾಲ್​ ಆಸ್ಪತ್ರೆ ಬೆಂಗಳೂರಿನ ಎಚ್​ಪಿಬಿ&ಲಿವರ್​ ಮತ್ತು ಪ್ಯಾಂಕ್ರಿಯಾಟಿಕ್​ ಕಸಿಯ ತಜ್ಞವೈದ್ಯ  ಡಾ. ಜಯಂತ್​ ರೆಡ್ಡಿ ಮತ್ತು ತಜ್ಞವೈದ್ಯೆ ಡಾ. ದೀಪ್ತಿ ರಾಮಚಂದ್ರ ನೇತೃತ್ವ ವಹಿಸಲಿದ್ದಾರೆ. ಗ್ಯಾಸ್ಟ್ರೊಎಂಟರಾಲಜಿ ವಿಭಾಗದ ಮುಖ್ಯಸ್ಥ ಡಾ. ಗಣೇಶ್​ ಭಟ್​ ಮತ್ತು ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆಯ ಗ್ಯಾಸ್ಟ್ರೊಎಂಟರಾಲಜಿ ವಿಭಾಗದ ಪ್ರಾಧ್ಯಾಪಕ ಮತ್ತು ಘಟಕದ ಮುಖ್ಯಸ್ಥ ಡಾ. ಶಿರನ್​ ಶೆಟ್ಟಿ ಪಾಲ್ಗೊಳ್ಳಲಿದ್ದಾರೆ.

ತೀವ್ರ ಮತ್ತು ದೀರ್ಘಕಾಲದ ಲಿವರ್​ ಕಾಯಿಲೆ, ಕೊಬ್ಬಿನ ಲಿವರ್​ ಕಾಯಿಲೆ, ಲಿವರ್​ ಸಿರೋಸಿಸ್​ ಮತ್ತು ಅದರ ತೊಡಕು, ಲಿವರ್​ ಗೆಡ್ಡೆ ಮತ್ತು ಕ್ಯಾನ್ಸರ್​, ಹೆಪಟೊರಿನಲ್​ ಸಿಂಡ್ರೋಮ್​, ಮಕ್ಕಳಲ್ಲಿನ ಲಿವರ್​ ಕಾಯಿಲೆ, ಕಸಿ ಮಾಡುವ ಮೊದಲು ಅಥವಾ ನಂತರದ ಮೌಲ್ಯಮಾಪನದ ಸಮಗ್ರ ಸೇವೆ ನೀಡಲಾಗುವುದು. ತಜ್ಞರ ಭೇಟಿಗೆ ನೋಂದಣಿ ಕಡ್ಡಾಯ. ಮಾಹಿತಿಗಾಗಿ ಮೊ.ಸಂ. 6364469750 ಕರೆ ಮಾಡಬಹುದು. ಅಥವಾ www.khmanipal.comಗೆ ಭೇಟಿ ನೀಡಬಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.