ಉಡುಪಿ: ಕರಾವಳಿ ಕಾವಲು ಪೊಲೀಸ್​ ಠಾಣಾ ವ್ಯಾಪ್ತಿಯಲ್ಲಿ ಜಲಕ್ರೀಡೆಗಳ ಬೋಟ್​ ನಡೆಸಲು ನಿಗದಿತ ಇಲಾಖೆಯಿಂದ ಪರವಾನಗಿ ಪಡೆಯುವುದು ಕಡ್ಡಾಯ. ನಿಯಮ ಬಾಹಿರವಾಗಿ ವಾಟರ್​ ಸ್ಪೋರ್ಟ್ಸ್​ ನಡೆಸಿದರೆ ಹಾಗೂ ಪ್ರವಾಸಿಗರ ಜೀವಕ್ಕೆ ಅಪಾಯವಾದರೆ ಸಂಬಂಧಪಟ್ಟ ಜಲಕ್ರೀಡೆಯ ಬೋಟ್​ಗಳ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಕರಾವಳಿ ಕಾವಲು ಪೊಲೀಸ್​ ಪಡೆ ಎಚ್ಚರಿಕೆ ನೀಡಿದೆ.

ಜಿಲ್ಲೆಯಲ್ಲಿ ಈ ಹಿಂದೆ ಒಟ್ಟು 227 ಜಲಕ್ರೀಡೆ ಬೋಟ್​ ಮಾಲೀಕರ ಸಂಖ್ಯೆ ಇದ್ದು, ಅದರಲ್ಲಿ 42 ಮಂದಿ ಮಾತ್ರ ಪರವಾನಗಿ ಹೊಂದಿದ್ದರು. 185 ಮಾಲೀಕರು ಪರವಾನಗಿ ಪಡೆಯುವುದು ಬಾಕಿ ಇತ್ತು. ಈ ಕುರಿತು ಜಿಲ್ಲೆಯಲ್ಲಿರುವ 9 ಕರಾವಳಿ ಕಾವಲು ಪೊಲೀಸ್​ ಠಾಣೆಗಳಲ್ಲಿ ಬೋಟ್​ ಮಾಲೀಕರು, ಚಾಲಕರ ಸಭೆ ನಡೆಸಿ ಸೂಚನೆ ನೀಡಲಾಗಿತ್ತು. ಇದೀಗ ಒಟ್ಟು 227 ಬೋಟ್​ ಮಾಲೀಕರಲ್ಲಿ 151 ಮಾಲೀಕರು ಪರವಾನಗಿ ಪಡೆದಿದ್ದು, 76 ಮಾಲೀಕರುಗಳ ಲೈಸೆನ್ಸ್​ ನವೀಕರಣ ಬಾಕಿ ಇದೆ ಎಂದು ಇಲಾಖೆ ತಿಳಿಸಿದೆ.