ವಾಸ್ತವಾಂಶ ಅರಿತು ಸರ್ಕಾರ ಕ್ರಮ ಕೈಗೊಳ್ಳಲಿ

ಕುಂಬಳ ಉಪ-ಜಿಲ್ಲಾಮಟ್ಟದ ‘ಸ್ವಾತಂತ್ರೃ ರಸಪ್ರಶ್ನೆ’ ಸ್ಪರ್ಧೆಯಲ್ಲಿ ವೀರ ಸಾವರ್ಕರ್ ಬಗ್ಗೆ ಕೇಳಲಾದ ಪ್ರಶ್ನೆಗೆ ಸಂಬಂಧಿಸಿ ಶಿಕ್ಷಕರೊಬ್ಬರನ್ನು ಅಮಾನತುಗೊಳಿಸಿದ ಕ್ರಮದ ವಿರುದ್ಧ ಎನ್‌ಟಿಯು ನೇತೃತ್ವದಲ್ಲಿ ಜಿಲ್ಲಾ ಶಿಕ್ಷಣ ಉಪನಿರ್ದೇಶಕರ ಕಚೇರಿ ಎದುರು ಧರಣಿ ಉದ್ಘಾಟಿಸಿ ಮಾತನಾಡಿದರು.

ಶಿಕ್ಷಣ ಎಂದಿಗೂ ರಾಜಕೀಯ ಒತ್ತಡಕ್ಕೆ ಒಳಗಾಗಬಾರದು ಹಾಗೂ ಇತಿಹಾಸವನ್ನು ರಾಜಕೀಯ ದೃಷ್ಟಿಕೋನದಿಂದ ನೋಡಬಾರದು. ಕೇರಳದಲ್ಲಿರುವ ಪ್ರತಿಯೊಬ್ಬರೂ ಸಾವರ್ಕರ್ ಅವರ ರಾಜಕೀಯ ವಿಚಾರಗಳನ್ನು ಒಪ್ಪದಿರಬಹುದು. ಅವರ ನಿಲುವುಗಳನ್ನು ಟೀಕಿಸಲು ಎಲ್ಲರಿಗೂ ಸ್ವಾತಂತ್ರೃವಿದೆ. ಆದರೆ, ಭಾರತದ ಇತಿಹಾಸದಿಂದ ಅವರ ಹೆಸರನ್ನು ಅಳಿಸಿಹಾಕಲು ಸಾಧ್ಯವಿಲ್ಲ ಎಂದರು.

ಎನ್‌ಟಿಯು ಕಾಸರಗೋಡು ಜಿಲ್ಲಾ ಅಧ್ಯಕ್ಷ ಟಿ.ಕೃಷ್ಣನ್ ಅಧ್ಯಕ್ಷತೆ ವಹಿಸಿದ್ದರು. ರಾಜ್ಯ ಉಪಾಧ್ಯಕ್ಷ ಕೆ.ಪ್ರಭಾಕರನ್ ನಾಯರ್, ಮಹಿಳಾ ವಿಭಾಗದ ರಾಜ್ಯ ಜಂಟಿ ಸಂಚಾಲಕಿ ಎ.ಸುಚಿತಾ, ರಂಜಿತ್, ಒ.ಸತೀಶ್ ಕುಮಾರ್, ಕೆ.ಅರವಿಂದಾಕ್ಷ ಭಂಡಾರಿ, ಪಿ.ಬಾಲಕೃಷ್ಣ ಮೊದಲಾದವರು ಉಪಸ್ಥಿತರಿದ್ದರು. ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಅಜಿತ್ ಸ್ವಾಗತಿಸಿದರು. 250ಕ್ಕೂ ಹೆಚ್ಚು ಶಿಕ್ಷಕರು ಧರಣಿಯಲ್ಲಿ ಪಾಲ್ಗೊಂಡಿದ್ದರು.