ಕುಂಪಲ, ಕೋಟೆಪುರ ರಸ್ತೆ ‘ಇಕ್ಕಟ್ಟು’

ದ್ವಿಚಕ್ರ ವಾಹನಕ್ಕೂ ಕಷ್ಟದ ಹಾದಿ

ಸಂಚಾರ ದಟ್ಟಣೆಯ ಸಂಕಷ್ಟ

ಅಭಿವೃದ್ಧಿಗೆ ಅಡ್ಡಿಯೇನು?

ಅಬ್ಬಕ್ಕ ವೃತ್ತದಿಂದ ಕೋಡಿ ಕೋಟೆಪುರ ರಸ್ತೆ ಅಗಲೀಕರಣಕ್ಕೆ ಅನುದಾನ ಬಿಡುಗಡೆಗೊಳಿಸಲಾಗಿದ್ದು, ಶೀಘ್ರ ಕಾಮಗಾರಿ ಆರಂಭಗೊಳ್ಳಲಿದೆ. ರಸ್ತೆ ಬದಿಯ ಕಟ್ಟಡಗಳ ಮೆಟ್ಟಿಲುಗಳನ್ನು ತೆರವುಗೊಳಿಸಲಾಗುವುದು. ಸಾರ್ವಜನಿಕರು ಸ್ವಯಂಪ್ರೇರಣೆಯಿಂದ ಜಾಗ ಬಿಟ್ಟುಕೊಟ್ಟರೆ ರಸ್ತೆ ಅಗಲೀಕರಣ ಸುಲಲಿತವಾಗಲಿದೆ.

ಕುಂಪಲ ರಸ್ತೆ 47 ವರ್ಷಗಳ ಹಳೆಯದಾಗಿದ್ದು, ಈ ಭಾಗ ಭಾರೀ ಅಭಿವೃದ್ಧಿಯಿಂದಾಗಿ ಇಂದು ವಾಹನ ಸಂಚಾರಕ್ಕೆ ರಸ್ತೆ ಸಾಕಾಗುತ್ತಿಲ್ಲ. ರಸ್ತೆಯನ್ನು ಮೇಲ್ದರ್ಜೆಗೇರಿಸಿ ಭೂಸ್ವಾಧೀನಕ್ಕೆ ಸರ್ಕಾರ ದೊಡ್ಡ ಮೊತ್ತದ ಅನುದಾನ ಮೀಸಲಿಡಬೇಕಿದ್ದು, ಸ್ಥಳೀಯ ಶಾಸಕರು ಈ ನಿಟ್ಟಿನಲ್ಲಿ ತುರ್ತು ಗಮನ ಹರಿಸಬೇಕು.

ಕುಂಪಲ ರಸ್ತೆ ಮೇಲ್ದರ್ಜೆಗೇರಿಸುವಂತೆ ಗ್ರಾ.ಪಂ. ಅವಧಿಯಲ್ಲೂ ಜಿಲ್ಲಾ ಪಂಚಾಯತ್‌ಗೆ ಮನವಿ ಸಲ್ಲಿಸಲಾಗಿತ್ತು. ಪುರಸಭೆಯ ಸಾಮಾನ್ಯ ಸಭೆಯಲ್ಲೂ ಈ ಕುರಿತು ನಿರ್ಣಯ ಕೈಗೊಂಡು, ಜಿಲ್ಲಾಧಿಕಾರಿಗಳ ಮೂಲಕ ಪೌರಾಡಳಿತ ಇಲಾಖೆಗೆ ಪ್ರಸ್ತಾವನೆ ಕಳುಹಿಸಲಾಗಿದೆ.