* ಕಣಚೂರು ಆಸ್ಪತ್ರೆ ಆಡಳಿತಾಧಿಕಾರಿ ಡಾ.ರೋಹನ್ ಮೋನಿಸ್ ಅನಿಸಿಕೆ
* ಎಂಜಿಎಂ ಕಾಲೇಜ್ನ ಎನ್ಎಸ್ಎಸ್ ಶಿಬಿರದಲ್ಲಿ ಪ್ರಾತ್ಯಕ್ಷಿಕೆ
ಉಡುಪಿ: ಸ್ವಯಂಚಾಲಿತ ಬಾಹ್ಯ ಡಿಫಿಬ್ರಿಲೇಟರ್(ಎಇಡಿ) ಹಾಗೂ ಸಿಪಿಆರ್ಅನ್ನು ಯಾವುದೇ ವಯಸ್ಸಿನ, ಯಾವುದೇ ವಿದ್ಯಾರ್ಹತೆ ಹೊಂದಿದವರೂ ಮಾಡಬಹುದಾದ ಉತ್ತಮ ವ್ಯವಸ್ಥೆ. ಜೀವರಕ್ಷಕ ತಂತ್ರವಾದ ಸಿಪಿಆರ್ ಜ್ಞಾನ ಎಲ್ಲರಿಗೂ ಅಗತ್ಯ. ಸಿಪಿಆರ್ ಕೌಶಲ ಕಲಿತು ಮನೆ, ಕಾಲೇಜ್ ಹಾಗೂ ಸಮಾಜದಲ್ಲಿ ಉಪಯೋಗಿಸಿ ಇನ್ನೊಬ್ಬರ ಜೀವ ಉಳಿಸಿ ಎಂದು ಮಂಗಳೂರಿನ ಕಣಚೂರು ಆಸ್ಪತ್ರೆ ಹಾಗೂ ಸಂಶೋಧನಾ ಕೇಂದ್ರದ ಮುಖ್ಯ ಆಡಳಿತಾಧಿಕಾರಿ ಡಾ.ರೋಹನ್ ಎಸ್. ಮೋನಿಸ್ ಹೇಳಿದರು.
ಪಡುಬೆಳ್ಳೆಯಲ್ಲಿ ನಡೆಯುತ್ತಿರುವ ಎಂಜಿಎಂ ಕಾಲೇಜ್ನ ರಾಷ್ಟ್ರೀಯ ಸೇವಾ ಯೋಜನೆ (ಎನ್ಎಸ್ಎಸ್)ಯ ವಾರ್ಷಿಕ ವಿಶೇಷ ಶಿಬಿರದಲ್ಲಿ ಕಣಚೂರು ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್ಸ್ ಹಾಗೂ ಕ್ಯಾಥೊಲಿಕ್ ಅಸೋಸಿಯೇಷನ್ ಆಫ್ ಸೌತ್ ಕೆನರಾ (ಕಾಸ್ಕ್) ಸಹಭಾಗಿತ್ವದಲ್ಲಿ ಆಯೋಜಿಸಿದ್ದ 'ಸಿಪಿಆರ್ ಜಾಗೃತಿ ಹಾಗೂ ಪ್ರಾತ್ಯಕ್ಷಿಕೆ' ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಕಾಸ್ಕ್ ಅಧ್ಯಕ್ಷ ಡಾ.ಎರಿಕ್ ಲೋಬೋ, ಕಾಸ್ಕ್ ಗವರ್ನಿಂಗ್ ಕೌನ್ಸಿಲ್ ಸದಸ್ಯ ಪೀಟರ್ ಪಿಂಟೋ, ಕಣಚೂರು ಆಸ್ಪತ್ರೆಯ ಎಮರ್ಜೆನ್ಸಿ ಮೆಡಿಸಿನ್ ವಿಭಾಗದ ಡಾ.ರಮೇಶ್ ಕುಮಾರ್, ಡಾ.ಲೇಖನ್ ಗೌಡ, ಎನ್ಎಸ್ಎಸ್ ಘಟಕ&2ರ ಅಧಿಕಾರಿ ಡಾ.ರೇಖಾ ಎನ್.ಚಂದ್ರ ಉಪಸ್ಥಿತರಿದ್ದರು.
ಎನ್ಎಸ್ಎಸ್ ಅಧಿಕಾರಿ ಸುಚಿತ್ ಕೋಟ್ಯಾನ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. ವಿದ್ಯಾರ್ಥಿನಿ ಸುವೀಕ್ಷಾ ಸ್ವಾಗತಿಸಿದರು. ಧನ್ಯಾ ಪರಿಚಯಿಸಿದರು. ರೀತಿಕಾ ವಂದಿಸಿದರು. ಸೋನಿ ಪ್ರಕಾಶ್ ಕಾರ್ಯಕ್ರಮ ನಿರೂಪಿಸಿದರು. ಎಲ್ಲ ಸ್ವಯಂಸೇವಕರು ಪ್ರಾತ್ಯಕ್ಷಿಕೆಯಲ್ಲಿ ಪಾಲ್ಗೊಂಡು ಪೂರ್ಣ ತರಬೇತಿ ಪಡೆದರು.
