ಕೆಸರುಗದ್ದೆ ಓಟ, ಪ್ರತಿಭಾ ಪುರಸ್ಕಾರ

ಉಡುಪಿ: ಬೊಮ್ಮರಬೆಟ್ಟು ಗ್ರಾಮದಲ್ಲಿ ಶ್ರೀ ಭಸ್ಮೇಶ್ವರಿ ಮರಾಠಿ ಸಮಾಜ ಸಂಘ (ರಿ.) ಸಾಣೆಕಲ್ಲು (ಹತ್ತು ಸಮಸ್ತರ ಕೂಡುವಳಿ) ವತಿಯಿಂದ ಸೋಮಯ್ಯ ನಾಯ್ಕ್​ ಅವರ ಗದ್ದೆಯಲ್ಲಿ ಭಾನುವಾರ (ಜು.5) 'ಏಕ್​ ದಿಸ್​ ಗಾದೆಂತ್​ ಖೇಲಯ' (ಕೆಸರು ಗದ್ದೆ ಓಟ) ಮತ್ತು ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮ ನಡೆಯಿತು.

ರಾಮಕೃಷ್ಣ ಆಶ್ರಮ ಬೈಲೂರು ಮಠದ ಸ್ವಾಮೀಜಿ ಪ್ರಭೋದಾನಂದ ಶ್ರೀ ಹಾಗೂ ಎನ್​.ಪಿ. ಗ್ರೂಪ್​ನ ಮೆನೇಜಿಂಗ್​ ಡೈರೆಕ್ಟರ್​ ವಾಸುದೇವ ಭಟ್​ ನೆಕ್ಕರೆಪಲ್ಕೆ ಉದ್ಘಾಟಿಸಿ, ಶುಭ ಹಾರೈಸಿದರು.

ಎಸ್​ಎಸ್​ಎಲ್​ಸಿ ಮತ್ತು ಪಿಯುಸಿಯಲ್ಲಿ ಹೆಚ್ಚು ಅಂಕ ಗಳಿಸಿದ ವಿದ್ಯಾರ್ಥಿಗಳಿಗೆ ಪ್ರತಿಭಾ

ಪುರಸ್ಕಾರ ವಿತರಿಸಲಾಯಿತು. 

ಕಾಪು ಶಾಸಕ ಗುರ್ಮೆ ಸುರೇಶ್​ ಶೆಟ್ಟಿ ಭೇಟಿ ನೀಡಿ, ಶುಭ ಹಾರೈಸಿದರು. ಸಂಜೆ ನಡೆದ ಸಮಾರೋಪ ಸಮಾರಂಭದಲ್ಲಿ ನಿವೃತ್ತ ಬ್ಯಾಂಕ್​ ಮೆನೇಜರ್​ ಅಪ್ಪು ಜಿ. ನಾಯ್ಕ್​ ಅವರು ಆಟೋಟ ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಿಸಿದರು. ಕೂಡುವಳಿಯ ಗುರಿಕಾರರು ಮತ್ತು ಸರ್ವ ಸದಸ್ಯರು ಉಪಸ್ಥಿತರಿದ್ದರು.

ಸಂಘದ ಅಧ್ಯಕ್ಷ ರಾಘವೇಂದ್ರ ನಾಯ್ಕ್​ ಉದ್ದಪಲ್ಕೆ ಸ್ವಾಗತಿಸಿದರು. ಸದಾನಂದ್​ ನಾಯ್ಕ್​  ಪಂಚನಬೆಟ್ಟು ಕಾರ್ಯಕ್ರಮ ನಿರೂಪಿಸಿದರು. ದೇವೇಂದ್ರ ನಾಯ್ಕ್​ ಪಂಚನಬೆಟ್ಟು ಮತ್ತು ಶ್ಯಾಮಲಾ ಚಂದ್ರಶೇಖರ್​ ನಾಯ್ಕ್​ ವಂದಿಸಿದರು.