"

ಇದು ಸಂಖ್ಯೆಗಾಗಿ ಮಾಡುತ್ತಿರುವ ಅಭಿಯಾನವಲ್ಲ. ಜನರಲ್ಲಿ ಕನ್ನಡ ಓದುವ ಆಸಕ್ತಿ ಹೆಚ್ಚಿಸಲು, ಮೊಬೈಲ್​ ಗೀಳಿನಿಂದ ಕಿಂಚಿತ್​ ಸಮಯವಾದರೂ ಹೊರಬರಲೆಂದು ಆರಂಭಿಸಿರುವ ಚಳವಳಿ. ಎಲ್ಲ ಬಗೆಯ ಸಾಹಿತ್ಯ, ಪುರಾಣ, ಕಾದಂಬರಿಗಳನ್ನು ಕೊಡುತ್ತಿದ್ದೇವೆ. ಈವರೆಗೆ 4 ಸಾವಿರಕ್ಕೂ ಅಧಿಕ ಪುಸ್ತಕಗಳನ್ನು ನೀಡಿದ್ದೇವೆ. ಮನೆಗಳಲ್ಲಿ ಓದಿದ ಆ ಪುಸ್ತಕ ಇನ್ನಿತರ ಮನೆಗಳಿಗೂ ಬದಲಾಗುತ್ತಲೂ ಇದೆ. ಇದು ಅಭಿಯಾನದ ವೈಶಿಷ್ಟ್ಯ.

— ರವಿರಾಜ್​ ಎಚ್​.ಪಿ. ಕಸಾಪ ಉಡುಪಿ ತಾಲೂಕು ಘಟಕ ಅಧ್ಯಕ್ಷ.

"

ಜ್ಞಾನದ ಕಲೆಯ, ಸಾಹಿತ್ಯದ ನೆಲಬೀಡಾದ ಉಡುಪಿಯಲ್ಲಿ ಕಸಾಪ ಉಡುಪಿ ಘಟಕದ 'ಮನೆಯೇ ಗ್ರಂಥಾಲಯ' ಅಭಿಯಾನ ಶ್ಲಾಘನೀಯ ಕೆಲಸ. ಮನೆಯ ಕಪಾಟಿನಲ್ಲಿರುವ ಒಂದಿಷ್ಟು ಉತ್ತಮ ಪುಸ್ತಕಗಳು ಆ ಮನೆಯ ಭೌತಿಕ ಶ್ರೀಮಂತಿಕೆ ಸಾರುತ್ತದೆ. ಹಿರಿಯರು ಪುಸ್ತಕ ಓದಿದರೆ ಮನೆಯಲ್ಲಿರುವ ಮಕ್ಕಳೂ ಸಹ ಓದುವ ಆಸಕ್ತಿ ತೋರುತ್ತಾರೆ. ಅದರಿಂದ ಪ್ರತಿ ಮನೆಯೂ ಅಕ್ಷರ, ಜ್ಞಾನ ಬೆಳಗುವ ಮಂದಿರವಾಗಲು ಸಾಧ್ಯ.

— ಪೂರ್ಣಿಮಾ. ಜಿಲ್ಲಾ ಕನ್ನಡ ಮತ್ತು ಸಂಸ್ಕತಿ ಇಲಾಖೆಯ ಸಹಾಯಕ ನಿರ್ದೇಶಕಿ.