ದೇಗುಲ ಜೀರ್ಣೋದ್ಧಾರಕ್ಕೆ ನ್ಯಾ.ಪುರುಷೋತ್ತಮ್​ ಶಿಲಾನ್ಯಾಸ

ಉಡುಪಿ: ತಾಲೂಕಿನ ಹಿರಿಯಡ್ಕ ಸಮೀಪದ ಹಿರೇಬೆಟ್ಟು ಭಟ್ರಕೋಡಿ ಗ್ರಾಮ ದೇವರಾದ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ಜೀರ್ಣೋದ್ಧಾರ ಕಾರ್ಯ ಆರಂಭಿಸಲಾಗಿದ್ದು, ಶಿಲಾಮಯ ಗರ್ಭಗೃಹದ ನಿರ್ಮಾಣಕ್ಕೆ ಬಳಸುವ ನೂತನ ಶಿಲೆಗಳಿಗೆ ಉಡುಪಿಯ ಪ್ರಧಾನ ಹಿರಿಯ ಸಿವಿಲ್​ ನ್ಯಾಯಾಧೀಶ ಹಾಗೂ ಸಿಜೆಎಂ ಎಂ.ಪುರುಷೋತ್ತಮ್​ ಅವರು ಬುಧವಾರ (ಜೂ.24) ಪ್ರಥಮ ಪೂಜೆ ಸಲ್ಲಿಸುವ ಮೂಲಕ ಚಾಲನೆ ನೀಡಿದರು.

ಶ್ರೀ ಕ್ಷೇತ್ರದ ತಂತ್ರಿಗಳಾದ ವಿದ್ವಾನ್​ ಡಾ. ಸತ್ಯ ಕೃಷ್ಣ ಭಟ್​ ಮಂಗಳೂರು ನೇತೃತ್ವದಲ್ಲಿ ನ್ಯಾಯಾಧೀಶರೇ ಶಿಲಾನ್ಯಾಸದ ಶಿಲೆಗಳಿಗೆ ಅರಿಶಿನ, ಕುಂಕುಮ, ಹಾಲು, ಹೂ ಸಮರ್ಪಿಸಿ ಆರತಿ ಬೆಳಗಿ ಶುಭಹಾರೈಸಿದರು.

ಗ್ರಾಮದ ಪ್ರಮುಖರಾದ ಜಯಪ್ರಕಾಶ್​ ನಾಯಕ್​, ಶಂಕರ್​ ನಾಯಕ್​, ಸುಂದರ್​ ಮೂಲ್ಯ, ನಾರಾಯಣ ಪೂಜಾರಿ, ಚಂದ್ರಯ್ಯ ಆಚಾರ್ಯ, ಪುರಂದರ ಆಚಾರ್ಯ, ರಮೇಶ್​ ನಾಯಕ್​, ಗುರುನಂದನ್​ ನಾಯಕ್​, ಗುರುದಾಸ್​ ಭಂಡಾರಿ, ಸುಧೀರ್​ ಶೆಟ್ಟಿ, ಶ್ಯಾಮ್​ ನಾಯ್ಕ್​, ಸುರೇಶ್​ ನಾಯ್ಕ್​, ಶೈಲೇಶ್​ ಪೂಜಾರಿ, ಗುರುರಾಜ್​ ಆಚಾರ್ಯ, ಶಶೀಂದ್ರ ಪೂಜಾರಿ, ದಿನೇಶ್​ ಪ್ರಭು, ಡಾ.ಕೃಷ್ಣಮೂರ್ತಿ, ಕೇಶವ್​ ಭಂಡಾರಿ, ಗೋಪಾಲ್​ ನಾಯಕ್​, ಕೇಶವ್​ ನಾಯಕ್​, ನಂದಕುಮಾರ್​, ಮಹದೇವ್​ ಭಟ್​, ಮುರುಳೀಧರ್​ ಎಲ್., ವಸಂತ್​ ನಾಯಕ್​, ಸುರೇಶ್​ ಭಟ್​ ಇತರರು ಪಾಲ್ಗೊಂಡಿದ್ದರು.