ಜಲಜೀವನ ಮಿಷನ್ ಪ್ರಗತಿ ಪರಿಶೀಲನೆ

ಎಡಿಎಂ ಪಿ.ಉದಯಕುಮಾರ್ ಅಧ್ಯಕ್ಷತೆ ವಹಿಸಿದ್ದರು. ಯೋಜನೆಗಳು ಮತ್ತು ಚಟುವಟಿಕೆಗಳ ಪ್ರಗತಿ, ಮೂರನೇ ಹಂತದ ತಪಾಸಣಾ ಸಂಸ್ಥೆಗಳ ಅವಧಿ ವಿಸ್ತರಣೆ, ವಿವಿಧ ರಸ್ತೆ ಅಗೆಯುವ ಪರವಾನಗಿಗಳ ಪ್ರಗತಿ ಪರಿಶೀಲನೆ ಮತ್ತು ಕಾಮಗಾರಿಗಳ ಅವಧಿ ವಿಸ್ತರಣೆಗೆ ಸಂಬಂಧಿಸಿದ ಅನುಮೋದನೆಯಂಥ ವಿಷಯಗಳ ಕುರಿತು ಚರ್ಚಿಸಲಾಯಿತು.

ಪ್ರಸ್ತುತ ಕಾಸರಗೋಡು ಜಿಲ್ಲೆಯಲ್ಲಿ ಜಲಜೀವನ ಮಿಷನ್ ನೇತೃತ್ವದಲ್ಲಿ 87835 ನೀರಿನ ಸಂಪರ್ಕ ಒದಗಿಸಲಾಗಿದೆ. ಮೂರನೇ ಹಂತದ ತಪಾಸಣಾ ಸಂಸ್ಥೆಗಳ ಅವಧಿ ವಿಸ್ತರಿಸಬಹುದು ಎಂದು ಒತ್ತಾಯಿಸಲಾಯಿತು. ಜಲಜೀವನ ಮಿಷನ್ ಯೋಜನೆ ಭಾಗವಾಗಿ ವಿವಿಧ ಕಾಮಗಾರಿಗಳ ಅವಧಿ ವಿಸ್ತರಿಸಲಾಗಿದೆ.

ಜಿಪಂ ಉಪಾಧ್ಯಕ್ಷ ಕೆ.ಕೆ.ಸೋಯಾ, ವಿವಿಧ ಸ್ಥಳೀಯಾಡಳಿತ ಸಂಸ್ಥೆಗಳ ಪ್ರತಿನಿಧಿಗಳು, ಜಿಲ್ಲಾ ಯೋಜನಾ ಅಧಿಕಾರಿ ರಾಜೇಶ್, ಸ್ಥಳೀಯಾಡಳಿತ ಇಲಾಖೆ ಜಂಟಿ ನಿರ್ದೇಶಕ ಕೆ.ವಿ.ಹರಿದಾಸ್, ಜಲ ಪ್ರಾಧಿಕಾರದ ಕಾರ್ಯನಿರ್ವಾಹಕ ಇಂಜಿನಿಯರ್ ರಿಜು, ಸೂಪರಿಂಟೆಂಡೆಂಟ್ ಇಂಜಿನಿಯರ್ ಸುದೀಪ್ ಕುಮಾರ್, ಕೇರಳ ಜಲ ಪ್ರಾಧಿಕಾರ, ನೀರಾವರಿ ಇಲಾಖೆ ಇಂಜಿನಿಯರ್‌ಗಳು ಭಾಗವಹಿಸಿದ್ದರು.