ನಿತ್ಯ ಯೋಗಾಭ್ಯಾಸದಿಂದ ಆರೋಗ್ಯ ಸ್ಥಿರ

ಉಡುಪಿ: ಭಾರತೀಯ ಯೋಗ ಕಲೆಯನ್ನು ವಿಶ್ವದಾದ್ಯಂತ ಇಂದು ಅನುಸರಿಸಲಾಗುತ್ತಿದೆ. ನಿತ್ಯ ಯೋಗಾಭ್ಯಾಸ ಮಾಡುವುದರಿಂದ ಆರೋಗ್ಯ ವೃದ್ಧಿಯಾಗುವುದಲ್ಲದೆ ಸ್ಥಿರವಾಗಿಯೂ ಇರುತ್ತದೆ. ಬಾಲ್ಯದಿಂದಲೇ ಯೋಗ ಕರಗತ ಮಾಡಿಕೊಂಡರೆ ದೈಹಿಕವಾಗಿಯೂ ಸಬಲರಾಗಿರಲು ಸಾಧ್ಯ ಎಂದು ಈಶಾ ಪ್ರತಿಷ್ಠಾನದ ಯೋಗ ತರಬೇತುದಾರ ಪ್ರವೀಣಕುಮಾರ್​ ತಿಳಿಸಿದರು.

ಉಡುಪಿಯ ಕುಂಜಿಬೆಟ್ಟುವಿನ ಶಾರದಾ ಪದವಿ ಪೂರ್ವ ಕಾಲೇಜಿನಲ್ಲಿ ಈಶಾ ಪ್ರತಿಷ್ಠಾನದ ಸಹಕಾರದಲ್ಲಿ ಆಯೋಜಿಸಿದ್ದ ಅಂತಾರಾಷ್ಟ್ರೀಯ ಯೋಗ ದಿನ ಕಾರ್ಯಕ್ರಮದಲ್ಲಿ ಯೋಗಾಭ್ಯಾಸದ ಪ್ರಾಮುಖ್ಯತೆ ಕುರಿತು ಮಾತನಾಡಿದರು.

ಕಾಲೇಜಿನ ಪ್ರಾಂಶುಪಾಲ ವಿಕ್ರಂ ದೇವಪ್ರಭು, ರಸಾಯನ ಶಾಸ್ತ್ರ ವಿಭಾಗದ ಮುಖ್ಯಸ್ಥೆ ಯಶಾ ಕೆ.ಎಸ್​. ಉಪಸ್ಥಿತರಿದ್ದರು. ಕನ್ನಡ ಉಪನ್ಯಾಸಕ ದಾಮೋದರ ಕಾರ್ಯಕ್ರಮ ನಿರೂಪಿಸಿದರು. ದೈಹಿಕ ಶಿಕ್ಷಣ ಶಿಕ್ಷಕ ಸುಕೇಶ್​ ಪೂಜಾರಿ ವಂದಿಸಿದರು.