ಕುಂಬಳೆ ಶಾಲೆಯಲ್ಲಿ ಡಿಜಿಟಲ್ ಚೌಕ ಉದ್ಘಾಟನೆ

ಮಂಜೇಶ್ವರ ಶಾಸಕ ಎಕೆಎಂ ಅಶ್ರಫ್ ಅಧ್ಯಕ್ಷತೆ ವಹಿಸಿದ್ದರು. ಕಾಸರಗೋಡು ಶಾಸಕ ಕಲ್ಲಟ್ರ ಮಾಹಿನ್, ಜಿಪಂ ಅಧ್ಯಕ್ಷ ಸಾಬು ಅಬ್ರಹಾಂ ಮುಖ್ಯ ಅತಿಥಿಗಳಾಗಿದ್ದರು.

ಮಕ್ಕಳಲ್ಲಿ ಡಿಜಿಟಲ್ ಅಂತರ ಕಡಿಮೆ ಮಾಡುವುದು, ಡಿಜಿಟಲ್ ಸಾಧನಗಳನ್ನು ಸ್ವಯಂ ಅಧ್ಯಯನದ ಸಾಧನವನ್ನಾಗಿ ಮಾಡುವುದು ಮತ್ತು ಆರೋಗ್ಯಕರ ಡಿಜಿಟಲ್ ಬ್ರೌಸಿಂಗ್ ಸಂಸ್ಕೃತಿ ಹುಟ್ಟುಹಾಕುವ ಉದ್ದೇಶದಿಂದ ಕೈಟ್ ನೇತೃತ್ವದಲ್ಲಿ ಪ್ರಾಥಮಿಕ ಶಾಲಾ ವಿದ್ಯಾರ್ಥಿಗಳಿಗಾಗಿ ಈ ಯೋಜನೆಯನ್ನು ಜಾರಿಗೆ ತರಲಾಗುತ್ತಿದೆ.

ಆಟಗಳು, ಸೃಜನಶೀಲತೆ, ಸ್ವ-ಅಧ್ಯಯನ ಮತ್ತು ಡಿಜಿಟಲ್ ಸಾಕ್ಷರತೆಯ ಮೂಲಕ ಕಲಿಕೆಯನ್ನು ಬೆಳೆಸುವುದರ ಜತೆಗೆ ಈ ಯೋಜನೆಯು ‘ಕಲಿಪೆಟ್ಟಿ’ ಮತ್ತು ‘ಇ-ವಿದ್ಯಾ’ ಅಂತಹ ಐಸಿಟಿ ಪಠ್ಯಪುಸ್ತಕಗಳನ್ನು ಇತರ ವಿಷಯಗಳ ಅಧ್ಯಯನಕ್ಕಾಗಿ ಪರಿಣಾಮಕಾರಿಯಾಗಿ ಬಳಸಿಕೊಳ್ಳಲು ಸಹಾಯ ಮಾಡುತ್ತದೆ. ಅಂಗವಿಕಲ ಮಕ್ಕಳು ಸೇರಿದಂತೆ ಎಲ್ಲ ವಿದ್ಯಾರ್ಥಿಗಳು ಸುಲಭವಾಗಿ ಬಳಸಬಹುದಾಗಿದೆ.