ಫುಡ್​ಕೋರ್ಟ್​ಗೆ ಜಮೀನು ಗುರುತು

ಹೆದ್ದಾರಿಯಲ್ಲಿ ಬಸ್​ ನಿಲುಗಡೆಗೆ ಸಂಬಂಧಿಸಿ ಜಿಲ್ಲಾಧಿಕಾರಿ ಅಧಿಸೂಚನೆ ಬಳಿಕ ಕ್ರಮ ಕೈಗೊಳ್ಳುವುದಾಗಿ ಕಾಪು ಠಾಣಾಧಿಕಾರಿ ತೇಜಸ್ವಿ ತಿಳಿಸಿದರು. ಸಾರಿಗೆ ಇಲಾಖೆಯಿಂದ ತಪಾಸಣೆ ನಡೆಸಿ ಬಸ್​ಗಳ ಕರ್ಕಶ ಹಾರ್ನ್​ಗಳನ್ನು ತೆರವು ಮಾಡಿ ದಂಡ ಹಾಕಲಾಗುತ್ತಿದೆ. ಹಾರ್ನ್​ಗೆ 3 ಸಾವಿರ ರೂ. ದಂಡವಿದ್ದರೂ ಬಸ್​ಗಳು ಮತ್ತೆ ಹಾರ್ನ್​ ಅಳವಡಿಸಿ ನಿಯಮ ಉಲ್ಲಂಸುತ್ತಿವೆ ಎಂದು ಮೋಟಾರು ವಾಹನ ನಿರೀಕ್ಷಕರು ಅಸಹಾಯಕತೆ ವ್ಯಕ್ತಪಡಿಸಿದರು. ಕಾಪು ಪ್ರದೇಶದಲ್ಲಿ ಕರ್ಕಶ ವಾರ್ನ್​ ವಿರುದ್ಧ ಕ್ರಮ ವಹಿಸಿ ಜಾಗೃತಿ ಮೂಡಿಸಬೇಕಾದ ಅನಿವಾರ್ಯತೆಯಿದೆ ಎಂದು ಮುಖ್ಯಾಧಿಕಾರಿ ತಿಳಿಸಿದರು. ಸರ್ವೀಸ್​ ರಸ್ತೆ ಪ್ರವೇಶ ಹಾಗೂ ನಿರ್ಗಮನ ಸ್ಥಳದಲ್ಲಿ ವೇಗ ತಡೆ ಅಳವಡಿಸಲು ಹೆದ್ದಾರಿ, ಪೊಲೀಸ್​ ಹಾಗೂ ಸಾರಿಗೆ ಇಲಾಖೆ ಸಂಯುಕ್ತವಾಗಿ ಸೇರಿ ಕ್ರಮ ವಹಿಸಬೇಕು ಎಂದು ಶಾಸಕರು ತಿಳಿಸಿದರು.

ಕಾಪು ತಾಲೂಕು ಕೇಂದ್ರದಲ್ಲಿಯೇ 100 ಹಾಸಿಗೆ ಸಾಮರ್ಥ್ಯದ ತಾಲೂಕು ಆಸ್ಪತ್ರೆ ನಿಮಾರ್ಣಕ್ಕೆ ಕೌನ್ಸಿಲ್​ ರ್ನಿಣಯ ಕೈಗೊಂಡಿತು. ಈಗಾಗಲೇ ಕಾಪು ಪ್ರಾಥಮಿಕ ಆರೋಗ್ಯ ಕೇಂದ್ರವನ್ನು ತಾಲೂಕು ಆಸ್ಪತ್ರೆಯಾಗಿ ಮೇಲ್ದರ್ಜೆಗೇರಿಸುವಂತೆ ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗಿತ್ತು. ಆದರೆ ಸರ್ಕಾರ ಕಳೆದ ವರ್ಷದ ಬಜೆಟ್​ನಲ್ಲಿ ಸಮುದಾಯ ಆಸ್ಪತ್ರೆಯಾಗಿಸಿ ಘೋಷಣೆ ಮಾಡಿತ್ತು. ಇದೀಗ ಆರ್ಥಿಕ ಸಮಸ್ಯೆಯಿಂದ ಪ್ರಾಥಮಿಕ ಆರೋಗ್ಯ ಕೇಂದ್ರವನ್ನು ಬ್ಲಾಕ್​ ಆಸ್ಪತ್ರೆಯನ್ನಾಗಿಸಿ ಸರ್ಕಾರ ಆದೇಶ ಮಾಡಿದೆ ಎಂದು ಶಾಸಕರು ತಿಳಿಸಿದರು. ಹೆದ್ದಾರಿ ಬಳಿಯಲ್ಲಿಯೇ ಇರುವ ಕೇಂದ್ರವನ್ನು ಆದ್ಯತೆಯಲ್ಲಿ ತಾಲೂಕು ಆಸ್ಪತ್ರೆಯನ್ನಾಗಿಸಬೇಕಿದೆ. ಅದಕ್ಕಾಗಿ ಸರ್ಕಾರಕ್ಕೆ ಒತ್ತಡ ತರಲಾಗುವುದು ಎಂದರು.