ಉಡುಪಿ: ಜಿಲ್ಲೆಯಲ್ಲಿ ಶನಿವಾರ ರಾತ್ರಿ ಹಾಗೂ ಭಾನುವಾರ ನಸುಕಿನಲ್ಲಿ ಭಾರಿ ಪ್ರಮಾಣದಲ್ಲಿ ಗಡುಗು-ಸಿಡಿಲು ಅಬ್ಬರ, ಬಿರುಗಾಳಿಯೊಂದಿಗೆ ಮಳೆ ಸುರಿದಿದ್ದು ವಿವಿಧೆಡೆ ಹಾನಿ ಉಂಟಾಗಿದೆ.

ಜಿಲ್ಲೆಯ ವಿವಿಧೆಡೆ ಬಿರುಗಾಳಿಯಿಂದಾಗಿ ಮರಗಳು ಉರುಳಿ ಹಾಗೂ ಸಿಡಿಲು ಬಿಡಿದು 6 ಮನೆಗಳು ಭಾಗಶ: ಹಾನಿಯಾಗಿದೆ.

ಉಡುಪಿ ನಗರದಲ್ಲಿ ಶನಿವಾರ (ಮೇ 23) ರಾತ್ರಿ ಹಾಗೂ ಭಾನುವಾರ (ಮೇ 24) ನಸುಕಿನ 4 ಗಂಟೆಗೆ ಭಾರಿ ಬಿರುಗಾಳಿಯೊಂದಿಗೆ ಅಬ್ಬರದ ಮಳೆ ಸುರಿದಿದ್ದು, ವಿವಿಧೆಡೆ ಮರಗಳು ಉರುಳಿ ಮನೆಗಳಿಗೆ ಸಣ್ಣಪುಟ್ಟ ಹಾನಿಯಾಗಿದೆ. ಅಲ್ಲಿಲ್ಲಿ ವಿದ್ಯುತ್​ ಕಂಬಗಳೂ ಸಹ ಮುರಿದುಬಿದ್ದಿದ್ದು, ಅನೇಕ ಕಡೆಗಳಲ್ಲಿ ರಾತ್ರಿಯಿಂದ ಬೆಳಗಿನವರೆಗೆ ವಿದ್ಯುತ್​ ಕೈಕೊಟ್ಟಿತ್ತು. ಹಾನಿಯಾದ ಕಡೆಗಳಲ್ಲಿ ಬೆಳಗ್ಗೆ ದುರಸ್ತಿ ಕಾರ್ಯ ಆರಂಭಿಸಿದ್ದರಿಂದ ಸಂಜೆ 5ರ ವರೆಗೂ ಆಗಾಗ ವಿದ್ಯುತ್​ ಕಡಿತ ಮಾಡಲಾಯಿತು.

ಕಾರ್ಕಳ- 2.02 ಮಿ.ಮೀ., ಕುಂದಾಪುರ- 53.08, ಉಡುಪಿ- 62.0, ಬೈಂದೂರು- 74.08, ಬ್ರಹ್ಮಾವರ- 25.0, ಕಾಪು- 9.06 ಮಿ.ಮೀ., ಹೆಬ್ರಿ- 21.02 ಮಿ.ಮೀ. ಮಳೆಯಾಗಿದೆ. ಜಿಲ್ಲೆಯಲ್ಲಿ ಸರಾಸರಿ 35.05 ಮಿ.ಮೀ. ಮಳೆಯಾಗಿದೆ.